زَكَرِيَّا 5:5 - الكتاب المقدس بالعربي الدارجي هنا تشاد

⁵ وَ الْمَلَكْ الْقَاعِدْ يِحَجِّي لَيِّ قَدَّمْ وَ قَالْ لَيِّ: «أَرْفَعْ رَاسَكْ وَ شِيفْ الشَّيّءْ الْجَايِ دَا.»

زَكَرِيَّا 5:5 Referenca të Kryqëzuara

زَكَرِيَّا 1:9

وَ أَنَا سَأَلْت الْمَلَكْ الْقَاعِدْ يِحَجِّي لَيِّ وَ قُلْت: «يَا سِيدِي، هُمَّنْ دَوْل يَاتُمَّنْ؟» وَ الْمَلَكْ قَالْ: «أَنَا نِأَوْرِيكْ هُمَّنْ دَوْل يَاتُمَّنْ.»

زَكَرِيَّا 4:5

وَ الْمَلَكْ قَالْ: «الشَّيّءْ الْقَاعِدْ تِشِيفَهْ دَا، مَعَنَاتَهْ مَا تَعَرْفَهْ وَلَّا؟» وَ أَنَا قُلْت: «لَا، يَا سِيدِي.»

زَكَرِيَّا 2:3

وَ بَعَدْ دَا، الْمَلَكْ الْقَاعِدْ يِحَجِّي لَيِّ قَمَّ مَاشِي وَ مَلَكْ آخَرْ جَاءْ لَاقَاهْ.

زَكَرِيَّا 1:19

وَ أَنَا سَأَلْت الْمَلَكْ الْقَاعِدْ يِحَجِّي لَيِّ وَ قُلْت: «هُمَّنْ دَوْل شُنُو؟» وَ هُو رَدَّ لَيِّ وَ قَالْ: «دَوْل الْقُرُونْ الشَّتَّتَوْا سُكَّانْ بَلَدْ يَهُوذَا وَ بَلَدْ إِسْرَائِيلْ وَ مَدِينَةْ الْقُدُسْ.»

زَكَرِيَّا 1:14

وَ بَعَدْ دَا، الْمَلَكْ الْقَاعِدْ يِحَجِّي لَيِّ قَالْ: «بَلِّغْ! دَاهُو اللّٰهْ الْقَادِرْ قَالْ: ‹أَنَا عِنْدِي مَحَبَّةْ شَدِيدَةْ لِمَدِينَةْ الْقُدُسْ وَ جَبَلْ صَهْيُون.

حِزْقِيال 8:5

وَ هُو قَالْ لَيِّ: «يَا إِبْن آدَمْ، أَرْفَعْ رَاسَكْ وَ شِيفْ مُنْشَاقْ.» وَ أَنَا رَفَعْت رَاسِي وَ شِفْت مُنْشَاقْ وَ دَاهُو شِفْت صَنَمْ الْغِيرَةْ مُنْشَاقْ فِي خَشُمْ الْبَابْ الْيِوَدِّي لِلْمَدْبَحْ.