زَكَرِيَّا 4:9 - الكتاب المقدس بالعربي الدارجي هنا تشاد

⁹ «إِيدَيْن زَرُبَابِلْ خَطَّوْا أَسَاسْ الْبَيْت دَا وَ إِيدَيْنَهْ بَسْ يِكَمُّلُوهْ.» وَ بَيْدَا، تَعَرْفُوا كَدَرْ اللّٰهْ الْقَادِرْ بَسْ رَسَّلَانِي لَيْكُو.

زَكَرِيَّا 4:9 Referenca të Kryqëzuara

عَزْرا 5:16

وَ مِثِلْ دَا، شِشْبَصَرْ جَاءْ فِي مَدِينَةْ الْقُدُسْ وَ خَطَّ أَسَاسْ بَيْت اللّٰهْ. وَ مِنْ الْوَكِتْ دَاكْ، قَاعِدِينْ يَبْنُوهْ وَ لَاكِنْ الْبُنَى دَا لِسَّاعْ مَا كَمَّلْ.»

زَكَرِيَّا 6:15

وَ نَاسْ بَعِيدِينْ يَجُوا يَبْنُوا بَتَّانْ بَيْت اللّٰهْ. وَ بَيْدَا، تَعَرْفُوا كَدَرْ اللّٰهْ الْقَادِرْ بَسْ رَسَّلَانِي أَنَا زَكَرِيَّا لَيْكُو. وَ دَا يُكُونْ كَنْ إِنْتُو تَسْمَعَوْا عَدِيلْ كَلَامْ اللّٰهْ إِلٰـهْكُو.

عِبْرَانِيِّين 12:2

خَلِّي نُخُطُّوا عُيُونَّا فِي عِيسَى الْفَتَحْ لَيْنَا دَرِبْ الْإِيمَانْ وَ كَمَّلَهْ. مِنْ بَعِيدْ، هُو شَافْ الْفَرَحْ الْقَاعِدْ قِدَّامَهْ وَ حِمِلْ تَعَبْ الصَّلِيبْ وَ مَا فَكَّرْ فِي الْعَيْب الْخَطَّوْه فَوْقَهْ. وَ هَسَّعْ، هُو قَاعِدْ جَنْب عَرْش اللّٰهْ فِي نُصَّهْ الزَّيْنَايْ.

يُوحَنَّا 17:21

يَا أَبُويِ، أَنَا قَاعِدْ نَسْأَلَكْ لَيْهُمْ أَشَانْ كُلُّهُمْ يَبْقَوْا وَاحِدْ مِثِلْ إِنْتَ فِيِي وَ أَنَا فِيكْ. خَلِّي هُمَّنْ كُلَ يَبْقَوْا وَاحِدْ مَعَانَا أَشَانْ كُلَّ نَاسْ الدُّنْيَا يِآمُنُوا كَدَرْ إِنْتَ رَسَّلْتِنِي.

يُوحَنَّا 3:17

اللّٰهْ رَسَّلْ إِبْنَهْ فِي الدُّنْيَا مَا لِيِحَاكِمْ نَاسْ الدُّنْيَا لَاكِنْ لِيِنَجِّيهُمْ بَيَّهْ.

مَتَّى 16:18

وَ نُقُولْ لَيْك أُسْمَكْ بُطْرُسْ (مَعَنَاتَهْ حَجَرْ). وَ نِأَسِّسْ أُمَّتِي فِي الْحَجَرْ دَا وَ الْمَوْت مَا يِنَّصِرْ فَوْقَهَا.

زَكَرِيَّا 2:11

وَ فِي الْيَوْم دَا، أُمَمْ كَتِيرِينْ يِنْكَرْبُوا فَوْقِي أَنَا اللّٰهْ. وَ يَبْقَوْا شَعَبِي حَلَالِي. وَ أَنَا نَسْكُنْ فِي أُسُطْكُو.» وَ بَيْدَا، تَعَرْفُوا كَدَرْ اللّٰهْ الْقَادِرْ، هُو بَسْ رَسَّلَانِي لَيْكُو.

إشَعْيا 48:16

قَرُّبُوا لَيِّ وَ أَسْمَعَوْا الْكَلَامْ دَا! مِنْ الْبِدَايَةْ، أَنَا مَا كَلَّمْت بِسِرّ وَ وَكْت الْأَشْيَاءْ دَوْل بِقَوْا، أَنَا قَاعِدْ.» وَ هَسَّعْ، اللّٰهْ الرَّبّ خَطَّ رُوحَهْ فَوْقِي وَ رَسَّلَانِي.

حَقَّاي 2:18

فَكُّرُوا عَدِيلْ مِنْ الْيَوْم لِقِدَّامْ. الْيَوْم دَا يَوْم 24 هَنَا الشَّهَرْ التَّاسِعْ، الْيَوْم الْخَطَّوْا فَوْقَهْ أَسَاسْ بَيْت اللّٰهْ. فَكُّرُوهْ عَدِيلْ.

زَكَرِيَّا 1:16

وَ فِي شَانْ دَا، دَاهُو اللّٰهْ قَالْ: «أَنَا نِقَبِّلْ لِمَدِينَةْ الْقُدُسْ بِمَحَنَّةْ. وَ مَدِينَةْ الْقُدُسْ يِقَاوُسُوهَا لِلْبَنِي وَ بَيْتِي يِنْبَنِي فِيهَا بَتَّانْ.» وَ دَا كَلَامْ اللّٰهْ الْقَادِرْ.

زَكَرِيَّا 4:8

وَ اللّٰهْ حَجَّى لَيِّ أَنَا زَكَرِيَّا وَ قَالْ:

زَكَرِيَّا 2:13

خَلِّي كُلَّ مَخْلُوقْ حَيّ يَسْكُتْ قِدَّامْ اللّٰهْ أَشَانْ هُو مَرَقْ مِنْ مَسْكَنَهْ الْمُقَدَّسْ.