صَفَنْيا 1:12 - الكتاب المقدس بالعربي الدارجي هنا تشاد

¹² وَ فِي الْوَكِتْ دَا، أَنَا نِفَتِّشْ فِي لُبّ مَدِينَةْ الْقُدُسْ بِفَانُوسْ. وَ نِعَاقِبْ كُلَّ الرُّجَالْ الْقَاعِدِينْ فِي ذُنُوبْهُمْ مِثِلْ الْخَمَرْ الْقَاعِدْ فِي رِنْدِيهْ. هُمَّنْ يُقُولُوا فِي قُلُوبْهُمْ: ‹اللّٰهْ مَا يِسَوِّي شَيّءْ وَ لَا خَيْر وَ لَا شَرّ.›

صَفَنْيا 1:12 Referenca të Kryqëzuara

عَمُوس 6:1

الْعَذَابْ لَيْكُو إِنْتُو الْقَاعِدِينْ مُرْتَاحِينْ فِي جَبَلْ صَهْيُون وَ الْقَاعِدِينْ بِأَمَانْ فِي جَبَلْ السَّامِرَةْ. إِنْتُو تَحْسُبُوا نُفُوسْكُو أَحْسَنْ نَاسْ فِي أَحْسَنْ أُمَّةْ وَ كُلَّ بَنِي إِسْرَائِيلْ يَجُوا لَيْكُو إِنْتُو.

إرْمِيا 48:11

«مُوَابْ قَاعِدَةْ فِي الرَّاحَةْ مِنْ صُبَاهَا مِثِلْ الْخَمَرْ الْقَاعِدْ فِي رِنْدِيهْ وَ مَا صَبَّوْه فِي مَاعُونْ آخَرْ. هِي مَا وَدَّوْهَا فِي الْغُرْبَةْ. هِي مِثِلْ الْخَمَرْ الطَّعَمَهْ مَا وَدَّرْ وَ رِيحْتَهْ مَا أَلْبَدَّلَتْ.»

حِزْقِيال 8:12

وَ هُو قَالْ لَيِّ: «يَا إِبْن آدَمْ، إِنْتَ شِفْت الشَّيّءْ الْقَاعِدِينْ يِسَوُّوهْ شُيُوخْ بَنِي إِسْرَائِيلْ فِي الضَّلَامْ، أَيِّ وَاحِدْ قِدَّامْ صَنَمَهْ وَلَّا؟ وَ بُقُولُوا: ‹اللّٰهْ مَا يَقْدَرْ يِشِيفْنَا! اللّٰهْ خَلَّى بَلَدْنَا!›»

حِزْقِيال 9:9

وَ هُو قَالْ لَيِّ: «خَطَا بَنِي إِسْرَائِيلْ وَ بَنِي يَهُوذَا دَا كَبِيرْ مَرَّةْ وَاحِدْ! الْبَلَدْ أَنْمَلَتْ بِالدَّمّ وَ الْمَدِينَةْ أَنْمَلَتْ بِالظُّلُمْ. أَشَانْ هُمَّنْ قَالَوْا: ‹اللّٰهْ خَلَّى بَلَدْنَا! هُو مَا يَقْدَرْ يِشِيفْنَا!›

زَبُور 94:7

وَ يُقُولُوا: «اللّٰهْ مَا يِشِيفْ شَيّءْ! أَيْوَى، إِلٰـهْ يَعْقُوبْ مَا يَعَرِفْ.»

رُؤية 2:23

وَ نَضْرُبْ تَلَامِيذْهَا وَ يُمُوتُوا. وَ بَيْدَا، كُلَّ جَمَاعَاتْ الْمُؤمِنِينْ يَعَرْفُوا كَدَرْ أَنَا نَكْشِفْ قَلِبْ هَنَا أَيِّ نَادُمْ وَ نَعَرِفْ فِكْرَهْ. وَ يَعَرْفُوا كَدَرْ أَيِّ وَاحِدْ مِنْكُو نِجَازِيهْ.

