صَفَنْيا 1:10 - الكتاب المقدس بالعربي الدارجي هنا تشاد

¹⁰ وَ فِي الْيَوْم دَا، فِي مَدِينَةْ الْقُدُسْ، يِنْسَمِعْ بَكِي جَنْب بَابْ الْحُوتْ وَ صِرَاخْ فِي الْحَارَةْ الْجَدِيدَةْ وَ حَرَكَةْ دَمَارْ كَبِيرْ فِي الْجِبَالْ. وَ دَا كَلَامْ اللّٰهْ.

صَفَنْيا 1:10 Referenca të Kryqëzuara

2 أخبار 33:14

وَ بَعَدْ دَا، هُو بَنَى دُرْدُرْ طَوِيلْ بِبَرَّا لِمَدِينَةْ دَاوُدْ. وَ الدُّرْدُرْ دَا قَمَّ مِنْ النُّصّ الْغَرْبَانِي لِرِجِلْ قِحُونْ وَ مَاشِي فِي الْوَادِي لَحَدِّي بَابْ الْحُوتْ وَ مُحَوِّقْ حَارَةْ عُفَلْ. وَ مَنَسَّى خَطَّ قُيَّادْ الْعَسْكَرْ فِي كُلَّ الْمُدُنْ الْقَوِيِّينْ هَنَا بَلَدْ يَهُوذَا.

عَمُوس 8:3

وَ فِي الْيَوْم دَا، غِنَيْ فِي قَصِرْ الْمَلِكْ يِغَيِّرْ يَبْقَى نُوَاحْ. وَ فِي أَيِّ بَكَانْ، جَنَازَاتْ مُدَفِّقِينْ بَلَا حَرَكَةْ.» وَ دَا كَلَامْ اللّٰهْ الرَّبّ.

2 مُلوك 22:14

وَ خَلَاصْ، حِلْقِيَّا رَاجِلْ الدِّينْ وَ أَخِقَامْ وَ عَكْبُورْ وَ شَافَانْ وَ عَسَايَا مَشَوْا بَكَانْ حُلْدَةْ النَّبِيَّةْ مَرِةْ الْحَارِسْ هَنَا خُلْقَانْ رُجَالْ الدِّينْ الْأُسْمَهْ شَلُّومْ وِلَيْد تِقْوَى وِلَيْد حَرْحَسْ. وَ هِي سَاكْنَةْ فِي الْحَارَةْ الْجَدِيدَةْ هَنَا مَدِينَةْ الْقُدُسْ. وَ وَكِتْ هُمَّنْ وَصَّلَوْا، حَجَّوْا لَيْهَا بِالْكَلَامْ دَا.

نَحَمْيا 3:3

وَ نَاسْ حِلَّةْ سَانَةْ بَنَوْا خَشُمْ الْبَابْ الْبِنَادُوهْ بَابْ الْحُوتْ وَ رَكَّبَوْا الْبَابْ بِتَرْبَازَهْ وَ قُفُلَهْ.

صَفَنْيا 1:15

وَ الْيَوْم دَا، يَوْم هَنَا غَضَبْ وَ يَوْم هَنَا ضِيقَةْ وَ تَعَبْ. هُو يَوْم هَنَا خَرَابْ وَ دَمَارْ وَ يَوْم هَنَا ضَلَامْ أَزْرَقْ كُرُمْ وَ يَوْم هَنَا سَحَابْ أَضْلَمْ مَرَّةْ وَاحِدْ.

صَفَنْيا 1:7

أَسْكُتُوا قِدَّامْ اللّٰهْ الرَّبّ أَشَانْ يَوْم اللّٰهْ قَرَّبْ. اللّٰهْ جَهَّزْ ضَحِيَّةْ وَ خَصَّصْ مَعْزُومِينَهْ.

إرْمِيا 39:2

وَ فِي الْيَوْم التَّاسِعْ هَنَا الشَّهَرْ الرَّابِعْ فِي سَنِةْ 11 هَنَا حُكُمْ صِدْقِيَّا، قَدَّوْا خُرْمَةْ فِي دُرْدُرْ الْمَدِينَةْ.

إرْمِيا 4:31

أَنَا نَسْمَعْ بَكِي مِثِلْ شَكْوَةْ هَنَا مَرَةْ التِّطَالِقْ، مِثِلْ صِرَاخْ أَمْ بِكَيْرِيَّةْ التَّلْدَ. وَ دِي صَهْيُون الْمِثِلْ بِنَيَّةْ، تَصْرَخْ وَ تِنَاهِجْ وَ تِمِدّ إِيدَيْنهَا لِلْفَزَعْ. وَ تُقُولْ: «يَا خَسَارْتِي! أَنَا وَقَعْت مَيْتَةْ قِدَّامْ الْكَتَّالِينْ.»

