صَفَنْيا 1:1 - الكتاب المقدس بالعربي الدارجي هنا تشاد

¹ وَ دَاهُو كَلَامْ اللّٰهْ الْقَالَهْ لِصَفَنْيَا وِلَيْد كُوشِي وِلَيْد قَدَالْيَا وِلَيْد أَمَرْيَا وِلَيْد حِزْقِيَّا. وَ دَا فِي أَيَّامْ حُكُمْ يُوشِيَّا وِلَيْد آمُونْ مَلِكْ مَمْلَكَةْ يَهُوذَا.

صَفَنْيا 1:1 Referenca të Kryqëzuara

إرْمِيا 1:2

وَ اللّٰهْ بَدَا يِحَجِّي لِإِرْمِيَا فِي سَنِةْ 13 هَنَا حُكُمْ يُوشِيَّا وِلَيْد آمُونْ مَلِكْ مَمْلَكَةْ يَهُوذَا.

2 بُطْرُس 1:19

وَ بَيْدَا، أَنِحْنَ مُؤَكِّدِينْ زِيَادَةْ كَدَرْ كَلَامْ الْأَنْبِيَاء صَحِيحْ. وَ خَلَاصْ، وَاجِبْ تُخُطُّوا بَالْكُو لِكَلَامْهُمْ الْمِثِلْ ضَيّ الْيِضَوِّي فِي بَكَانْ أَضْلَمْ لَحَدِّي الْوَطَاةْ تَبْقَى مِثِلْ نَهَارْ وَ نَجْمَةْ الْفَجُرْ تَطْلَعْ فِي قُلُوبْكُو.

هُوشَع 1:1

دَاهُو كَلَامْ اللّٰهْ الْقَالَهْ لِهُوشَعْ وِلَيْد بِيرِي. وَ دَا فِي أَيَّامْ حُكُمْ عُزِّيَّا وَ يُوتَامْ وَ أَحَازْ وَ حِزْقِيَّا مُلُوكْ مَمْلَكَةْ يَهُوذَا وَ فِي أَيَّامْ حُكُمْ يَرُبَعَامْ وِلَيْد يَهُآشْ مَلِكْ مَمْلَكَةْ إِسْرَائِيلْ.

حِزْقِيال 1:3

وَ هِنَاكْ فِي بَلَدْ بَابِلْ قَرِيبْ لِبَحَرْ خَابُورْ، اللّٰهْ حَجَّى لَيِّ أَنَا حِزْقِيَالْ وِلَيْد بُوزِي رَاجِلْ الدِّينْ. وَ هِنَاكْ قُدْرَةْ اللّٰهْ قَاعِدَةْ فَوْقِي.

إرْمِيا 25:3

«مِنْ سَنِةْ 13 هَنَا حُكُمْ يُوشِيَّا وِلَيْد آمُونْ مَلِكْ يَهُوذَا لَحَدِّي الْيَوْم دَا، وَ دَا فِي مُدَّةْ 23 سَنَةْ، اللّٰهْ قَاعِدْ يِحَجِّي لَيِّ. وَ أَنَا دَايْماً قَاعِدْ نِحَجِّي لَيْكُو وَ لَاكِنْ إِنْتُو أَبَيْتُوا مَا تَسْمَعَوْنِي!

2 تِمُوتَاوُس 3:16

الْكِتَابْ كُلَّ كَيْ هُو كَلَامْ اللّٰهْ النَّزَّلَهْ وَ عِنْدَهْ فَايْدَةْ أَشَانْ يِعَلِّمْ الْحَقّ وَ يِوَصِّفْ النَّاسْ خَطَاهُمْ وَ يِقَبِّلْهُمْ فِي الدَّرِبْ الْعَدِيلْ وَ يِدَرِّبْهُمْ فِي الْحَالْ الصَّالْحَةْ.

2 مُلوك 21:18

وَ مَنَسَّى مَاتْ وَ لِحِقْ أَبَّهَاتَهْ وَ دَفَنَوْه فِي جِنَيْنَةْ قَصْرَهْ الْبِنَادُوهْ جِنَيْنَةْ عُزَّى. وَ وِلَيْدَهْ آمُونْ حَكَمْ فِي بَدَلَهْ.

2 أخبار 33:20

وَ مَنَسَّى مَاتْ وَ لِحِقْ أَبَّهَاتَهْ وَ دَفَنَوْه فِي أَرْض وَرَثَتَهْ. وَ وِلَيْدَهْ آمُونْ حَكَمْ فِي بَدَلَهْ.

إرْمِيا 22:11

أَيْوَى، يَحَازْ وِلَيْد يُوشِيَّا مَلِكْ يَهُوذَا رِكِبْ فِي بَدَلْ أَبُوهْ. وَ بَعَدْ دَا، كَرَبَوْه وَ وَدَّوْه مِنْ الْبَكَانْ دَا. وَ دَاهُو اللّٰهْ قَالْ: «أَبَداً هُو مَا يِقَبِّلْ.

2 مُلوك 21:26

وَ دَفَنَوْه لِآمُونْ فِي قَبُرَهْ فِي جِنَيْنَةْ عُزَّى. وَ وِلَيْدَهْ يُوشِيَّا حَكَمْ فِي بَدَلَهْ.