2 بُطْرُس 3:4

وَ يُقُولُوا: «وَاعَدَوْا بِجَيَّةْ عِيسَى وَ لَاكِنْ هُو مَا جَاءْ. أَبَّهَاتْنَا مَاتَوْا وَ مِنْ بِدَايَةْ الدُّنْيَا لَحَدِّي الْيَوْم، شَيّءْ غَيَّرْ كَيْ مَا فِيهْ!»

عُبَدْيا 1:6

يَا ذُرِّيَّةْ عِيسُو، عُدْوَانْكُو يِفَتُّشُوكُو وَ يَكْشُفُوا كَنْزُكُو.

إرْمِيا 10:5

وَ الْأَصْنَامْ دَوْل مِثِلْ خَيَالَاتْ فِي الزَّرَعْ. مَا يِحَجُّوا وَ يَنْقُلُوهُمْ نَقَلَانْ أَشَانْ مَا يَقْدَرَوْا يُرُوغُوا. مَا تَخَافَوْا! مَا يِسَوُّوا لَيْكُو شَيّءْ فَسِلْ وَ لَاكِنْ مَا تَلْقَوْا مِنْهُمْ خَيْر كُلَ.»

إشَعْيا 5:19

وَ يُقُولُوا: «خَلِّي اللّٰهْ يِسَوِّي خِدِمْتَهْ عَجَلَةْ أَشَانْ نِشِيفُوهَا! وَ قُدُّوسْ إِسْرَائِيلْ، خَلِّي يِقَرِّبْ وَ يِحَقِّقْ نِيّتَهْ أَشَانْ نَعَرْفُوهَا!»

زَبُور 14:1

الْمَطَامِيسْ قَالَوْا فِي نُفُوسْهُمْ: «مَا فِي إِلٰـهْ!» هُمَّنْ تَلَّفَوْا وَ سَوَّوْا عَمَلْ مُحَرَّمْ وَ مَا فِي نَادُمْ الْيِسَوِّي الْخَيْر.

أيُّوب 21:15

الْقَادِرْ، هُو يَاتُو أَشَانْ نَعَبُدُوهْ؟ وَ كَنْ نَشْحَدَوْه، يَنْفَعْنَا بِشُنُو؟»

حِزْقِيال 9:4

وَ اللّٰهْ قَالْ لَيَّهْ: «أَمْشِي فِي أُسْط مَدِينَةْ الْقُدُسْ وَ سَوِّي عَلَامَةْ فِي جَبْهَاتْ النَّاسْ الْقَاعِدِينْ يَقُنْتُوا وَ يَشْكُوا بِسَبَبْ كُلَّ الْمُحَرَّمَاتْ الْقَاعِدِينْ يِسَوُّوهُمْ فِي لُبَّهَا.»

مَلاخِـي 2:17

وَ زَعَّلْتُوا اللّٰهْ بِكَلَامْكُو الْكَتِيرْ. وَ إِنْتُو قُلْتُوا: «كِكَّيْف زَعَّلْنَاهْ بِكَلَامْنَا؟» وَ زَعَّلْتُوهْ بِكَلَامْكُو الْبُقُولْ: «أَيِّ نَادُمْ كَنْ يِسَوِّي فَسِلْ، دَا عَدِيلْ قِدَّامْ اللّٰهْ وَ النَّاسْ الْمِثِلْ دَوْل بَسْ اللّٰهْ يِرِيدْهُمْ!» وَ بَتَّانْ قُلْتُوا: «الْإِلٰـهْ الْيَحْكِمْ بِالْعَدَالَةْ دَا قَاعِدْ يِسَوِّي شُنُو؟»

زَبُور 10:4

الْعَاصِي الْمُسْتَكْبِرْ مَا يِفَتِّشَهْ وَ يُقُولْ: «مَا فِي إِلٰـهْ!» وَ دَا بَسْ كُلَّ فِكْرَهْ.