زَكَرِيَّا 8:3 - الكتاب المقدس بالعربي الدارجي هنا تشاد

³ وَ دَاهُو اللّٰهْ قَالْ: «أَنَا نِقَبِّلْ فِي جَبَلْ صَهْيُون وَ نَسْكُنْ بَتَّانْ فِي أُسُطْ مَدِينَةْ الْقُدُسْ. وَ مَدِينَةْ الْقُدُسْ يِنَادُوهَا مَدِينَةْ الْأَمَانْ. وَ جَبَلْ اللّٰهْ الْقَادِرْ يِنَادُوهْ الْجَبَلْ الْمُقَدَّسْ.»

زَكَرِيَّا 8:3 Referenca të Kryqëzuara

زَكَرِيَّا 1:16

وَ فِي شَانْ دَا، دَاهُو اللّٰهْ قَالْ: «أَنَا نِقَبِّلْ لِمَدِينَةْ الْقُدُسْ بِمَحَنَّةْ. وَ مَدِينَةْ الْقُدُسْ يِقَاوُسُوهَا لِلْبَنِي وَ بَيْتِي يِنْبَنِي فِيهَا بَتَّانْ.» وَ دَا كَلَامْ اللّٰهْ الْقَادِرْ.

رُؤية 21:3

وَ أَنَا سِمِعْت حِسّ شَدِيدْ جَايِ مِنْ الْعَرْش وَ قَالْ: «دَاهُو مَسْكَنْ هَنَا اللّٰهْ قَاعِدْ فِي أُسْط النَّاسْ. هُو سَاكِنْ مَعَاهُمْ وَ هُمَّنْ بِقَوْا شَعَبَهْ. اللّٰهْ ذَاتَهْ قَاعِدْ مَعَاهُمْ وَ هُو بَسْ رَبُّهُمْ.

كُلُوسِي 2:9

مَا تَسْمَعَوْا كَلَامْهُمْ أَشَانْ فِي جِسِمْ الْمَسِيحْ بَسْ اللّٰهْ سَاكِنْ بِكُلَّ صِفَاتَهْ

2 كُرُنْتُس 6:16

وَ وَيْن الْعَلَاقَةْ بَيْن بَيْت عِبَادَةْ اللّٰهْ وَ بَيْت عِبَادَةْ الْأَصْنَامْ؟ وَ أَنِحْنَ بَسْ بَيْت اللّٰهْ الْحَيّ. وَ فِي الْكِتَابْ، اللّٰهْ قَالْ: <نَسْكُنْ فَوْقهُمْ وَ نُرُوغْ أَمْبَيْنَاتْهُمْ وَ نَبْقَى رَبُّهُمْ وَ هُمَّنْ يَبْقَوْا شَعَبِي.>

يُوحَنَّا 14:23

وَ عِيسَى رَدَّ لَيَّهْ وَ قَالْ: «كَنْ نَادُمْ يِحِبِّنِي هُو يِتَابِعْ كَلَامِي. وَ أَبُويِ يِحِبَّهْ وَ أَنِحْنَ نَجُوا لَيَّهْ وَ نَسْكُنُوا مَعَايَهْ.

يُوحَنَّا 1:14

وَ الْكَلِمَةْ بِقَتْ إِنْسَانْ وَ هُو سَكَنْ فِي أُسُطْنَا. وَ شِفْنَا قُدُرْتَهْ الْمَجِيدَةْ. وَ قُدُرْتَهْ هِي مَجِيدَةْ بِلْحَيْن وَ مُوَافْقَةْ لِلْإِبْن الْوَاحِدْ الْجَايِ مِنْ اللّٰهْ أَبُوهْ. وَ هُو مَلَانْ بِالرَّحْمَةْ وَ الْحَقّ.

يُوِيل 3:17

«وَ بَيْدَا، إِنْتُو تَعَرْفُوا كَدَرْ أَنَا بَسْ اللّٰهْ إِلٰـهْكُو الْقَاعِدْ فِي صَهْيُون جَبَلِي الْمُقَدَّسْ. مَدِينَةْ الْقُدُسْ تَبْقَى بَكَانْ مُقَدَّسْ وَ بَتَّانْ أَجَانِبْ مَا يَدْخُلُوا فَوْقهَا.»

