زَكَرِيَّا 3:8 - الكتاب المقدس بالعربي الدارجي هنا تشاد

⁸ «أَسْمَعْ، يَا يَشُوعْ كَبِيرْ رُجَالْ الدِّينْ وَ كُلَّ رُجَالْ الدِّينْ التِّحْتَكْ. إِنْتُو ذَاتْكُو عَلَامَةْ هَنَا الشَّيّءْ الْيُكُونْ. دَاهُو قَرِيبْ أَنَا نِرَسِّلْ عَبْدِي الْبِنَادُوهْ بِذْرَةْ.

زَكَرِيَّا 3:8 Referenca të Kryqëzuara

إرْمِيا 23:5

وَ دَاهُو كَلَامْ اللّٰهْ: «أَكِيدْ يَجِي يَوْم وَاحِدْ، أَنَا نِقَوِّمْ نَادُمْ صَالِحْ مِنْ ذُرِّيَّةْ دَاوُدْ مِثِلْ بِذْرَةْ. وَ النَّادُمْ دَا، أَنَا بَسْ نِدَرِّجَهْ مَلِكْ وَ هُو يَحْكِمْ بِحِكْمَةْ وَ يِجِيبْ الْحَقّ وَ الْعَدَالَةْ فِي الْبَلَدْ.

إشَعْيا 11:1

وَ يَجِي وَاحِدْ مِنْ ذُرِّيَّةْ يَسَّى مِثِلْ فِرِعْ الْيَبْذُرْ مِنْ دُنْبُرْ وَ مِنْ قَعَرَهْ تُقُمّ بِذْرَةْ التِّسَوِّي عِيَالْ.

زَكَرِيَّا 6:12

«وَ قُولْ لِيَشُوعْ: ‹دَاهُو اللّٰهْ الْقَادِرْ قَالْ: ”دَاهُو الرَّاجِلْ الْبِنَادُوهْ بِذْرَةْ وَ تِحِتْ رِجِلَيْنَهْ يَبْذُرْ كُلَّ شَيّءْ وَ هُو يَبْنِي بَيْت اللّٰهْ بَتَّانْ.

إرْمِيا 33:15

وَ فِي أَيَّامْ الْوَكِتْ دَا، نِقَوِّمْ نَادُمْ صَالِحْ مِنْ ذُرِّيَّةْ دَاوُدْ مِثِلْ بِذْرَةْ وَ يِجِيبْ الْحَقّ وَ الْعَدَالَةْ فِي الْبَلَدْ.

إشَعْيا 53:2

عَبْد اللّٰهْ كِبِرْ قِدَّامَهْ مِثِلْ بِذْرَةْ وَ مِثِلْ عِرِقْ الْمَرَقْ مِنْ أَرْض جَفَافْ. هُو مَا عِنْدَهْ شَكِلْ وَ لَا عَظَمَةْ لِنِشِيفُوهْ وَ لَا عِنْدَهْ شَبَهْ الْيَعَجِبْ.

إشَعْيا 42:1

«دَاهُو عَبْدِي الْأَنَا قَاعِدْ نِسَاعِدَهْ وَ هُو بَسْ الْأَنَا إِخْتِرْتَهْ وَ فِرِحْت بَيَّهْ. أَنَا خَطَّيْت رُوحِي فَوْقَهْ وَ هُو يِبَيِّنْ الْعَدَالَةْ لِلْأُمَمْ.

إشَعْيا 20:3

وَ اللّٰهْ قَالْ: «مِثِلْ عَبْدِي إِشَعْيَا مَشَى عَرْيَانْ وَ حَفْيَانْ مُدَّةْ تَلَاتَةْ سَنَةْ، دَا يَبْقَى عَلَامَةْ وَ شَيّءْ عَجِيبْ لِمَصِرْ وَ الْحَبَشَةْ.

إشَعْيا 4:2

وَ فِي الْيَوْم دَا، بِذْرَةْ اللّٰهْ تِجِيبْ الْمَجْد وَ الشَّرَفْ لِلْفَضَّلَوْا مِنْ بَنِي إِسْرَائِيلْ. وَ إِنْتَاجْ الْأَرْض يِجِيبْ الْفَرَحْ وَ الشَّرَفْ.

حِزْقِيال 12:11

وَ قُولْ لَيْهُمْ كَدَرْ إِنْتَ بِقِيتْ لَيْهُمْ مَثَلْ وَ مِثِلْ إِنْتَ مَثَّلْتَهْ وَ سَوَّيْتَهْ، يِسَوُّوهْ فَوْقهُمْ وَ يَكُرْبُوهُمْ وَ يِوَدُّوهُمْ فِي الْغُرْبَةْ.

