زَكَرِيَّا 9:5 - الكتاب المقدس بالعربي الدارجي هنا تشاد

⁵ مَدِينَةْ أَشْقَلُونْ تِشِيفْ وَ تَخَافْ وَ غَزَّةْ تِتَّنَّ زِيَادَةْ مِنْ الْوَجَعْ وَ عَقْرُونْ عَشَمْهَا يِنْقَطِعْ. وَ يَكْتُلُوا مَلِكْ غَزَّةْ وَ أَشْقَلُونْ مَا يَسْكُنُوهَا بَتَّانْ.

زَكَرِيَّا 9:5 Referenca të Kryqëzuara

أعمال الرُسُل 8:26

وَ بَعَدْ دَا، وَاحِدْ مِنْ مَلَائِكَةْ اللّٰهْ جَاءْ لِفِلِبُّسْ وَ قَالْ: «قُمّ أَمْشِي عَلَيْ جِيهَةْ الْوَطِي وَ شِيلْ الدَّرِبْ الْيُشُقّ الْكَدَادَةْ مِنْ مَدِينَةْ الْقُدُسْ لَحَدِّي حِلَّةْ غَزَّةْ.»

إرْمِيا 47:1

وَ اللّٰهْ حَجَّى لِلنَّبِي إِرْمِيَا كَلَامْ بُخُصّ الْفِلِسْطِيِّينْ وَ دَا قَبُلْ فِرْعَوْن مَا يَهْجِمْ مَدِينَةْ غَزَّةْ.

فِلِبِّي 1:20

وَ نِتْمَنَّى بِنِيَّةْ وَاحِدَةْ وَ بِعَشَمْ قَوِي كَدَرْ مَا نَفْشُلْ فِي أَيِّ شَيّءْ. وَ نِدَوْر نِكَلِّمْ مِثِلْ دَايْماً كَلَّمْت بِشَجَاعَةْ وَ بَلَا خَوْف وَ نِعَظِّمْ الْمَسِيحْ قِدَّامْ النَّاسْ فِي كُلَّ حَيَاتِي، كَنْ نِعِيشْ وَلَّا نُمُوتْ كُلَ.

رَوْمَا 5:5

وَ الْعَشَمْ دَا أَبَداً مَا يِجِيبْ لَيْنَا الْعَيْب أَشَانْ اللّٰهْ نَزَّلْ مَحَبِّتَهْ فِي قُلُوبْنَا بِالرُّوحْ الْقُدُّوسْ الْهُو أَنْطَاهْ لَيْنَا.

يُوِيل 3:4

«وَ إِنْتُو كُلَ، يَا صُورْ وَ صَيْدَا وَ كُلَّ مُدِيرِيَّاتْ الْفِلِسْطِيِّينْ. تِدَوْرُوا مِنِّي شُنُو؟ تِدَوْرُوا تِلْكَفَّوْا فَوْقِي التَّارْ وَلَّا؟ كَنْ تِلْكَفَّوْا فَوْقِي التَّارْ، نُقُمّ بِسُرْعَةْ ضِدُّكُو وَ نِقَبِّلْ تَارْكُو فِي رَاسْكُو.

عَمُوس 1:8

وَ نُقُشّ الْحَاكِمْ مِنْ مَدِينَةْ أَشْدُودْ وَ الْكَارِبْ عَصَاةْ الْمُلُكْ مِنْ أَشْقَلُونْ. وَ نَضْرُبْ مَدِينَةْ عَقْرُونْ وَ نِدَمِّرْ الْفَضَّلَوْا مِنْ الْفِلِسْطِيِّينْ.» وَ دَا، اللّٰهْ الرَّبّ بَسْ قَالَهْ.

زَكَرِيَّا 9:4

وَ دَاهُو الرَّبّ يَقْلَعْ مِنْهُمْ كُلَّ شَيّءْ وَ يَرْمِي حِمَايِتْهُمْ فِي الْبَحَرْ وَ الْمَدِينَةْ ذَاتْهَا، النَّارْ تَاكُلْهَا.

زَكَرِيَّا 9:6

وَ اللّٰهْ قَالْ: «الْأَجَانِبْ يَسْكُنُوا أَشْدُودْ وَ نِدَمِّرْ إِسْتِكْبَارْ الْفِلِسْطِيِّينْ.

إشَعْيا 14:28

وَ فِي السَّنَةْ الْمَاتْ فَوْقهَا الْمَلِكْ أَحَازْ، الْمُحَاكَمَةْ دِي بِقَتْ.

عَمُوس 1:6

وَ دَاهُو اللّٰهْ قَالْ: «بِسَبَبْ نَاسْ مَدِينَةْ غَزَّةْ عِصَوْا تَلَاتَةْ وَ أَرْبَعَةْ مَرَّاتْ، أَنَا أَبَداً مَا نِخَلِّي الْقَرَارْ الشِّلْتَهْ ضِدُّهُمْ. أَشَانْ وَدَّوْا كُلَّ الشَّعَبْ فِي الْغُرْبَةْ وَ سَلَّمَوْهُمْ لِنَاسْ بَلَدْ أَدَوْم.