زَكَرِيَّا 7:5 - الكتاب المقدس بالعربي الدارجي هنا تشاد

⁵ «قُولْ لِكُلَّ شَعَبْ الْبَلَدْ وَ لِرُجَالْ الدِّينْ: ‹وَكِتْ صُمْتُوا وَ حِزِنْتُوا فِي الشَّهَرْ الْخَامِسْ وَ السَّابِعْ، وَ دَا مِنْ مُدَّةْ 70 سَنَةْ، صِيَامْكُو دَا لَيِّ أَنَا وَلَّا؟

زَكَرِيَّا 7:5 Referenca të Kryqëzuara

زَكَرِيَّا 1:12

وَ مَلَكْ اللّٰهْ حَجَّى وَ قَالْ: «يَا اللّٰهْ الْقَادِرْ، مِنْ مُدَّةْ 70 سَنَةْ إِنْتَ غِضِبْت لِمَدِينَةْ الْقُدُسْ وَ حِلَّالْ بَلَدْ يَهُوذَا. مَتَى تَرْحَمْهُمْ؟»

1 كُرُنْتُس 10:31

وَ خَلَاصْ، فِي كُلِّ شَيّءْ التَّاكُلُوهْ وَ تَشَرْبَوْه وَ تِسَوُّوهْ، مَجُّدُوا اللّٰهْ. مَجُّدُوهْ فِي كُلِّ شَيّءْ.

زَكَرِيَّا 7:6

وَ وَكِتْ أَكَلْتُوا وَ شِرِبْتُوا، مَا لِنُفُوسْكُو بَسْ وَلَّا؟›»

زَكَرِيَّا 7:3

وَ رَسَّلَوْهُمْ أَشَانْ يَسْأَلَوْا رُجَالْ الدِّينْ فِي بَيْت اللّٰهْ الْقَادِرْ وَ الْأَنْبِيَاء وَ يُقُولُوا: «أَوَّلْ أَنِحْنَ قَاعِدِينْ نُصُومُوا وَ نَبْكُوا فِي الشَّهَرْ الْخَامِسْ أَشَانْ نِذَّكَّرَوْا دَمَارْ هَنَا بَيْت اللّٰهْ. وَ هَسَّعْ دَا، وَاجِبْ نِسَوُّوهْ وَلَّا لَا؟»

كُلُوسِي 3:23

أَيِّ خِدْمَةْ الْيَنْطُوكُو، أَخْدُمُوهَا بِنِيَّةْ وَاحِدَةْ. خُطُّوا فِي أَفْكَارْكُو كَدَرْ تَخْدُمُوا لِرَبِّنَا وَ مَا لِلنَّاسْ بَسْ.

2 كُرُنْتُس 5:15

وَ هُو مَاتْ لِكُلَّ النَّاسْ أَشَانْ النَّاسْ الْحَيِّينْ مَا يِعِيشُوا بَتَّانْ لِنُفُوسْهُمْ لَاكِنْ يِعِيشُوا لِلْمَسِيحْ الْمَاتْ وَ بَعَثْ فِي شَانْهُمْ.

مَتَّى 23:5

«وَ كُلَّ شَيّءْ الْيِسَوُّوهْ، هُمَّنْ يِسَوُّوهْ أَشَانْ يِدَوْرُوا النَّاسْ يِشِيفُوهُمْ. يَلْبَسَوْا لُبَاسْ خَاصّ لِلدِّينْ زِيَادَةْ مِنْ النَّاسْ الْآخَرِينْ.

مَتَّى 6:16

«وَ وَكِتْ تُصُومُوا، مَا تَرْبُطُوا وُجُوهْكُو مِثِلْ الْمُنَافِقِينْ. هُمَّنْ يِكَرْشُمُوا وُجُوهُّمْ أَشَانْ يِدَوْرُوا النَّاسْ يَعَرْفُوا هُمَّنْ صَايْمِينْ. نُقُولْ لَيْكُو الْحَقّ، مَا يَلْقَوْا أَجُرْ إِلَّا الشُّكُرْ اللِّقَوْه مِنْ النَّاسْ.

مَتَّى 6:5

«وَ وَكِتْ تِصَلُّوا، مَا تِصَلُّوا مِثِلْ الْمُنَافِقِينْ. هُمَّنْ يِرِيدُوا يِصَلُّوا فِي بُيُوتْ الصَّلَاةْ وَ فِي الشَّوَارِعْ أَشَانْ النَّاسْ يِشِيفُوهُمْ. نُقُولْ لَيْكُو الْحَقّ، هُمَّنْ مَا يَلْقَوْا أَجُرْ إِلَّا الشُّكُرْ الْيَلْقَوْه مِنْ النَّاسْ.

مَتَّى 6:2

وَكِتْ تَنْطِي صَدَقَةْ لِنَادُمْ مِسْكِينْ، مَا تِسَوِّي حَرَكَةْ كَتِيرَةْ مِثِلْ الْمُنَافِقِينْ. هُمَّنْ يَنْطُوا صَدَقَةْ فِي بُيُوتْ الصَّلَاةْ وَ فِي الشَّوَارِعْ أَشَانْ النَّاسْ يَشْكُرُوهُمْ. نُقُولْ لَيْكُو الْحَقّ، مَا يَلْقَوْا أَجُرْ إِلَّا الشُّكُرْ اللِّقَوْه مِنْ النَّاسْ.

