زَكَرِيَّا 3:2 - الكتاب المقدس بالعربي الدارجي هنا تشاد

² وَ مَلَكْ اللّٰهْ قَالْ لِإِبْلِيسْ: «خَلِّي اللّٰهْ يِسَكِّتَكْ، يَا إِبْلِيسْ! أَيْوَى، خَلِّي اللّٰهْ يِسَكِّتَكْ، هُو الْعَزَلْ مَدِينَةْ الْقُدُسْ. وَ كَنْ لِلرَّاجِلْ دَا، هُو مَا مِثِلْ مُشْهَابْ الشَّالَوْه مِنْ النَّارْ وَلَّا؟»

زَكَرِيَّا 3:2 Referenca të Kryqëzuara

عَمُوس 4:11

«وَ دَمَّرْتُكُو مِثِلْ دَمَّرْت حِلَّالْ سَدُومْ وَ عَمُورَةْ وَ دَمَارْهُمْ دَا جَاءْ مِنِّي أَنَا إِلٰـهُّمْ. وَ بِقِيتُوا مِثِلْ الْمُشْهَابْ الْمَرَقَوْه مِنْ النَّارْ وَ بَيْدَا كُلَ، مَا تُبْتُوا.» وَ دَا كَلَامْ اللّٰهْ.

يَهُوذَا 1:23

وَ النَّاسْ الْقَرَّبَوْا لِخَشُمْ النَّارْ، أَكُرْبُوهُمْ وَ أَفْزَعَوْهُمْ. حِنُّوا فِي النَّاسْ النَّجَّسَوْا نُفُوسْهُمْ بِالزِّنَى لَحَدِّي خُلْقَانْهُمْ. لَاكِنْ أَنْقَرْعُوا مَرَّةْ وَاحِدْ وَ أَكْرَهَوْا أَيِّ شَيّءْ الْيَقْدَرْ يِنَجِّسْكُو إِنْتُو كُلَ.

يَهُوذَا 1:9

وَ فَكُّرُوا فِي مِكَايِيلْ. هُو كَبِيرْ الْمَلَائِكَةْ وَ لَاكِنْ وَكِتْ هُو قَاعِدْ يِخَالِفْ إِبْلِيسْ وَ يِغَالِطَهْ فِي جَنَازَةْ مُوسَى، هُو مَا دَوَّرْ يُخُطّ فِي إِبْلِيسْ تُهْمَةْ هَنَا كَلَامْ فَسِلْ. فِي بَدَلَهْ، هُو كَلَّمْ لَيَّهْ بَسْ وَ قَالْ: «اللّٰهْ يِعَاقِبَكْ!»

رَوْمَا 8:33

يَاتُو الْيَتْهَمْ النَّاسْ الْاللّٰهْ عَزَلَاهُمْ؟ مَا فِي! اللّٰهْ مَا يَتْهَمْهُمْ. هُو بَسْ الْيِبَرِّيهُمْ.

زَكَرِيَّا 1:17

وَ الْمَلَكْ قَالْ لَيِّ: «بَتَّانْ بَلِّغْ! دَاهُو اللّٰهْ الْقَادِرْ قَالْ: ‹حِلَّالْ هَنَايِ يِنْمَلُوا بَتَّانْ بِالْخَيْر وَ نِحِنّ بَتَّانْ فِي صَهْيُون وَ نَعَزِلْ بَتَّانْ مَدِينَةْ الْقُدُسْ.›»

زَكَرِيَّا 2:12

وَ بَلَدْ يَهُوذَا تَبْقَى هِنْت اللّٰهْ حَلَالَهْ مِثِلْ قِسْمَهْ فِي الْأَرْض الْمُقَدَّسَةْ وَ هُو يَعَزِلْ بَتَّانْ مَدِينَةْ الْقُدُسْ.

1 يُوحَنَّا 3:8

وَ أَيِّ نَادُمْ الْقَاعِدْ يِسَوِّي ذَنِبْ، هُو هَنَا إِبْلِيسْ أَشَانْ إِبْلِيسْ قَاعِدْ يَذْنِبْ مِنْ الْبِدَايَةْ. وَ خَلَاصْ إِبْن اللّٰهْ جَاءْ فِي الدُّنْيَا أَشَانْ يَخْرِبْ عَمَلْ إِبْلِيسْ كُلَّ كَيْ.

رَوْمَا 16:20

وَ اللّٰهْ رَبّ السَّلَامْ مَا يِأَخِّرْ يَرْحَكْ إِبْلِيسْ تِحِتْ رِجْلَيْكُو. عَلَيْكُمْ رَحْمَةْ رَبِّنَا عِيسَى.

يُوحَنَّا 13:18

«وَ الْكَلَامْ الْقُلْتَهْ دَا، مَا لَيْكُو إِنْتُو كُلُّكُو. نَعَرِفْ النَّاسْ الْأَنَا عَزَلْتُهُمْ. وَ لَاكِنْ الْكَلَامْ الْمَكْتُوبْ فِي الْكِتَابْ لَابُدَّ يِتِمّ. مَكْتُوبْ: <الْيَاكُلْ مَعَايِ خُبْزِتِي، هُو أَنْقَلَبْ ضِدِّي.>

لُوقا 22:32

لَاكِنْ أَنَا سَأَلْت لَيْك اللّٰهْ أَشَانْ إِيمَانَكْ مَا يَنْقُصْ. وَ وَكِتْ إِنْتَ بِقِيتْ بَتَّانْ قَوِي فِي الْإِيمَانْ، ثَبِّتْ أَخْوَانَكْ.»