إشَعْيا 59:11

وَ كُلِّنَا نِكِرُّوا مِثِلْ دِيدَانْ وَ نَبْكُوا مِنْ الْحِزِنْ مِثِلْ قِمْرِيْ. خَطَّيْنَا عَشَمْنَا فِي الْعَدَالَةْ لَاكِنْ مَا فِي شَيّءْ وَ خَطَّيْنَا عَشَمْنَا فِي النَّجَاةْ لَاكِنْ بَعِيدْ مِنِّنَا.

2 أخبار 32:22

وَ بِمِثِلْ دَا، اللّٰهْ نَجَّى حِزْقِيَّا وَ سُكَّانْ مَدِينَةْ الْقُدُسْ مِنْ إِيدْ سَنْحَرِيبْ مَلِكْ بَلَدْ أَشُورْ وَ مِنْ كُلَّ عُدْوَانْهُمْ الْآخَرِينْ. وَ أَنْطَاهُمْ الرَّاحَةْ مِنْ كُلِّ جِيهَةْ.

2 أخبار 3:1

وَ سُلَيْمَانْ بَدَا بُنَى بَيْت اللّٰهْ فِي أُورُشَلِيمْ فِي رَاسْ حَجَرْ مُرِيَّا. وَ دَا الْبَكَانْ الْاللّٰهْ بَانْ فَوْقَهْ لِدَاوُدْ أَبُوهْ وَ دَا الْبَكَانْ الدَّاوُدْ جَهَّزَهْ فِي مَدَقّ هَنَا أُرْنَانْ الْيَبُوسِي.

2 صَمُوِيل 5:9

وَ دَاوُدْ سَكَنْ فِي الْبَكَانْ الْقَوِي دَا وَ سَمَّاهْ مَدِينَةْ دَاوُدْ. وَ بَعَدْ دَا، بَنَى دُرْدُرْ الدِّفَاعْ السَّمَّوْه مِلُّو الْقَاعِدْ أَمْبَيْن الزِّرَاعَةْ وَ مَسْكَنَهْ.

2 صَمُوِيل 5:7

وَ بَيْدَا كُلَ، دَاوُدْ شَالْ بَكَانْهُمْ الْقَوِي الْأُسْمَهْ صَهْيُون. وَ الْبَكَانْ دَا، سَمَّوْه مَدِينَةْ دَاوُدْ.

2 أخبار 34:22

وَ خَلَاصْ، حِلْقِيَّا وَ مُرَسَّلِينْ الْمَلِكْ مَشَوْا بَكَانْ حُلْدَةْ النَّبِيَّةْ مَرِةْ الْحَارِسْ هَنَا خُلْقَانْ رُجَالْ الدِّينْ الْأُسْمَهْ شَلُّومْ وِلَيْد تُقَهَاتْ وِلَيْد حَسْرَا. وَ هِي سَاكْنَةْ فِي الْحَارَةْ الْجَدِيدَةْ هَنَا مَدِينَةْ الْقُدُسْ. وَ وَكِتْ هُمَّنْ وَصَّلَوْا، حَجَّوْا لَيْهَا بِالْكَلَامْ دَا.

نَحَمْيا 12:39

وَ مَشَيْنَا فُتْنَا بَابْ أَفْرَايِمْ وَ الْبَابْ الْقَدِيمْ وَ بَابْ الْحُوتْ وَ فُتْنَا بَيْت الْمُرَاقَبَةْ هَنَا حَنَنِيلْ وَ بَيْت الْمُرَاقَبَةْ الْبِنَادُوهْ مِيَةْ وَ فُتْنَا بَابْ الْغَنَمْ وَ وَقَفْنَا فِي الْبَابْ الْبِنَادُوهْ بَابْ السِّجِنْ.

حِزْقِيال 6:13

وَ بَيْدَا، يَعَرْفُوا كَدَرْ أَنَا بَسْ اللّٰهْ وَكِتْ يِشِيفُوا مَيْتِينْهُمْ قِدَّامْ أَصْنَامْهُمْ وَ حَوَالَيْ مَدَابِحْهُمْ وَ فَوْق أَيِّ حَجَرْ عَالِي وَ فِي رَاسْ أَيِّ جَبَلْ وَ تِحِتْ أَيِّ شَدَرَةْ خَضْرَةْ وَ أَيِّ شَدَرَةْ ضَلْمَةْ. وَ دَوْل الْبَكَانَاتْ الْقَدَّمَوْا فَوْقهُمْ ضَحَايَا لِأَصْنَامْهُمْ لِيَرْضَوْا بِرِيحِتْهُمْ.