زَكَرِيَّا 8:19

«دَاهُو اللّٰهْ الْقَادِرْ قَالْ: ‹أَيَّامْ الصِّيَامْ هَنَا الشَّهَرْ الرَّابِعْ وَ الشَّهَرْ الْخَامِسْ وَ الشَّهَرْ السَّابِعْ وَ الشَّهَرْ الْعَاشِرْ يَبْقَوْا لِبَنِي يَهُوذَا أَيَّامْ عِيدْ الْيِعَيُّدُوهُمْ بِسُرُورْ وَ فَرْحَةْ. وَ لَاكِنْ حِبُّوا الْحَقّ وَ السَّلَامْ.›»

إرْمِيا 25:11

وَ الْبَلَدْ دِي كُلَّهَا نِسَوِّيهَا كَوْم هَنَا تُرَابْ وَ أَرْض خَرَابْ. وَ كُلَّ الْأُمَمْ دَوْل يَبْقَوْا عَبِيدْ لِمَلِكْ بَابِلْ لِمُدَّةْ 70 سَنَةْ.

2 مُلوك 25:23

وَ وَكِتْ كُلَّ قُيَّادْ الْعَسْكَرْ هَنَا مَمْلَكَةْ يَهُوذَا وَ كُلَّ نَاسْهُمْ سِمْعَوْا كَدَرْ مَلِكْ بَابِلْ دَرَّجَهْ لِقَدَالْيَا حَاكِمْ، قَمَّوْا مَشَوْا لَيَّهْ فِي مِصْفَةْ. وَ النَّاسْ دَوْل هُمَّنْ إِسْمَاعِيلْ وِلَيْد نَتَنْيَا وَ يُوحَنَانْ وِلَيْد قَارِحْ وَ سَرَايَا وِلَيْد تَنْحُومَتْ مِنْ حِلَّةْ نَطُوفَا وَ يَزَنْيَا مِنْ حِلَّةْ مَعَاكَةْ.

إشَعْيا 43:23

إِنْتَ مَا قَدَّمْت لَيِّ خُرْفَانَكْ ضَحَايَا مُحَرَّقِينْ. وَ بِضَحَايَاكْ الْآخَرِينْ كُلَ، إِنْتَ مَا شَرَّفْتِنِي. أَنَا مَا جَبَرْتَكْ لِتِجِيبْ لَيِّ هَدَايَا وَ مَا عَيَّيْتَكْ بِقَدِّمِينْ الرِّيحَةْ.

إشَعْيا 58:3

وَ لَاكِنْ يُقُولُوا لَيِّ: ‹مَالَا كَنْ نُصُومُوا، إِنْتَ مَا تِشِيفْ صِيَامْنَا؟ وَ كَنْ نِمَسْكُنُوا نُفُوسْنَا، إِنْتَ مَا تِهْتَمَّا بَيَّهْ؟› أَشَانْ فِي يَوْم صِيَامْكُو، إِنْتُو تِفَتُّشُوا فَايْدِتْكُو وَ تِضَايُقُوا كُلَّ خَدَّامِينْكُو!

إرْمِيا 29:10

دَاهُو اللّٰهْ قَالْ بَتَّانْ: «مَمْلَكَةْ بَابِلْ تَقْعُدْ 70 سَنَةْ. وَ بَعَدْ دَا، أَنَا نُقُمّ وَ نِفَكِّرْ فَوْقكُو وَ نِحَقِّقْ كَلَامِي الْعَدِيلْ وَ نِقَبِّلْكُو هِنِي فِي مَدِينَةْ الْقُدُسْ.

إرْمِيا 52:12

وَ فِي الْيَوْم الْعَاشِرْ هَنَا الشَّهَرْ الْخَامِسْ فِي سَنِةْ 19 هَنَا حُكُمْ نَبُوخَدْنَصَرْ مَلِكْ بَابِلْ، نَبُوزَرَدَانْ كَبِيرْ الْحُرَّاسْ الْيَخْدِمْ لِمَلِكْ بَابِلْ دَخَلْ فِي مَدِينَةْ الْقُدُسْ.

دَنْيال 9:2

وَ فِي أَوَّلْ سَنَةْ هَنَا حُكْمَهْ، أَنَا دَنْيَالْ فِهِمْت مِنْ كُتُبْ الْأَنْبِيَاء كَدَرْ اللّٰهْ حَجَّى لِلنَّبِي إِرْمِيَا وَ قَالْ خَرَابْ مَدِينَةْ الْقُدُسْ يَقْعُدْ 70 سَنَةْ لَحَدِّي الْوَكِتْ دَا يِتِمّ.

هُوشَع 7:14

هُمَّنْ مَا يَصْرَخَوْا لَيِّ مِنْ دَاخَلْ قُلُوبْهُمْ وَكِتْ يَبْكُوا بِحِزِنْ فِي فُرَاشْهُمْ. يِجَرُّحُوا نُفُوسْهُمْ وَ يِنَادُوا إِلٰـهَاتْهُمْ لِيَنْطُوهُمْ الْقَمَحْ وَ الْخَمَرْ وَ لَاكِنْ يِبَعُّدُوا مِنِّي أَنَا.

زَكَرِيَّا 7:4

وَ دَاهُو اللّٰهْ الْقَادِرْ حَجَّى لَيِّ وَ قَالْ:

2 مُلوك 25:25

وَ لَاكِنْ فِي الشَّهَرْ السَّابِعْ، إِسْمَاعِيلْ وِلَيْد نَتَنْيَا وِلَيْد أَلِشَمَعْ مِنْ ذُرِّيَّةْ الْمَمْلَكَةْ جَاءْ مَعَ عَشَرَةْ رُجَالْ وَ ضَرَبَوْه لِقَدَالْيَا وَ كَتَلَوْه، هُو وَ نَاسْ مِنْ بَلَدْ يَهُوذَا وَ الْبَابِلِيِّينْ الْقَاعِدِينْ مَعَايَهْ فِي حِلَّةْ مِصْفَةْ.