إرْمِيا 33:16

وَ فِي الْوَكِتْ دَا، نَاسْ بَلَدْ يَهُوذَا يَلْقَوْا النَّجَاةْ وَ مَدِينَةْ الْقُدُسْ تَقْعُدْ بِأَمَانْ. وَ دَاهُو الْأُسُمْ الْيِسَمُّوهَا بَيَّهْ، اللّٰهْ هُو بَسْ الْيِجِيبْ لَيْنَا الْعَدَالَةْ.»

إرْمِيا 31:23

وَ دَاهُو اللّٰهْ الْقَادِرْ إِلٰـهْ بَنِي إِسْرَائِيلْ قَالْ: «بَعَدْ نِقَبِّلْهُمْ مِنْ الْغُرْبَةْ وَ نِثَبِّتْهُمْ فِي بَلَدْ يَهُوذَا وَ مُدُنْهَا، هُمَّنْ يِحَجُّوا بِالْكَلَامْ دَا بَتَّانْ وَ يُقُولُوا: ‹خَلِّي اللّٰهْ يِبَارِكَكْ، يَا صَهْيُون الْجَبَلْ الْمُقَدَّسْ، يَا مَسْكَنْ الْعَدَالَةْ!›

إشَعْيا 66:20

وَ اللّٰهْ قَالْ: «النَّاسْ يِقَبُّلُوا كُلَّ أَخْوَانْكُو مِنْ كُلَّ الْأُمَمْ بِخَيْل وَ عَرَبَاتْ وَ كَارَّوْ مُغَطَّيِينْ وَ بِغَالْ وَ جُمَالْ لَحَدِّي مَدِينَةْ الْقُدُسْ فِي جَبَلِي الْمُقَدَّسْ. وَ يِقَدُّمُوهُمْ مِثِلْ هَدِيَّةْ لَيِّ أَنَا اللّٰهْ. وَ دَا يَبْقَى مِثِلْ بَنِي إِسْرَائِيلْ يِقَدُّمُوا هَدَايَاهُمْ فِي مَوَاعِينْ طَاهِرِينْ لِبَيْت اللّٰهْ.

إشَعْيا 1:26

نِجِيبْ لَيْكِ قُضْيَاءْ مِثِلْ أَوَّلْ وَ مُسْتَشَارِينْ مِثِلْ فِي الْبِدَايَةْ. وَ بَعَدْ دَا، يِنَادُوكِ مَدِينَةْ الْعَدَالَةْ وَ حِلَّةْ الْأَمَانْ.

رُؤية 21:27

وَ أَيِّ شَيّءْ الْمَا طَاهِرْ وَلَّا أَيِّ نَادُمْ الْيِسَوِّي الْمُحَرَّمَاتْ وَلَّا أَيِّ كَدَّابْ مَا يَدْخُلُوا فَوْقهَا. الْيَدْخُلُوا فِي الْمَدِينَةْ دِي، إِلَّا النَّاسْ الْأَسَامَيْهُمْ مَكْتُوبِينْ فِي كِتَابْ الْحَيَاةْ هَنَا الْحَمَلْ.

رُؤية 21:10

وَ فِي الرُّؤْيَةْ دِي، هُو وَدَّانِي بَعِيدْ وَ خَطَّانِي فِي رَاسْ هَنَا حَجَرْ طَوِيلْ بِلْحَيْن. وَ وَصَّفَانِي الْمَدِينَةْ الْمُقَدَّسَةْ الْاللّٰهْ قَاعِدْ يِنَزِّلْهَا مِنْ السَّمَاءْ وَ هِي مَدِينَةْ الْقُدُسْ.

يُوِيل 3:21

أَيْوَى، أَنَا نَجْعَلْهُمْ بَرِيِّينْ مِثِلْ أَوَّلْ جَعَلْتُهُمْ مَا بَرِيِّينْ. وَ أَنَا اللّٰهْ نَسْكُنْ فِي صَهْيُون!»

حِزْقِيال 48:35

وَ طُولْ دَايِرْ الدُّرْدُرْ دَا 18 000 دُرَاعْ. وَ مِنْ الْيَوْم، الْمَدِينَةْ دِي يِسَمُّوهَا اللّٰهْ قَاعِدْ هِنِي.»

إشَعْيا 65:25

الْبَعَشَوْم وَ الْحَمَلْ يَرْتَعَوْا سَوَا وَ الدُّودْ مِثِلْ التَّوْر يَاكُلْ الْقَشّ لَاكِنْ الدَّابِي يَاكُلْ الْعَجَاجْ. وَ فِي جَبَلِي الْمُقَدَّسْ، مَا فِي فَسَالَةْ وَ لَا دَمَارْ.» وَ دَا، اللّٰهْ بَسْ قَالَهْ.

