زَكَرِيَّا 8:4 - الكتاب المقدس بالعربي الدارجي هنا تشاد

⁴ وَ دَاهُو اللّٰهْ الْقَادِرْ قَالْ: «الشِّيَّابْ وَ الْعَجَايِزْ بَتَّانْ يَقْعُدُوا فِي شَوَارِعْ مَدِينَةْ الْقُدُسْ. وَ أَيِّ وَاحِدْ عَصَاتَهْ فِي إِيدَهْ أَشَانْ عَاشَوْا عُمُرْ طَوِيلْ.

زَكَرِيَّا 8:4 Referenca të Kryqëzuara

عِبْرَانِيِّين 12:22

لَاكِنْ الْحَجَرْ الْإِنْتُو جِيتُوا قِدَّامَهْ، هُو جَبَلْ صَهْيُون الْقَاعِدَةْ فَوْقَهْ مَدِينَةْ اللّٰهْ الْحَيّ. وَ هِي مَدِينَةْ الْقُدُسْ السَّمَاوِيَّةْ. جِيتُوا قِدَّامْ الْمَلَائِكَةْ الْمَا يِنْحَسْبُوا مِنْ الْكَتَرَةْ اللَّامِّينْ لِلْإِحْتِفَالْ.

أيُّوب 42:17

وَ وَكِتْ بِقِي شَايِبْ وَ شِبِعْ مِنْ الدُّنْيَا، هُو مَاتْ.

أيُّوب 5:26

وَ بِقُدُرْتَكْ بَسْ، تُمُوتْ وَ تَنْزِلْ فِي الْقَبُرْ مِثِلْ جُرُنْ الْقَنَادِيلْ فِي وَكِتْهُمْ.

1 صَمُوِيل 2:31

وَ دَاهُو يَجِي يَوْم وَاحِدْ الْفَوْقَهْ يُمُوتُوا كُلَّ الرُّجَالْ مِنْ ذُرِّيّتَكْ وَ نَادُمْ وَاحِدْ مَا يَكْبُرْ وَ يَبْقَى شَايِبْ فِي بَيْتَكْ.

1 صَمُوِيل 2:32

وَ وَكِتْ بَنِي إِسْرَائِيلْ يِعِيشُوا فِي الرَّاحَةْ، إِنْتَ تُكُونْ تَعْبَانْ. وَ نَادُمْ مِنْ ذُرِّيّتَكْ كَيْ مَا يِعِيشْ لَحَدِّي يَبْقَى شَايِبْ.

إرْمِيا 31:13

وَ دَاهُو كَلَامْ اللّٰهْ: «فِي الْوَكِتْ دَا، الْبَنَاتْ يَلْعَبَنْ وَ يَفْرَحَنْ وَ الصُّبْيَانْ وَ الشِّيَّابْ كُلَ. نِبَدِّلْ بَكِيهُمْ بِفَرْحَةْ وَ نِحَنِّسْهُمْ وَ نِفَرِّحْهُمْ مِنْ حِزِنْهُمْ. وَ نَشْبِعْ رُجَالْ الدِّينْ بِاللَّحَمْ السَّمِينْ وَ شَعَبِي يَشْبَعَوْا بِكُلَّ خَيْرِي.»

إرْمِيا 31:24

«فِي الْوَكِتْ دَاكْ، فِي بَلَدْ يَهُوذَا وَ كُلَّ مُدُنْهَا، الْحَرَّاتِينْ وَ السَّيَّارَةْ كُلُّهُمْ يَسْكُنُوا سَوَا.

زَكَرِيَّا 2:4

وَ الْمَلَكْ الْأَوَّلْ قَالْ لِلْآخَرْ: «أَجْرِي حَجِّي لِلصَّبِي دَا وَ قُولْ لَيَّهْ: ‹مَدِينَةْ الْقُدُسْ تَقْعُدْ مَفْتُوحَةْ بَلَا دُرْدُرْ أَشَانْ النَّاسْ وَ الْبَهَايِمْ بِقَوْا كَتِيرِينْ فِي أُسُطْهَا.›