لُوقا 4:35

لَاكِنْ عِيسَى كَشَّ لَيَّهْ وَ قَالْ: «أَسْكُتْ وَ أَمْرُقْ مِنَّهْ!» وَ الشَّيْطَانْ رَمَى النَّادُمْ فِي أُسْط النَّاسْ. وَ خَلَاصْ مَرَقْ مِنَّهْ. وَ النَّادُمْ دَا، مَا لِقِي أَيِّ وَجَعْ.

دَنْيال 12:1

وَ هُو قَالْ بَتَّانْ لِدَنْيَالْ: «فِي الْوَكِتْ دَا، يُقُمّ مِكَايِيلْ الْمُكَلَّفْ بِشَعَبَكْ. وَ دَا يَبْقَى فِي وَكِتْ هَنَا تَعَبْ الْأَبَداً مَا بِقِي مِثْلَهْ مِنْ الْأُمَّةْ دِي قَاعِدَةْ لَحَدِّي الْوَكِتْ دَا. وَ بَيْدَا كُلَ، يَنْجَى أَيِّ وَاحِدْ مِنْ شَعَبَكْ الْأُسْمَهْ مَكْتُوبْ فِي كِتَابْ الْحَيَاةْ.

زَبُور 109:31

أَشَانْ هُو يَقِيفْ بِزَيْنَايِةْ الْمِسْكِينْ وَ يِنَجِّيهْ مِنْ الْيِحَاكُمُوهْ.

رُؤية 17:14

وَ يِحَارُبُوا الْحَمَلْ وَ الْحَمَلْ يِنَّصِرْ فَوْقهُمْ أَشَانْ هُو بَسْ رَبّ الْأَرْبَابْ وَ مَلِكْ الْمُلُوكْ. وَ عِنْدَهْ مَعَايَهْ النَّاسْ الْعَزَلَاهُمْ وَ نَادَاهُمْ وَ هُمَّنْ الْمُؤمِنِينْ.»

مَرْخُوس 1:25

وَ لَاكِنْ عِيسَى كَشَّ لَيَّهْ وَ قَالْ: «أَسْكُتْ وَ أَمْرُقْ مِنَّهْ!»

2 أخبار 6:6

وَ لَاكِنْ هَسَّعْ أَنَا عَزَلْت مَدِينَةْ الْقُدُسْ لِيَقْعُدْ فَوْقهَا أُسْمِي وَ عَزَلْت دَاوُدْ لِيَحْكِمْ فِي شَعَبِي بَنِي إِسْرَائِيلْ.›»

لُوقا 9:42

وَ وَكِتْ الْوِلَيْد قَاعِدْ يِقَرِّبْ لِعِيسَى، الشَّيْطَانْ رَمَاهْ تِحِتْ وَ سَوَّى لَيَّهْ أَمْ فِتْفِتْ. لَاكِنْ عِيسَى كَشَّ لِلشَّيْطَانْ وَ شَفَى الْوِلَيْد وَ قَبَّلَهْ لِأَبُوهْ.

مَرْخُوس 9:25

وَ عِيسَى شَافْ كَدَرْ النَّاسْ اللَّامِّينْ فَوْقَهْ قَاعِدِينْ يِزِيدُوا وَ نَاسْ زِيَادَةْ جَارِيِينْ عَلَيَّهْ وَ خَلَاصْ كَشَّ لِلشَّيْطَانْ وَ قَالْ: «يَا شَيْطَانْ أمْبُوكُو. أَسْمَعْ كَلَامِي! أَمْرُقْ مِنَّهْ وَ أَبَداً مَا تِقَبِّلْ فَوْقَهْ!»

إشَعْيا 7:4

وَ قُولْ لَيَّهْ: ‹أَقْعُدْ سَاكِتْ مَا تَخَافْ! وَ خَلِّي قَلْبَكْ مَا يِبَرْجِلْ فِي شَانْ الزَّعَلْ الشَّدِيدْ هَنَا رَصِينْ مَلِكْ أَرَامْ وَ وِلَيْد رَمَلْيَا. أَشَانْ هُمَّنْ مِثِلْ مَشَاهِيبْ إِتْنَيْن الْقَاعِدِينْ يِدَخُّنُوا.

2 أخبار 6:5

‹مِنْ يَوْم الْأَنَا مَرَقْت شَعَبِي بَنِي إِسْرَائِيلْ مِنْ بَلَدْ مَصِرْ، أَنَا مَا عَزَلْت حِلَّةْ وَاحِدَةْ مِنْ كُلَّ حِلَّالْ قَبَايِلْ بَنِي إِسْرَائِيلْ لِيَبْنُوا لَيِّ بَيْت النُّخُطّ فَوْقَهْ أُسْمِي. وَ مَا عَزَلْت رَاجِلْ وَاحِدْ لِيَحْكِمْ فِي شَعَبِي بَنِي إِسْرَائِيلْ.