زَكَرِيَّا 4:10 - الكتاب المقدس بالعربي الدارجي هنا تشاد

¹⁰ «مَا تَحْقُرُوا يَوْم هَنَا بِدَايَةْ صَغَيْرَةْ. تَفْرَحَوْا وَكِتْ تِشِيفُوا فِي إِيدْ زَرُبَابِلْ دُرْدُمْة الْحَدِيدْ الْيِقَاوُسُوا بَيَّهْ.» وَ النِّيرَانْ السَّبْعَةْ هَنَا الْفَانُوسْ دَوْل يِمَثُّلُوا عُيُونْ اللّٰهْ الْقَاعِدِينْ يِرَاقُبُوا كُلَّ الْأَرْض.

زَكَرِيَّا 4:10 Referenca të Kryqëzuara

أيُّوب 8:7

وَ تِشِيفْ الْعِنْدَكْ فِي الْبِدَايَةْ شِيَّةْ بَسْ! أَكِيدْ، فِي مُسْتَقْبَلَكْ تَلْقَى زِيَادَةْ مِنَّهْ!

2 أخبار 16:9

أَشَانْ اللّٰهْ قَاعِدْ يِرَاقِبْ فِي الْأَرْض لِيِسَاعِدْ النَّاسْ الْيِتَابُعُوهْ بِقَلِبْ مُخْلِصْ. وَ إِنْتَ سَوَّيْت عَمَلْ مَا يَنْفَعْ وَ بِسَبَبْ دَا، مِنْ الْيَوْم إِنْتَ تَوَاجِهْ الْحَرِبْ.»

حَقَّاي 2:3

‹يَاتُو مِنْكُو إِنْتُو الْقَاعِدِينْ حَيِّينْ الْيَوْم شَافْ مَجْد الْبَيْت دَا زَمَانْ؟ وَ كَيْف شِفْتُوهْ الْيَوْم؟ صَحِيحْ الْبَيْت دَا مَا يَعَجِبْكُو!›

أمْثال 15:3

أَيِّ بَكَانْ، عَيْن اللّٰهْ تِرَاقِبَهْ وَ الزَّيْن وَ الْفَسِلْ كُلَ تِشِيفَهْ.

رُؤية 5:6

وَ فِي الْبَكَانْ دَا، أَنَا شِفْت حَمَلْ وَاقِفْ أُسْط الْعَرْش أَمْبَيْن الْأَرْبَعَةْ مَخْلُوقِينْ قِدَّامْ الشُّيُوخْ. وَ الْحَمَلْ يِشَابِهْ مِثِلْ أَوَّلْ دَبَحَوْه. وَ عِنْدَهْ سَبْعَةْ قُرُونْ وَ سَبْعَةْ عُيُونْ وَ هُمَّنْ الْأَرْوَاحْ السَّبْعَةْ الْاللّٰهْ رَسَّلَاهُمْ فِي كُلَّ الْأَرْض.

زَكَرِيَّا 3:9

شِيفُوا الْحَجَرْ الْغَالِي الْخَطَّيْتَهْ قِدَّامْ يَشُوعْ. وَ فِي الْحَجَرْ، فِي سَبْعَةْ عُيُونْ. وَ دَاهُو أَنَا ذَاتِي نَنْقُشْ فَوْقَهْ نَقِشْ. وَ فِي يَوْم وَاحِدْ بَسْ، نُقُشّ خَطَا الْبَلَدْ دِي. وَ دَا كَلَامْ اللّٰهْ الْقَادِرْ.

أمْثال 4:18

طَرِيقْ الصَّالِحِينْ مِثِلْ ضَيّ الصَّبَاحْ وَ نُورَهْ يِزِيدْ لَحَدِّي الْحَرَّايْ تَطْلَعْ.