إشَعْيا 60:14

ذُرِّيَّةْ الظَّلَمَوْكِ يِدَنْقُرُوا قِدَّامْكِ وَ كُلَّ الْحَقَرَوْكِ يَسْجُدُوا تِحِتْ رِجِلَيْنكِ. وَ يِنَادُوكِ مَدِينَةْ اللّٰهْ وَ يِنَادُوا صَهْيُون مَدِينَةْ قُدُّوسْ إِسْرَائِيلْ.

إشَعْيا 12:6

عِيطُوا بِفَرَحْ وَ زَغْرُطُوا، يَا سُكَّانْ صَهْيُون! أَشَانْ قُدُّوسْ إِسْرَائِيلْ الْقَاعِدْ فِي أُسُطْكُو، هُو عَظِيمْ.»

إشَعْيا 11:9

وَ مَا تُكُونْ فَسَالَةْ وَ لَا دَمَارْ فِي كُلَّ جَبَلِي الْمُقَدَّسْ أَشَانْ الْأَرْض تِنْمَلِي بِمَعْرَفَةْ اللّٰهْ مِثِلْ الْبَحَرْ يِنْمَلِي بِأَلْمِي.

إشَعْيا 1:21

كِكَّيْف الْمَدِينَةْ الْأَمِينَةْ بِقَتْ شَرْمُوطَةْ؟ أَوَّلْ هِي مَلَانَةْ بِالْعَدَالَةْ. أَيْوَى، أَوَّلْ الْعَدَالَةْ سَاكْنَةْ فَوْقهَا لَاكِنْ هَسَّعْ سَاكْنِينْ فَوْقهَا كَتَّالِينْ دِمَمْ.

زَبُور 48:1

اللّٰهْ هُو عَظِيمْ وَ وَاجِبْ لَيَّهْ الْحَمْد فِي مَدِينَةْ إِلٰـهْنَا، فِي جَبَلَهْ الْمُقَدَّسْ.

إشَعْيا 8:18

أَنَا وَ الْعِيَالْ الْأَنْطَاهُمْ لَيِّ اللّٰهْ، أَنِحْنَ مِثِلْ عَلَامَاتْ وَ مَثَلْ لِبَنِي إِسْرَائِيلْ. اللّٰهْ الْقَادِرْ بَسْ جَابَاهُمْ، هُو السَّاكِنْ فِي جَبَلْ صَهْيُون.

إشَعْيا 32:16

وَ خَلَاصْ، الْحَقّ يَسْكُنْ فِي الصَّحَرَاء وَ الْعَدَالَةْ تَقْعُدْ فِي الْجِنَيْنَةْ.

إرْمِيا 26:18

«فِي أَيَّامْ حُكُمْ حِزْقِيَّا مَلِكْ يَهُوذَا، مِيخَا الْمِنْ حِلَّةْ مُورَشَتْ أَتْنَبَّأْ وَ قَالْ لِكُلَّ شَعَبْ يَهُوذَا: ‹دَاهُو اللّٰهْ الْقَادِرْ قَالْ: ”صَهْيُون يَحَرْتُوهَا مِثِلْ زَرَعْ وَ مَدِينَةْ الْقُدُسْ تَبْقَى كَوْم هَنَا تُرَابْ وَ رَاسْ جَبَلْ بَيْت اللّٰهْ يَبْقَى غَابَةْ.“›»

دَنْيال 9:16

يَا رَبّ، إِنْتَ عَادِلْ. وَ أَشَانْ دَا، مَا تِنَزِّلْ غَضَبَكْ الشَّدِيدْ فِي جَبَلَكْ الْمُقَدَّسْ الْفَوْقَهْ مَدِينْتَكْ. أَشَانْ بِسَبَبْ ذُنُوبْنَا وَ الْخَطَايَا السَّوَّوْهُمْ جُدُودْنَا، دَاهُو النَّاسْ الْحَوَالَيْنَا قَاعِدِينْ يِشَّمَّتَوْا لِمَدِينَةْ الْقُدُسْ وَ لَيْنَا أَنِحْنَ شَعَبَكْ.

مِيخا 4:1

وَ فِي آخِرْ الْوَكِتْ، جَبَلْ بَيْت اللّٰهْ يَثْبِتْ فِي رُوسَيْ الْجِبَالْ وَ يَبْقَى عَالِي مِنْ كُلَّ الْحُجَارْ. وَ الشُّعُوبْ يَجُوا لَيَّهْ بِكَتَرَةْ مِثِلْ أَلْمِي الْجَارِي.

