زَكَرِيَّا 3:10 - الكتاب المقدس بالعربي الدارجي هنا تشاد

¹⁰ وَ فِي الْيَوْم دَا، أَيِّ وَاحِدْ مِنْكُو يَعَزِمْ جَارَهْ لِيَقْعُدْ بِالسَّلَامَةْ فِي لُبّ جِنَيْنِتَهْ هَنَا الْعِنَبْ وَ التِّينْ.» وَ دَا كَلَامْ اللّٰهْ الْقَادِرْ.

زَكَرِيَّا 3:10 Referenca të Kryqëzuara

1 مُلوك 4:25

وَ مِنْ دَانْ فِي الْمُنْشَاقْ لَحَدِّي بِيرْ سَبْعَةْ فِي الْوَطِي، بَنِي يَهُوذَا وَ بَنِي إِسْرَائِيلْ يَقْعُدُوا بِأَمَانْ أَيِّ وَاحِدْ فِي لُبّ جِنَيْنِتَهْ هَنَا الْعِنَبْ وَ التِّينْ فِي كُلَّ مُدَّةْ حَيَاةْ سُلَيْمَانْ.

مِيخا 4:4

وَ أَيِّ نَادُمْ يَقْعُدْ فِي جِنَيْنِتَهْ هَنَا الْعِنَبْ وَ تِحِتْ شَدَرَتَهْ هَنَا التِّينْ. وَ مَا فِي نَادُمْ يِبَشْتِنَهْ أَشَانْ اللّٰهْ الْقَادِرْ بَسْ قَرَّرَهْ.

زَكَرِيَّا 2:11

وَ فِي الْيَوْم دَا، أُمَمْ كَتِيرِينْ يِنْكَرْبُوا فَوْقِي أَنَا اللّٰهْ. وَ يَبْقَوْا شَعَبِي حَلَالِي. وَ أَنَا نَسْكُنْ فِي أُسُطْكُو.» وَ بَيْدَا، تَعَرْفُوا كَدَرْ اللّٰهْ الْقَادِرْ، هُو بَسْ رَسَّلَانِي لَيْكُو.

هُوشَع 2:18

فِي الْيَوْم دَا، نِسَوِّي لِشَعَبِي بَنِي إِسْرَائِيلْ عَلَاقَةْ مَعَ حَيْوَانَاتْ الْكَدَادَةْ وَ طُيُورْ السَّمَاءْ وَ زَوَاحِفْ الْأَرْض. وَ فِي الْبَلَدْ، نِكَسِّرْ النُّبَّالْ وَ السَّيْف وَ نِوَقِّفْ الْحَرِبْ أَشَانْ شَعَبِي يُنُومُوا بِأَمَانْ.

إشَعْيا 36:16

مَا تَسْمَعَوْا كَلَامْ حِزْقِيَّا أَشَانْ دَاهُو مَلِكْ أَشُورْ قَالْ: ‹سَوُّوا مَعَايِ صُلُحْ وَ سَلُّمُوا نُفُوسْكُو لَيِّ. وَ خَلَاصْ، أَيِّ وَاحِدْ مِنْكُو يَاكُلْ مِنْ إِنْتَاجْ عِنَبَهْ وَ تِينَهْ وَ يَشْرَبْ مِنْ أَلْمِي بِيرَهْ.

إشَعْيا 32:18

وَ شَعَبِي يَقْعُدُوا فِي بَكَانْ هَنَا سَلَامْ فِي بُيُوتْ أَمِينِينْ وَ هَادِيِينْ وَ بَكَانْ هَنَا جُمَّةْ.

إرْمِيا 32:15

أَشَانْ اللّٰهْ الْقَادِرْ إِلٰـهْ بَنِي إِسْرَائِيلْ قَالْ بَتَّانْ: ‹فِي الْبَلَدْ دِي بَتَّانْ يَشْرُوا بُيُوتْ وَ أَرْض وَ جِنَيْنَاتْ عِنَبْ.›»

1 مُلوك 5:5

وَ دَاهُو أَنَا عِنْدِي نِيَّةْ لِنَبْنِي بَيْت لِلّٰهْ إِلٰـهِي. وَ دَا مِثِلْ اللّٰهْ قَالَهْ لِأَبُويِ دَاوُدْ، هُو قَالْ: ‹أَنَا نِدَرِّجْ وِلَيْدَكْ مَلِكْ فِي قَدَّكْ وَ هُو بَسْ الْيَبْنِي بَيْت لِأُسْمِي.›