إشَعْيا 66:14

وَ إِنْتُو تِشِيفُوا وَ قُلُوبْكُو يَفْرَحَوْا وَ عُضَامْكُو يِقَوُّوا مِثِلْ الْقَشّ الْيِخَضِّرْ. وَ عَبِيدْ اللّٰهْ يَعَرْفُوا قُدُرْتَهْ وَ عُدْوَانَهْ يَعَرْفُوا لَعَنْتَهْ.

إشَعْيا 66:11

أَشَانْ إِنْتُو تَرْضَعَوْا مِنْ دَيْدهَا وَ تَرْوَوْا وَ تَلْقَوْا مَحَنِّتْهَا. أَشَانْ تُمُصُّوا وَ تَفْرَحَوْا مِنْ ضَرِّتْهَا الْمَلَانَةْ بِلَبَنْ.»

رُؤية 8:2

وَ فِي الْبَكَانْ دَا، أَنَا شِفْت السَّبْعَةْ مَلَائِكَةْ الْوَاقْفِينْ قِدَّامْ اللّٰهْ. وَ أَنْطَوْهُمْ سَبْعَةْ بُرُنْجِي.

هُوشَع 6:3

خَلِّي نِتَابُعُوا اللّٰهْ لِنَعَرْفُوهْ. جَيْتَهْ مُؤَكَّدَةْ مِثِلْ نُورْ الصَّبَاحْ وَ هُو يَجِينَا مِثِلْ مَطَرْ، مِثِلْ مَطَرْ الرِّشَاشْ الْيَزْقِي الْأَرْض.»

لُوقا 15:32

لَاكِنْ وَاجِبْ نَفْرَحَوْا بِالْفَرْحَةْ دِي أَشَانْ أَخُوكْ دَا، أَوَّلْ جَعَلْنَاهْ مَيِّتْ وَ دَاهُو هُو حَيّ. وَ أَوَّلْ هُو وَدَّرْ وَ خَلَاصْ لِقِينَاهْ عَافَيْ.›»

إرْمِيا 16:17

وَ عَيْنِي قَاعِدَةْ تِشِيفْ كُلَّ دُرُوبْهُمْ، شَيّءْ مُلَبَّدْ لَيِّ مَا فِيهْ. وَ خَطَاهُمْ كُلَ مَا مُدَارَقْ مِنِّي، أَنَا قَاعِدْ نِشِيفَهْ.

حِزْقِيال 1:14

وَ الْمَخْلُوقِينْ دَوْل يَمْشُوا وَ يَجُوا بِسُرْعَةْ مِثِلْ الْبَرَّاقَةْ.

عَمُوس 7:2

وَ وَكِتْ الْجَرَادْ جَاءْ أَكَلْ كُلَّ الْخَضَارْ هَنَا الْبَلَدْ، أَنَا قُلْت: «يَا اللّٰهْ الرَّبّ، مِنْ فَضْلَكْ أَغْفِرْ! ذُرِّيَّةْ يَعْقُوبْ مَا يَقْدَرَوْا يَحْمَلَوْه أَشَانْ هُمَّنْ ضَعِيفِينْ.»

عَمُوس 7:5

وَ فِي الْبَكَانْ دَا، أَنَا قُلْت: «يَا اللّٰهْ الرَّبّ، مِنْ فَضْلَكْ الشَّيّءْ دَا وَقِّفَهْ! ذُرِّيَّةْ يَعْقُوبْ مَا يَقْدَرَوْا يَحْمَلَوْه أَشَانْ هُمَّنْ ضَعِيفِينْ.»

زَبُور 33:14

وَ مِنْ عَرْشَهْ، هُو يِشِيفْ كُلَّ سُكَّانْ الْأَرْض.

زَكَرِيَّا 9:1

الْمُحَاكَمَةْ الْكَلَّمْ بَيْهَا اللّٰهْ نَزَلَتْ فِي بَلَدْ حَدْرَاكْ وَ وَقَفَتْ فِي مَدِينَةْ دِمَشْق. أَشَانْ اللّٰهْ يِشِيفْ كُلَّ بَنِي آدَم، مَا قَبَايِلْ بَنِي إِسْرَائِيلْ بَسْ.