زَكَرِيَّا 4:6 - الكتاب المقدس بالعربي الدارجي هنا تشاد

⁶ وَ خَلَاصْ، هُو قَالْ لَيِّ: «اللّٰهْ حَجَّى لِزَرُبَابِلْ وَ قَالْ: ‹الْخِدْمَةْ دِي مَا بِقُوَّةْ وَ لَا بِقُدْرَةْ وَ لَاكِنْ بِرُوحِي أَنَا. وَ دَا، اللّٰهْ الْقَادِرْ بَسْ قَالَهْ.

زَكَرِيَّا 4:6 Referenca të Kryqëzuara

زَبُور 33:16

كَتَرَةْ الدَّيْش مَا تَفْزَعْ الْمَلِكْ وَ الْقُوَّةْ الشَّدِيدَةْ مَا تِنَجِّي الْفَحَلْ.

هُوشَع 1:7

لَاكِنْ نَرْحَمْ بَنِي يَهُوذَا وَ أَنَا اللّٰهْ إِلٰـهُّمْ، نِنَجِّيهُمْ. أَيْوَى، نِنَجِّيهُمْ بَلَا نُبَّالْ وَ لَا سَيْف وَ لَا حَرِبْ وَ بَلَا خَيْل وَ لَا سِيَادْ خَيْل.»

2 أخبار 14:11

وَ آسَا سَأَلْ اللّٰهْ إِلٰـهَهْ وَ قَالْ: «يَا اللّٰهْ، بَلَاكْ إِنْتَ مَا فِي نَادُمْ الْيَقْدَرْ يَفْزَعْ الْقَادِرْ وَ الضَّعِيفْ. أَفْزَعْنَا، يَا اللّٰهْ إِلٰـهْنَا، أَشَانْ أَنِحْنَ مُتَوَكِّلِينْ عَلَيْك إِنْتَ! وَ بِأُسْمَكْ إِنْتَ بَسْ، أَنِحْنَ جِينَا نِقَابُلُوا الْمَلَايِينْ دَوْل. يَا اللّٰهْ، إِنْتَ إِلٰـهْنَا. مَا تِخَلِّي الْإِنْسَانْ يِنَّصِرْ فَوْقَكْ!»

إشَعْيا 32:15

لَحَدِّي يَوْم اللّٰهْ يِنَزِّلْ رُوحَهْ فَوْقنَا مِنْ السَّمَاءْ. خَلَاصْ الصَّحَرَاء تَبْقَى جِنَيْنَةْ وَ الْجِنَيْنَةْ تَبْقَى مِثِلْ غَابَةْ.

إشَعْيا 30:1

دَاهُو كَلَامْ اللّٰهْ. «الْعَذَابْ لِلْعِيَالْ الْحَرَامِيِّينْ! هُمَّنْ سَوَّوْا شَوْرَةْ الْمَا جَايَةْ مِنِّي. وَ سَوَّوْا عَلَاقَةْ الْأَنَا مَا أَمَرْت بَيْهَا وَ بَيْدَا، زَادَوْا ذَنِبْ فِي ذَنِبْ.

عَدد 27:16

«إِنْتَ اللّٰهْ الرَّبّ التَّمْلُكْ فِي كُلَّ مَخْلُوقْ حَيّ. كَلِّفْ نَادُمْ فِي رَاسْ بَنِي إِسْرَائِيلْ دَوْل.

عَزْرا 5:2

وَ خَلَاصْ، زَرُبَابِلْ وِلَيْد شَلْتِيِيلْ وَ يَشُوعْ وِلَيْد يُوصَادِقْ قَمَّوْا يَبْنُوا بَتَّانْ بَيْت اللّٰهْ الْفِي مَدِينَةْ الْقُدُسْ. وَ أَنْبِيَاء اللّٰهْ قَاعِدِينْ مَعَاهُمْ سَوَا وَ يِسَاعُدُوهُمْ.

1 بُطْرُس 1:12

وَ اللّٰهْ وَصَّفْ لِلْأَنْبِيَاء كَدَرْ هُمَّنْ يَخْدُمُوا لَيْكُو إِنْتُو وَ مَا لِنُفُوسْهُمْ. هُمَّنْ كَلَّمَوْا بِالْأَشْيَاءْ الْيَبْقَوْا فِي وَكِتْنَا. وَ إِنْتُو سِمِعْتُوا بِخَبَرْهُمْ مِنْ النَّاسْ الْبَلَّغَوْا لَيْكُو الْبِشَارَةْ. وَ دَا، بِقُدْرَةْ الرُّوحْ الْقُدُّوسْ الْاللّٰهْ نَزَّلَهْ مِنْ السَّمَاءْ. وَ الْكَلَامْ دَا، الْمَلَائِكَةْ ذَاتْهُمْ دَوَّرَوْا يَفْهَمَوْه.

أفَسُس 6:17

وَ خَلِّي النَّجَاةْ تَبْقَى لَيْكُو طَاقِيَّةْ هِنْت حَرِبْ. وَ أَكُرْبُوا قَوِي كَلَامْ اللّٰهْ الْهُو مِثِلْ سَيْف هَنَا الرُّوحْ الْقُدُّوسْ.

تكوين 41:16

وَ يُوسُفْ رَدَّ لَيَّهْ: «مَا أَنَا بَسْ نَنْطِيكْ تَفْسِيرْ لَاكِنْ الرَّبّ بَسْ يَنْطِيكْ تَفْسِيرْ عَدِيلْ.»

1 صَمُوِيل 14:6

وَ يُونَتَانْ قَالْ لِلصَّبِي الشَّايِلْ لَيَّهْ سِلَاحَهْ: «تَعَالْ! نَمْشُوا لِلْمُعَسْكَرْ هَنَا النَّاسْ الْمَا مُطَهَّرِينْ دَوْل. أَكُونْ اللّٰهْ يِسَاعِدْنَا وَ نِنَّصُرُوا فَوْقهُمْ أَشَانْ اللّٰهْ قَادِرْ، يَنْطِي النَّصُرْ لِنَاسْ كَتِيرِينْ أَوْ لِنَاسْ شِيَّةْ كُلَ.»

1 صَمُوِيل 17:47

وَ كُلَّ النَّاسْ الْقَاعِدِينْ هِنِي يَعَرْفُوا كَدَرْ اللّٰهْ مَا يَنْصُرْ بِسَيْف وَ لَا بِحَرْبَةْ أَشَانْ اللّٰهْ هُو بَسْ سِيدْ الْحَرِبْ وَ الْيَوْم يِسَلِّمْكُو فِي إِيدَيْنَّا.»

1 مُلوك 19:12

وَ بَعَدْ الزِّلْزَالْ، جَاتْ نَارْ. وَ لَاكِنْ اللّٰهْ مَا قَاعِدْ فِي النَّارْ دِي. وَ بَعَدْ النَّارْ، جَاتْ حَرَكَةْ هَنَا حِسّ بَارِدْ.

عَزْرا 3:10

وَ وَكِتْ الْبَنَّايِينْ خَطَّوْا أَسَاسْ بَيْت اللّٰهْ، رُجَالْ الدِّينْ قَعَدَوْا أَيِّ وَاحِدْ فِي بَكَانَهْ بِخُلْقَانَهْ الْخَاصِّيْن وَ بِبُرُنْجِي فِي إِيدَهْ. وَ اللَّاوِيِّينْ مِنْ ذُرِّيَّةْ أَسَافْ قَعَدَوْا بِنَقَاقِيرْ أَشَانْ يَحْمُدُوا اللّٰهْ مِثِلْ دَاوُدْ مَلِكْ إِسْرَائِيلْ زَمَانْ أَمَرَاهُمْ بَيَّهْ.

جامِعة 9:11

وَ بَتَّانْ أَنَا شِفْت فِي الْأَرْض السَّبَقْ مَا دَايْماً لِلْعَجِيلِينْ وَ النَّصُرْ مَا دَايْماً لِلْفُرَّاسْ وَ الْعِيشَةْ الْحَلُوَّةْ مَا دَايْماً لِلْحَكِيمِينْ وَ الْغُنَى مَا دَايْماً لِلْفَاهِمِينْ وَ الرَّحْمَةْ مَا دَايْماً لِلْعِنْدُهُمْ الْمَعْرَفَةْ. أَشَانْ كُلَّ النَّاسْ يَوَاجُهُوا الْخَيْر وَ الشَّرّ.

دَنْيال 2:34

وَ وَكِتْ إِنْتَ قَاعِدْ تِشِيفْ فَوْقَهْ كَيْ بَسْ، حَجَرْ وَاحِدْ مَرَقْ مِنْ الْجَبَلْ بَلَا مَا لِمْسَتَهْ إِيدْ وَ وَقَعْ فِي رِجْلَيْ الصَّنَمْ الْمِنْ حَدِيدْ وَ طِينَةْ مُخَلْبَطِينْ وَ رِحِكَاهُمْ.

حَقَّاي 1:1

فِي الْيَوْم الْأَوَّلْ هَنَا الشَّهَرْ السَّادِسْ فِي السَّنَةْ التَّانِيَةْ هَنَا حُكُمْ الْمَلِكْ دَارِيُوسْ، اللّٰهْ حَجَّى بِوَاسِطَةْ النَّبِي حَقَّاي لِزَرُبَابِلْ وِلَيْد شَلْتِيِيلْ وَ لِيَشُوعْ وِلَيْد يُوصَادِقْ. وَ زَرُبَابِلْ دَا هُو حَاكِمْ بَلَدْ يَهُوذَا. وَ يَشُوعْ كَمَانْ هُو كَبِيرْ رُجَالْ الدِّينْ.

حَقَّاي 2:21

«قُولْ لِزَرُبَابِلْ حَاكِمْ بَلَدْ يَهُوذَا: ‹أَنَا نِرَجِّفْ السَّمَاءْ وَ الْأَرْض.

زَكَرِيَّا 6:12

«وَ قُولْ لِيَشُوعْ: ‹دَاهُو اللّٰهْ الْقَادِرْ قَالْ: ”دَاهُو الرَّاجِلْ الْبِنَادُوهْ بِذْرَةْ وَ تِحِتْ رِجِلَيْنَهْ يَبْذُرْ كُلَّ شَيّءْ وَ هُو يَبْنِي بَيْت اللّٰهْ بَتَّانْ.

عَزْرا 2:2

وَ النَّاسْ دَوْل جَوْا مَعَ زَرُبَابِلْ وَ يَشُوعْ وَ نَحَمْيَا وَ سَرَايَا وَ رَعَلَايَا وَ مَرْدَكَايْ وَ بِلْشَانْ وَ مِسْفَارْ وَ بِقْوَايْ وَ رَحُومْ وَ بَعَنَى. دَاهُو عَدَدْ رُجَالْ بَنِي إِسْرَائِيلْ.

إشَعْيا 34:16

فَتُّشُوا فِي كِتَابْ اللّٰهْ وَ أَقْرُوا. أَيِّ وَاحِدْ مِنْ الْحَيْوَانَاتْ مَا قَصَّرْ وَ أَيِّ وَاحِدْ يَقْعُدْ مَعَ رَفِيقَهْ. أَشَانْ اللّٰهْ كَلَّمْ وَ أَنْطَى إِذِنْ وَ رُوحَهْ بَسْ تِلِمُّهُمْ.

إشَعْيا 59:19

مِنْ بَكَانْ طَلُوعْ الْحَرَّايْ، يَخَافَوْا مِنْ أُسُمْ اللّٰهْ وَ مِنْ بَكَانْ وَقُوعْهَا، يَخَافَوْا مِنْ مَجْدَهْ. أَشَانْ هُو يَجِي بِشِدَّةْ مِثِلْ سَيْل التِّلِزَّهْ نَفْخَةْ اللّٰهْ.