إشَعْيا 53:11

وَ بَعَدْ تَعَبَهْ، هُو يِشِيفْ نُورْ الْحَيَاةْ وَ يَشْبَعْ مِنَّهْ. وَ بِتَعَبَهْ، عَبْدِي الصَّالِحْ يِسَوِّي نَاسْ كَتِيرِينْ صَالِحِينْ أَشَانْ هُو حِمِلْ خَطَاهُمْ.

إشَعْيا 52:13

«دَاهُو عَبْدِي يَنْجَحْ وَ يِنْرَفِعْ وَ يَبْقَى عَالِي وَ يَلْقَى شَرَفْ مَرَّةْ وَاحِدْ.

إشَعْيا 49:5

وَ هَسَّعْ اللّٰهْ كَلَّمْ، هُو الْكَوَّنَانِي فِي بَطُنْ أَمِّي لِنَبْقَى عَبْدَهْ وَ لِنِقَبِّلْ عَلَيَّهْ ذُرِّيَّةْ يَعْقُوبْ، أَيْوَى، نِلِمّ قِدَّامَهْ بَنِي إِسْرَائِيلْ. وَ نَلْقَى شَرَفْ قِدَّامْ اللّٰهْ أَشَانْ إِلٰـهِي هُو قُدُرْتِي.

إشَعْيا 8:18

أَنَا وَ الْعِيَالْ الْأَنْطَاهُمْ لَيِّ اللّٰهْ، أَنِحْنَ مِثِلْ عَلَامَاتْ وَ مَثَلْ لِبَنِي إِسْرَائِيلْ. اللّٰهْ الْقَادِرْ بَسْ جَابَاهُمْ، هُو السَّاكِنْ فِي جَبَلْ صَهْيُون.

لُوقا 1:78

وَ رَبِّنَا اللّٰهْ حَنُونْ وَ يِرَيِّسْنَا بِرَحْمَتَهْ. أَشَانْ دَا، نُورْ اللّٰهْ يُقُمّ يِضَوِّي فَوْقنَا مِنْ السَّمَاءْ.

حِزْقِيال 37:24

وَ عَبْدِي الْمِثِلْ الْمَلِكْ دَاوُدْ يَحْكِمْ فَوْقهُمْ وَ يَبْقَى رَاعِي فَوْقهُمْ كُلُّهُمْ. وَ يَمْشُوا حَسَبْ قَوَانِينِي وَ يَحْفَضَوْا شُرُوطِي وَ يِطَبُّقُوهُمْ.

حِزْقِيال 34:29

وَ نِقَوِّمْ لَيْهُمْ زِرَاعَةْ مَعْرُوفَةْ بِكَتَرَةْ الْإِنْتَاجْ. وَ الْجُوعْ بَتَّانْ مَا يَكْتُلْهُمْ فِي الْبَلَدْ وَ مَا يَبْقَوْا مُعْيَارْ فِي أُسْط الْأُمَمْ.

حِزْقِيال 24:24

وَ حِزْقِيَالْ بِقِي لَيْكُو مَثَلْ وَ كُلَّ شَيّءْ الْهُو سَوَّاهْ، إِنْتُو كُلَ سَوُّوهْ. وَ وَكِتْ الشَّيّءْ دَا يُكُونْ، إِنْتُو تَعَرْفُوا كَدَرْ أَنَا بَسْ اللّٰهْ الرَّبّ.“›

إشَعْيا 49:3

وَ اللّٰهْ قَالْ لَيِّ: «يَا إِسْرَائِيلْ، إِنْتَ عَبْدِي! وَ بَيْك إِنْتَ، نِوَصِّفْ مَجْدِي.»

زَبُور 71:7

أَنَا بِقِيتْ عَجَبْ لِنَاسْ كَتِيرِينْ لَاكِنْ إِنْتَ مَلْجَئِي الْقَوِي.

حِزْقِيال 12:6

وَ قِدَّامْهُمْ بَسْ، شِيلَهْ فِي كِتْفَكْ وَ أَمْرُقْ فِي الضَّلَامْ. وَ غَطِّي وِجْهَكْ لِمَا تِشِيفْ الْبَلَدْ أَشَانْ أَنَا نِدَوْر نِسَوِّيكْ مَثَلْ لِبَنِي إِسْرَائِيلْ.»