زَكَرِيَّا 7:3 - الكتاب المقدس بالعربي الدارجي هنا تشاد

³ وَ رَسَّلَوْهُمْ أَشَانْ يَسْأَلَوْا رُجَالْ الدِّينْ فِي بَيْت اللّٰهْ الْقَادِرْ وَ الْأَنْبِيَاء وَ يُقُولُوا: «أَوَّلْ أَنِحْنَ قَاعِدِينْ نُصُومُوا وَ نَبْكُوا فِي الشَّهَرْ الْخَامِسْ أَشَانْ نِذَّكَّرَوْا دَمَارْ هَنَا بَيْت اللّٰهْ. وَ هَسَّعْ دَا، وَاجِبْ نِسَوُّوهْ وَلَّا لَا؟»

زَكَرِيَّا 7:3 Referenca të Kryqëzuara

زَكَرِيَّا 8:19

«دَاهُو اللّٰهْ الْقَادِرْ قَالْ: ‹أَيَّامْ الصِّيَامْ هَنَا الشَّهَرْ الرَّابِعْ وَ الشَّهَرْ الْخَامِسْ وَ الشَّهَرْ السَّابِعْ وَ الشَّهَرْ الْعَاشِرْ يَبْقَوْا لِبَنِي يَهُوذَا أَيَّامْ عِيدْ الْيِعَيُّدُوهُمْ بِسُرُورْ وَ فَرْحَةْ. وَ لَاكِنْ حِبُّوا الْحَقّ وَ السَّلَامْ.›»

مَلاخِـي 2:7

«وَ أَيِّ رَاجِلْ دِينْ، وَاجِبْ لِسَانَهْ يَحْفَضْ الْمَعْرَفَةْ وَ مِنْ خَشْمَهْ، الشَّعَبْ يَسْمَعَوْا شُرُوطْ التَّوْرَاةْ أَشَانْ هُو رَسُولْ اللّٰهْ الْقَادِرْ.

1 كُرُنْتُس 7:5

خَلِّي الرَّاجِلْ مَا يَابَى مَرْتَهْ وَ الْمَرَةْ مَا تَابَى رَاجِلْهَا. لَاكِنْ كَنْ تِدَوْرُوا تِوَقُّفُوا الْعَلَاقَةْ الْجِنْسِيَّةْ أَمْبَيْنَاتْكُو لِمُدَّةْ مُحَدَّدَةْ، مَثَلاً وَكِتْ تِنْكَرْبُوا فِي الصَّلَاةْ، أَوَّلاً كَيْ أَسْتَفُقُوا فَوْقَهْ سَوَا. وَ وَكِتْ الْمُدَّةْ دِي كَمَّلَتْ، لِمُّوا بَتَّانْ. وَ قُلْت الْكَلَامْ دَا أَشَانْ كَنْ مَا تَقْدَرَوْا تَلْزَمَوْا شَهْوَاتْكُو، أَكُونْ إِبْلِيسْ يِلِزُّكُو فِي الذَّنِبْ.

مَتَّى 9:15

وَ عِيسَى رَدَّ لَيْهُمْ وَ قَالْ: «كَنْ نَاسْ قَاعِدِينْ فِي عِرِسْ وَ الْعَرِيسْ مَعَاهُمْ، يَحْزَنَوْا وَلَّا؟ وَ لَاكِنْ يَجِي يَوْم وَاحِدْ الْعَرِيسْ يِشِيلُوهْ مِنْهُمْ وَ خَلَاصْ فِي الْوَكِتْ دَاكْ، يُصُومُوا.

زَكَرِيَّا 7:5

«قُولْ لِكُلَّ شَعَبْ الْبَلَدْ وَ لِرُجَالْ الدِّينْ: ‹وَكِتْ صُمْتُوا وَ حِزِنْتُوا فِي الشَّهَرْ الْخَامِسْ وَ السَّابِعْ، وَ دَا مِنْ مُدَّةْ 70 سَنَةْ، صِيَامْكُو دَا لَيِّ أَنَا وَلَّا؟

حَقَّاي 2:11

وَ دَاهُو اللّٰهْ الْقَادِرْ قَالْ: «أَسْأَلْ رُجَالْ الدِّينْ شُنُو فِكِرْهُمْ فِي الْقَانُونْ دَا.

يُوِيل 2:17

وَ خَلِّي رُجَالْ الدِّينْ يَبْكُوا بَيْن غُرْفَةْ الْمَدَخَلْ وَ الْمَدْبَحْ. أَيْوَى، خَدَّامِينْ اللّٰهْ يُقُولُوا: «يَا اللّٰهْ، حِنّ فِي شَعَبَكْ! هُمَّنْ الْمِثِلْ وَرَثَتَكْ، مَا تِعَيِّبْهُمْ وَ لَا تِخَلِّي الْأُمَمْ يِشَّمَّتَوْا فَوْقهُمْ. مَالَا فِي أُسْط الشُّعُوبْ الْآخَرِينْ يُقُولُوا: ‹وَيْن إِلٰـهُّمْ؟›»

هُوشَع 4:6

شَعَبِي أَدَّمَّرَوْا أَشَانْ مَا عِنْدُهُمْ الْمَعْرَفَةْ. أَشَانْ إِنْتُو أَبَيْتُوا الْمَعْرَفَةْ، أَنَا كُلَ نَابَاكُو وَ إِنْتُو مَا تَبْقَوْا لَيِّ رُجَالْ دِينْ. وَ مِثِلْ إِنْتُو نِسِيتُوا شُرُوطِي الْفِي التَّوْرَاةْ هَنَايِ أَنَا إِلٰـهْكُو، أَنَا كُلَ نَنْسَى عِيَالْكُو.

جامِعة 3:4

فِي وَكِتْ لِلْبَكِي وَ فِي وَكِتْ لِلضِّحِكْ. فِي وَكِتْ لِلنُّوَاحْ وَ فِي وَكِتْ لِلِّعِبْ.

تَثْنِية 33:10

وَ هُمَّنْ قَاعِدِينْ يِقَرُّوا شُرُوطَكْ لِعِيَالْ يَعْقُوبْ وَ وَصِيَّاتَكْ لِبَنِي إِسْرَائِيلْ. وَ فِي الْمُخْبَرْ، يِقَدُّمُوا لَيْك الْبَخُورْ وَ فِي الْمَدْبَحْ، يِقَدُّمُوا ضَحِيَّةْ كَامِلَةْ.

عَزْرا 3:10

وَ وَكِتْ الْبَنَّايِينْ خَطَّوْا أَسَاسْ بَيْت اللّٰهْ، رُجَالْ الدِّينْ قَعَدَوْا أَيِّ وَاحِدْ فِي بَكَانَهْ بِخُلْقَانَهْ الْخَاصِّيْن وَ بِبُرُنْجِي فِي إِيدَهْ. وَ اللَّاوِيِّينْ مِنْ ذُرِّيَّةْ أَسَافْ قَعَدَوْا بِنَقَاقِيرْ أَشَانْ يَحْمُدُوا اللّٰهْ مِثِلْ دَاوُدْ مَلِكْ إِسْرَائِيلْ زَمَانْ أَمَرَاهُمْ بَيَّهْ.

زَكَرِيَّا 7:4

وَ دَاهُو اللّٰهْ الْقَادِرْ حَجَّى لَيِّ وَ قَالْ: