زَكَرِيَّا 3:1 - الكتاب المقدس بالعربي الدارجي هنا تشاد

¹ وَ بَعَدْ دَا، اللّٰهْ شَوَّفَانِي يَشُوعْ كَبِيرْ رُجَالْ الدِّينْ وَاقِفْ قِدَّامْ مَلَكْ اللّٰهْ. وَ إِبْلِيسْ التَّهَّامْ وَاقِفْ بِنُصّ الزَّيْنَةْ هَنَا يَشُوعْ لِيَتْهَمَهْ.

زَكَرِيَّا 3:1 Referenca të Kryqëzuara

1 بُطْرُس 5:8

خُطُّوا بَالْكُو وَ أَقْعُدُوا وَاعِيِّينْ أَشَانْ عَدُوكُو إِبْلِيسْ قَاعِدْ يِحَوِّقْ فَوْقكُو مِثِلْ دُودْ الْقَاعِدْ يِكِرّ وَ يِفَتِّشْ نَادُمْ لِيَاكُلَهْ.

لُوقا 22:31

وَ عِيسَى قَالْ: «يَا سِمْعَانْ، يَا سِمْعَانْ. أَسْمَعْ. إِبْلِيسْ سَأَلْ إِذِنْ أَشَانْ يِجَرِّبْ إِيمَانْكُو وَ يِغَرْبِلْكُو مِثِلْ غَلَّةْ.

زَبُور 109:6

وَ يُقُولُوا: «قَوِّمْ ضِدَّهْ شَرِيرْ وَ خَلِّي الْعَدُو يَقْعُدْ بِزَيْنَايْتَهْ.

لُوقا 21:36

أَبْقَوْا دَايْماً وَاعِيِّينْ وَ أَسْأَلَوْا قُدْرَةْ مِنْ اللّٰهْ أَشَانْ تَنْجَوْا مِنْ كُلَّ الْأَشْيَاءْ الْيَبْقَوْا دَوْل وَ فِي الأَخِيرْ تَقِيفُوا قِدَّامْ إِبْن الْإِنْسَانْ.»

مَلاخِـي 3:1

وَ اللّٰهْ الْقَادِرْ قَالْ: «دَاهُو نِرَسِّلْ رَسُولِي وَ هُو يِعَدِّلْ الدَّرِبْ قِدَّامِي. وَ طَوَّالِي، الرَّبّ الْإِنْتُو قَاعِدِينْ تِفَتُّشُوا بِعَشَمْ يَدْخُلْ فِي بَيْتَهْ الْمُقَدَّسْ. دَاهُو جَايِ رَسُولْ الْمُعَاهَدَةْ الْقَاعِدِينْ تَرْجَوْه.»

حَقَّاي 1:1

فِي الْيَوْم الْأَوَّلْ هَنَا الشَّهَرْ السَّادِسْ فِي السَّنَةْ التَّانِيَةْ هَنَا حُكُمْ الْمَلِكْ دَارِيُوسْ، اللّٰهْ حَجَّى بِوَاسِطَةْ النَّبِي حَقَّاي لِزَرُبَابِلْ وِلَيْد شَلْتِيِيلْ وَ لِيَشُوعْ وِلَيْد يُوصَادِقْ. وَ زَرُبَابِلْ دَا هُو حَاكِمْ بَلَدْ يَهُوذَا. وَ يَشُوعْ كَمَانْ هُو كَبِيرْ رُجَالْ الدِّينْ.

1 أخبار 21:1

وَ يَوْم وَاحِدْ، إِبْلِيسْ قَمَّ ضِدّ بَنِي إِسْرَائِيلْ وَ لَزَّ دَاوُدْ لِيَحْسِبْهُمْ.

زَكَرِيَّا 6:11

وَ أَقْبَلْ مِنْهُمْ هَدَايَا الْفُضَّةْ وَ الدَّهَبْ وَ دُقّ بَيْهُمْ تَاجْ. وَ خُطَّهْ فِي رَاسْ كَبِيرْ رُجَالْ الدِّينْ يَشُوعْ وِلَيْد يُوصَادِقْ.

زَكَرِيَّا 3:8

«أَسْمَعْ، يَا يَشُوعْ كَبِيرْ رُجَالْ الدِّينْ وَ كُلَّ رُجَالْ الدِّينْ التِّحْتَكْ. إِنْتُو ذَاتْكُو عَلَامَةْ هَنَا الشَّيّءْ الْيُكُونْ. دَاهُو قَرِيبْ أَنَا نِرَسِّلْ عَبْدِي الْبِنَادُوهْ بِذْرَةْ.

حَقَّاي 2:4

وَ هَسَّعْ، دَاهُو كَلَامْ اللّٰهْ: ‹يَا زَرُبَابِلْ وَ يَا يَشُوعْ وِلَيْد يُوصَادِقْ كَبِيرْ رُجَالْ الدِّينْ وَ يَا كُلَّ شَعَبْ الْبَلَدْ، شِدُّوا حَيْلكُو. وَ دَا كَلَامْ اللّٰهْ. قُمُّوا لِلْخِدْمَةْ أَشَانْ أَنَا مَعَاكُو! وَ دَا كَلَامْ اللّٰهْ الْقَادِرْ.

حَقَّاي 1:12

وَ خَلَاصْ، زَرُبَابِلْ وِلَيْد شَلْتِيِيلْ وَ يَشُوعْ وِلَيْد يُوصَادِقْ كَبِيرْ رُجَالْ الدِّينْ وَ كُلَّ الْفَضَّلَوْا مِنْ الشَّعَبْ، كُلُّهُمْ سِمْعَوْا كَلَامْ اللّٰهْ إِلٰـهُّمْ وَ كَلَامْ النَّبِي حَقَّاي الرَّسَّلَهْ لَيْهُمْ اللّٰهْ إِلٰـهُّمْ. وَ الشَّعَبْ خَافَوْا مِنْ اللّٰهْ.

2 أخبار 29:11

يَا أَخْوَانِي! هَسَّعْ دَا، خَلُّوا الْكَسَلْ أَشَانْ اللّٰهْ عَزَلَاكُو لِتَقِيفُوا قِدَّامَهْ وَ تَخْدُمُوا لَيَّهْ. وَ تَبْقَوْا خَدَّامِينَهْ الْيِحَرُّقُوا لَيَّهْ الْبَخُورْ.»

تكوين 48:16

يَا اللّٰهْ النَّجَّيْتنِي مِنْ كُلَّ شَيّءْ فَسِلْ! نَطْلُبْ مِنَّكْ تِبَارِكْ الْعِيَالْ دَوْل أَشَانْ بَيْهُمْ هُمَّنْ، أُسْمِي يَقْعُدْ دَايْماً مِثِلْ أُسُمْ أَبَّهَاتِي إِبْرَاهِيمْ وَ إِسْحَاقْ. وَ خَلِّي عِيَالْهُمْ يِزِيدُوا وَ يَبْقَوْا كَتِيرِينْ فِي كُلَّ الْأَرْض.»

زَكَرِيَّا 2:3

وَ بَعَدْ دَا، الْمَلَكْ الْقَاعِدْ يِحَجِّي لَيِّ قَمَّ مَاشِي وَ مَلَكْ آخَرْ جَاءْ لَاقَاهْ.

زَكَرِيَّا 1:19

وَ أَنَا سَأَلْت الْمَلَكْ الْقَاعِدْ يِحَجِّي لَيِّ وَ قُلْت: «هُمَّنْ دَوْل شُنُو؟» وَ هُو رَدَّ لَيِّ وَ قَالْ: «دَوْل الْقُرُونْ الشَّتَّتَوْا سُكَّانْ بَلَدْ يَهُوذَا وَ بَلَدْ إِسْرَائِيلْ وَ مَدِينَةْ الْقُدُسْ.»

زَكَرِيَّا 1:13

وَ اللّٰهْ رَدَّ لِلْمَلَكْ الْقَاعِدْ يِحَجِّي لَيِّ وَ أَنْطَى رَدّ عَدِيلْ وَ مُشَجِّعْ.

زَكَرِيَّا 1:9

وَ أَنَا سَأَلْت الْمَلَكْ الْقَاعِدْ يِحَجِّي لَيِّ وَ قُلْت: «يَا سِيدِي، هُمَّنْ دَوْل يَاتُمَّنْ؟» وَ الْمَلَكْ قَالْ: «أَنَا نِأَوْرِيكْ هُمَّنْ دَوْل يَاتُمَّنْ.»

حِزْقِيال 44:15

«وَ كَنْ لِرُجَالْ الدِّينْ اللَّاوِيِّينْ الْمِنْ ذُرِّيَّةْ صَدُوقْ، هُمَّنْ حَفَضَوْا خِدْمَةْ بَيْتِي الْمُقَدَّسْ وَكِتْ بَنِي إِسْرَائِيلْ أَبَوْنِي. وَ هَسَّعْ، هُمَّنْ دَوْل بَسْ يِقَرُّبُوا لَيِّ وَ يَخْدُمُوا لَيِّ. وَ يَقِيفُوا قِدَّامِي وَ يِقَدُّمُوا لَيِّ شَحَمْ وَ دَمّ الضَّحَايَا. وَ دَا كَلَامْ اللّٰهْ الرَّبّ.

حِزْقِيال 44:11

يَقْدَرَوْا يُكُونُوا فِي بَيْتِي الْمُقَدَّسْ وَ يَحْفَضَوْا بِيبَانْ الْبَيْت وَ يَخْدُمُوا فِي لُبّ الْبَيْت. وَ هُمَّنْ بَسْ يَدْبَحَوْا الْبَهَايِمْ هَنَا الضَّحَايَا الْمُحَرَّقِينْ وَ الضَّحَايَا الْيِقَدُّمُوهُمْ الشَّعَبْ. وَ يَقْعُدُوا جَاهِزِينْ لِيَخْدُمُوا لِلشَّعَبْ.

إرْمِيا 15:19

وَ فِي شَانْ دَا، دَاهُو اللّٰهْ قَالْ: «يَا إِرْمِيَا! كَنْ تِقَبِّلْ لَيِّ، أَنَا نِقَبِّلَكْ وَ تَقِيفْ قِدَّامِي. وَ كَنْ تِفَنِّدْ بَيْن الْكَلَامْ النَّجِيضْ وَ النَّيّ، تَبْقَى نَبِي لَيِّ وَ تِكَلِّمْ بِكَلَامِي بَتَّانْ. وَ وَاجِبْ هُمَّنْ بَسْ يِقَبُّلُوا لَيْك، مَا إِنْتَ يَا تِقَبِّلْ لَيْهُمْ.

زَبُور 106:23

اللّٰهْ قَرَّرْ يِكَمِّلْهُمْ وَ لَاكِنْ مُوسَى الْهُو عَزَلَهْ وَقَفْ فِي خَشُمْ الْخُرْمَةْ قِدَّامَهْ لِيِقَبِّلْ غَضَبَهْ الْمُدَمِّرْ.

عَزْرا 5:2

وَ خَلَاصْ، زَرُبَابِلْ وِلَيْد شَلْتِيِيلْ وَ يَشُوعْ وِلَيْد يُوصَادِقْ قَمَّوْا يَبْنُوا بَتَّانْ بَيْت اللّٰهْ الْفِي مَدِينَةْ الْقُدُسْ. وَ أَنْبِيَاء اللّٰهْ قَاعِدِينْ مَعَاهُمْ سَوَا وَ يِسَاعُدُوهُمْ.

1 صَمُوِيل 6:20

وَ سُكَّانْ حِلَّةْ بَيْت شَمْس قَالَوْا: «يَاتُو الْيَقْدَرْ يَقْعُدْ قِدَّامْ اللّٰهْ الرَّبّ الْقُدُّوسْ؟ وَ صَنْدُوقْ اللّٰهْ دَا، هَسَّعْ نِوَدُّوهْ وَيْن؟»

تَثْنِية 18:15

وَ اللّٰهْ إِلٰـهْكُو يَمْرُقْ لَيْكُو مِنْ أَخْوَانْكُو نَبِي مِثْلِي أَنَا وَ إِنْتُو تَسْمَعَوْا كَلَامَهْ.

تَثْنِية 10:8

وَ فِي الْوَكِتْ دَاكْ، اللّٰهْ عَزَلْ قَبِيلَةْ اللَّاوِيِّينْ لِيِشِيلُوا صَنْدُوقْ مُعَاهَدَةْ اللّٰهْ وَ لِيَقِيفُوا قِدَّامَهْ وَ يَخْدُمُوا لَيَّهْ وَ يِبَارُكُوا الشَّعَبْ بِأُسْمَهْ. وَ دَا مِثِلْ هُمَّنْ قَاعِدِينْ يِسَوُّوهْ لَحَدِّي الْيَوْم.

تكوين 3:15

إِنْتَ وَ الْمَرَةْ تَبْقَوْا عُدْوَانْ وَ ذُرِّيّتَكْ وَ ذُرِّيِّتْهَا يَبْقَوْا عُدْوَانْ. وَ وَاحِدْ مِنْهُمْ يِكَسِّرْ رَاسَكْ وَ إِنْتَ تِعَضِّيهْ فِي كَعَبَهْ.»

عَزْرا 10:18

دَاهُو أَسَامَيْ رُجَالْ الدِّينْ الْأَخَدَوْا عَوِينْ أَجْنَبِيَّاتْ مِنْ شُعُوبْ الْبَلَدْ، اللِّقَوْهُمْ فِي وَكْت التَّسْجِيلْ. وَ كُلُّهُمْ شَالَوْا نِيَّةْ أَشَانْ يَطُرْدُوا عَوِينْهُمْ وَ يِجِيبُوا كُبْشَانْ لِكَفَّارَةْ خَطَاهُمْ. مِنْ ذُرِّيَّةْ يَشُوعْ وِلَيْد يُوصَادِقْ وَ أَخْوَانَهْ، مَعَسِيَّا وَ أَلِعَازَرْ وَ يَرِيبْ وَ قَدَالْيَا.

زَكَرِيَّا 4:14

وَ خَلَاصْ، هُو قَالْ لَيِّ: «دَوْل يِمَثُّلُوا الرُّجَالْ الْإِتْنَيْن الْمَسَحَوْهُمْ بِالدِّهِنْ وَ خَصَّصَوْهُمْ لِيَقِيفُوا قِدَّامْ اللّٰهْ سِيدْ كُلَّ الْأَرْض.»

عَزْرا 2:2

وَ النَّاسْ دَوْل جَوْا مَعَ زَرُبَابِلْ وَ يَشُوعْ وَ نَحَمْيَا وَ سَرَايَا وَ رَعَلَايَا وَ مَرْدَكَايْ وَ بِلْشَانْ وَ مِسْفَارْ وَ بِقْوَايْ وَ رَحُومْ وَ بَعَنَى. دَاهُو عَدَدْ رُجَالْ بَنِي إِسْرَائِيلْ.