صَفَنْيا 3:13

وَ الْفَضَّلَوْا مِنْ بَنِي إِسْرَائِيلْ مَا يِسَوُّوا ظُلُمْ وَ مَا يُقُولُوا كَلَامْ كِدِبْ وَ مَا يِنْلَقِي فِي خُشُومْهُمْ كَلَامْ غَشّ. وَ لَاكِنْ هُمَّنْ يَاكُلُوا وَ يُنُومُوا بِأَمَانْ وَ مَا فِي نَادُمْ يِبَشْتِنْهُمْ.»

زَكَرِيَّا 8:16

دَاهُو الشَّيّءْ الْوَاجِبْ تِسَوُّوهْ. كَلُّمُوا أَمْبَيْنَاتْكُو بِالصَّحِيحْ. وَ فِي شَرِيعِتْكُو، أَحْكُمُوا بِالْحَقّ وَ بِالْعَدَالَةْ التِّجِيبْ السَّلَامْ.

زَكَرِيَّا 8:19

«دَاهُو اللّٰهْ الْقَادِرْ قَالْ: ‹أَيَّامْ الصِّيَامْ هَنَا الشَّهَرْ الرَّابِعْ وَ الشَّهَرْ الْخَامِسْ وَ الشَّهَرْ السَّابِعْ وَ الشَّهَرْ الْعَاشِرْ يَبْقَوْا لِبَنِي يَهُوذَا أَيَّامْ عِيدْ الْيِعَيُّدُوهُمْ بِسُرُورْ وَ فَرْحَةْ. وَ لَاكِنْ حِبُّوا الْحَقّ وَ السَّلَامْ.›»

زَكَرِيَّا 12:6

«وَ فِي الْيَوْم دَا، أَنَا نِسَوِّي شُيُوخْ يَهُوذَا مِثِلْ كَانُونْ مَلَانْ نَارْ تِحِتْ كَوْم هَنَا حَطَبْ أَوْ مِثِلْ نَارْ الْمُقَبِّضَةْ فِي رُبْطَةْ هَنَا قَنَادِيلْ. وَ هُمَّنْ يَاكُلُوا زَيْنَةْ وَ إِسْرَةْ كُلَّ الشُّعُوبْ الْمُجَاوِرِينْهُمْ. وَ لَاكِنْ سُكَّانْ مَدِينَةْ الْقُدُسْ يَسْكُنُوا فِي مَدِينِتْهُمْ.

خُروج 29:45

وَ نَسْكُنْ مَعَ بَنِي إِسْرَائِيلْ وَ نَبْقَى إِلٰـهُّمْ.

زَبُور 2:6

وَ يُقُولْ: «أَنَا اللّٰهْ دَرَّجْت الْمَلِكْ النِّدَوْرَهْ فِي جَبَلِي صَهْيُون الْمُقَدَّسْ.»

إرْمِيا 14:9

وَ مَالَا تَبْقَى مِثِلْ نَادُمْ عَيَّانْ أَوْ مِثِلْ فَارِسْ الْمَا يَقْدَرْ يِنَجِّي؟ يَا اللّٰهْ! بَيْدَا كُلَ، إِنْتَ قَاعِدْ فِي أُسُطْنَا وَ أُسْمَكْ قَاعِدْ فَوْقنَا. مَا تِخَلِّينَا!»

زَكَرِيَّا 14:10

وَ كُلَّ الْبَلَدْ تِغَيِّرْ وَ تَبْقَى مُسْتَوِيَةْ وَ خَضْرَةْ مِنْ قَبَعْ فِي الْمُنْشَاقْ لَحَدِّي رِمُّونْ جُنُوبْ مَدِينَةْ الْقُدُسْ. وَ لَاكِنْ مَدِينَةْ الْقُدُسْ تُكُونْ فِي الْعَالِي فِي بَكَانْهَا. وَ حُدُودْهَا يَمْشُوا مِنْ بَابْ بَنْيَامِينْ لَحَدِّي الْبَابْ الْقَدِيمْ وَ لَحَدِّي بَابْ الرُّكُنْ. وَ يَمْشُوا مِنْ بَيْت الْمُرَاقَبَةْ هَنَا حَنَنِيلْ لَحَدِّي عَصَّارَاتْ الْعِنَبْ هَنَا الْمَلِكْ.