صَفَنْيا 1:16 - الكتاب المقدس بالعربي الدارجي هنا تشاد

¹⁶ وَ دَا يَوْم ضَرَبَانْ الْبُوقْ وَ كُرَوْرَاكْ الْحَرِبْ ضِدّ الْمُدُنْ الْقَوِيِّينْ وَ بَكَانَاتْهُمْ هَنَا الْمُرَاقَبَةْ.

صَفَنْيا 1:16 Referenca të Kryqëzuara

عَمُوس 3:6

كَنْ الْبُوقْ بَكَى فِي لُبّ الْحِلَّةْ، سُكَّانْهَا مَا يِبَرْجُلُوا وَلَّا؟ كَنْ شَيّءْ فَسِلْ جَاءْ فِي الْحِلَّةْ، مَا اللّٰهْ بَسْ جَعَلَهْ وَلَّا؟

هُوشَع 8:1

«أَضُرْبُوا الْبُوقْ وَ جَهُّزُوا نُفُوسْكُو! الْعَدُو يَنْزِلْ مِثِلْ الصَّقُرْ فِي شَعَبِي أَنَا اللّٰهْ. أَشَانْ هُمَّنْ نَقَضَوْا مُعَاهَدَتِي وَ عِصَوْا شُرُوطِي هَنَا التَّوْرَاةْ.

إشَعْيا 32:14

أَشَانْ قَصِرْ الْمَلِكْ خَلَّوْه وَ الْمَدِينَةْ السِّيَادْهَا كَتِيرِينْ، أَبَوْهَا. حَارَةْ عُفَلْ وَ قَصِرْ الْمُرَاقَبَةْ يَبْقَوْا مِثِلْ كَرَاكِيرْ إِلَى الْأَبَدْ. وَ حَمِيرْ الْكَدَادَةْ يِنَطُّطُوا فَوْقهُمْ مِنْ الْفَرَحْ وَ الْبَهَايِمْ يَسْرَحَوْا فَوْقهُمْ

حَبَقُوق 3:6

هُو وَقَفْ وَ الْأَرْض أَنْهَزَّتْ وَ هُو شَافْ وَ الْأُمَمْ رَجَّفَوْا. الْجِبَالْ الْقَدِيمِينْ أَلْفَتْفَتَوْا وَ الْحُجَارْ الدَّايْمِينْ أَلْكَسَّرَوْا وَ الدُّرُوبْ الدَّايْمِينْ هِنَيْه هُو.

هُوشَع 5:8

اللّٰهْ قَالْ: «أَضُرْبُوا الْبُوقْ فِي قِبَيْعَةْ وَ أَضُرْبُوا الْبُرُنْجِي فِي الرَّامَةْ. عِيطُوا لِبَيْت إِيلْ الْفَسْلَةْ وَ شِيفُوا وَرَاكُو، يَا نَاسْ بَنْيَامِينْ!

إرْمِيا 8:16

مِنْ دَانْ فِي الْمُنْشَاقْ، أَنِحْنَ نَسْمَعَوْا نَفَسْ خَيْلهُمْ وَ مِنْ حَرَكَةْ حَنْحِنِينْ حِصْنَيْهُمْ، الْأَرْض تَرْجِفْ. الْعَدُو جَاءْ أَكَلْ الْأَرْض وَ كُلَّ شَيّءْ الْفِيهَا وَ الْمَدِينَةْ وَ سُكَّانْهَا.»

إرْمِيا 6:1

يَا النَّاسْ الْفِي أَرْض قَبِيلَةْ بَنْيَامِينْ، عَرُّدُوا مِنْ مَدِينَةْ الْقُدُسْ وَ فَتُّشُوا لَيْكُو مَلْجَأْ. فِي حِلَّةْ تَقُوعَةْ، أَضُرْبُوا الْبُوقْ وَ قَبُّضُوا النَّارْ مِثِلْ إِشَارَةْ فِي أَعَالِي بَيْت كَرَمْ. دَاهُو مِنْ مُنْشَاقْ الْفَسَالَةْ بَانَتْ وَ دَمَارْ كَبِيرْ جَايِ.

إشَعْيا 59:10

نِدَّقَّشَوْا مِثِلْ عَمْيَانِينْ فِي الدَّرَادِرْ أَيْوَى، نِدَّقَّشَوْا مِثِلْ الْمَا عِنْدُهُمْ عُيُونْ. وَ قَايْلَةْ بَسْ، نِتَّرْتَعَوْا مِثِلْ فِي اللَّيْل وَ فِي لُبّ النَّاسْ الطَّيْبِينْ، بِقِينَا مِثِلْ الْمَيْتِينْ.

تَثْنِية 28:52

وَ هُمَّنْ يِحَاصُرُوكُو فِي كُلَّ مُدُنْكُو التَّسْكُنُوا فَوْقهُمْ لَحَدِّي يَقَعَوْا الدَّرَادِرْ الطُّوَالْ وَ قَوِيِّينْ الْإِنْتُو أَتْوَكَّلْتُوا عَلَيْهُمْ فِي كُلَّ الْبَلَدْ. وَ هُمَّنْ يِحَاصُرُوكُو فِي كُلَّ مُدُنْ بَلَدْكُو الْاللّٰهْ إِلٰـهْكُو أَنْطَاهَا لَيْكُو.

إشَعْيا 27:13

وَ فِي الْيَوْم دَا، يَضُرْبُوا الْبُوقْ الْكَبِيرْ. وَ خَلَاصْ، يَجُوا الْوَدَّرَوْا فِي بَلَدْ أَشُورْ وَ الْمُشَتَّتِينْ فِي بَلَدْ مَصِرْ. وَ هُمَّنْ يَسْجُدُوا قِدَّامْ اللّٰهْ فِي الْجَبَلْ الْمُقَدَّسْ، فِي مَدِينَةْ الْقُدُسْ.

يُوِيل 2:1

أَضُرْبُوا الْبُوقْ فِي صَهْيُون وَ عِيطُوا فِي جَبَلْ اللّٰهْ الْمُقَدَّسْ. وَ خَلِّي كُلَّ سُكَّانْ الْبَلَدْ يَرْجُفُوا أَشَانْ يَوْم اللّٰهْ جَايِ وَ قَرَّبْ.

يَشُوع 6:20

وَ ضَرَبَوْا الْبُوقْ وَ وَكِتْ الشَّعَبْ سِمْعَوْا ضَرِبِينْ الْبُوقْ، عَاطَوْا بِشِدَّةْ. وَ طَوَّالِي، دُرْدُرْ الْحِلَّةْ وَقَعْ وَ بَنِي إِسْرَائِيلْ هَجَمَوْا الْحِلَّةْ أَيِّ وَاحِدْ بِالْفَرَقَةْ الْقِدَّامَهْ وَ شَالَوْا الْحِلَّةْ.

حِزْقِيال 7:7

وَ عِقَابْكُو جَايِ، يَا سُكَّانْ الْبَلَدْ! وَكِتْكُو جَايِ، الْيَوْم قَرَّبْ وَ دَا يَوْم هَنَا بَرْجَالْ وَ مَا هَنَا فَرَحْ فِي الْجِبَالْ.