زَكَرِيَّا 2:5 - الكتاب المقدس بالعربي الدارجي هنا تشاد

⁵ وَ دَاهُو كَلَامْ اللّٰهْ: ‹أَنَا ذَاتِي نُكُونْ لَيْهَا دُرْدُرْ هَنَا نَارْ مُحَوِّقْهَا. وَ فِي أُسُطْهَا، نُكُونْ مَجْدَهَا.›»

زَكَرِيَّا 2:5 Referenca të Kryqëzuara

إشَعْيا 4:5

اللّٰهْ يَخْلِقْ فِي كُلَّ بَكَانْ فِي جَبَلْ صَهْيُون وَ فِي كُلَّ الْبَكَانَاتْ الْيِلِمُّوا فَوْقهُمْ سَحَابَايْ وَ دُخَّانْ بِالنَّهَارْ. وَ ضَيّ هَنَا نَارْ أَمْ بَلْبَالَةْ بِاللَّيْل وَ مَجْد اللّٰهْ يِغَطِّي كُلَّ شَيّءْ.

زَبُور 3:3

وَ لَاكِنْ، يَا اللّٰهْ، إِنْتَ دَرَقَتِي، إِنْتَ عَظَمَتِي وَ تَرْفَعْ رَاسِي.

زَكَرِيَّا 9:8

وَ أَنَا نُخُطّ مُعَسْكَرِي جَنْب أَرْضِي وَ نَحْرِسْهَا مِنْ الْعُدْوَانْ الْمَاشِينْ وَ الْجَايِينْ. وَ أَيِّ مُضَايِقْ مَا يَجِي فَوْقهَا بَتَّانْ أَشَانْ هَسَّعْ عَيْنِي فَوْقهَا.»

رُؤية 21:23

وَ الْمَدِينَةْ مَا تِدَوْر نُورْ مِنْ الْحَرَّايْ وَ لَا ضَيّ مِنْ الْقَمَرْ أَشَانْ نُورْ مَجِيدْ هَنَا اللّٰهْ بِقِي نُورْ الْمَدِينَةْ وَ الْحَمَلْ قَاعِدْ يَنْطِيهَا ضَيّ.

إشَعْيا 12:6

عِيطُوا بِفَرَحْ وَ زَغْرُطُوا، يَا سُكَّانْ صَهْيُون! أَشَانْ قُدُّوسْ إِسْرَائِيلْ الْقَاعِدْ فِي أُسُطْكُو، هُو عَظِيمْ.»

زَبُور 48:3

وَ فِي قُصُورْ صَهْيُون، الرَّبّ مَعْرُوفْ مِثِلْ مَلْجَأْ قَوِي.

إشَعْيا 33:21

وَ اللّٰهْ يِوَصِّفْ لَيْنَا عَظَمَتَهْ وَ الْبَكَانْ دَا يَبْقَى بُحُورْ وَ مَجَارِي وَسِيعِينْ. وَ مَرَاكِبْ حَرِبْ مَا يَدْخُلُوا فَوْقهُمْ وَ سُفُنْ الْكُبَارْ كُلَ مَا يُشُقُّوهُمْ.

لُوقا 2:32

أَيْوَى، هُو النُّورْ الْيِوَصِّفْ دَرِبْ اللّٰهْ لِلْأُمَمْ وَ يِجِيبْ شُكُرْ كَتِيرْ لِشَعَبَكْ بَنِي إِسْرَائِيلْ.»

زَبُور 48:12

رُوغُوا فِي دُرْدُرْ صَهْيُون وَ حَوُّقُوهْ وَ أَحْسُبُوا عَدَدْ بُيُوتَهْ هَنَا الْمُرَاقَبَةْ.

زَبُور 46:5

الرَّبّ قَاعِدْ فِي أُسُطْهَا وَ هِي مَا تِنْهَزَّ. الرَّبّ يَفْزَعْهَا فِي الْفَجُرْ.

زَبُور 85:9

أَيْوَى، نَجَاتَهْ قَاعِدَةْ قَرِيبْ لِلْيَخَافَوْا مِنَّهْ وَ دَا أَشَانْ مَجْدَهْ يَسْكُنْ فِي بَلَدْنَا.

زَبُور 125:2

وَ مِثِلْ مَدِينَةْ الْقُدُسْ مُحَوَّقَةْ بِجِبَالْ، اللّٰهْ كُلَ مُحَوِّقْ شَعَبَهْ مِنْ هَسَّعْ وَ إِلَى الْأَبَدْ.

إشَعْيا 31:9

وَ عَسْكَرْهَا الْفَحَلِينْ يَجْرُوا مِنْ الْخَوْف وَ كُبَارَاتْهَا يِنْبَهْتُوا قِدَّامْ الرَّايَةْ.» وَ دَا كَلَامْ اللّٰهْ الْعِنْدَهْ نَارْ فِي جَبَلْ صَهْيُون وَ عِنْدَهْ فُرُنْ فِي مَدِينَةْ الْقُدُسْ.

إشَعْيا 32:18

وَ شَعَبِي يَقْعُدُوا فِي بَكَانْ هَنَا سَلَامْ فِي بُيُوتْ أَمِينِينْ وَ هَادِيِينْ وَ بَكَانْ هَنَا جُمَّةْ.

حِزْقِيال 38:14

«وَ فِي شَانْ دَا، يَا إِبْن آدَمْ، أَتْنَبَّأْ وَ قُولْ لِجُوجْ: ‹دَاهُو اللّٰهْ الرَّبّ قَالْ: ”وَكِتْ شَعَبِي بَنِي إِسْرَائِيلْ سَاكْنِينْ بِأَمَانْ، إِنْتَ قَمَّيْت وَ جَايِ.

حِزْقِيال 42:20

وَ بَيْدَا، هُو كَالْ دَايِرَةْ دُرْدُرْ الْحَوْش بِالْجِيهَاتْ الْأَرْبَعَةْ وَ لِقِيهْ طُولَهْ وَ عُرْضَهْ كُلَ 500 عُودْ. وَ دُرْدُرْ الْحَوْش دَا يَفْصُلْ أَمْبَيْن الْبَكَانْ الْمُقَدَّسْ وَ الْبَكَانْ الْمَا مُقَدَّسْ.

زَكَرِيَّا 2:10

دَاهُو كَلَامْ اللّٰهْ: «زَغْرِطِي وَ أَفْرَحَيْ، يَا صَهْيُون الْمِثِلْ بِنَيَّةْ، أَشَانْ دَاهُو أَنَا جَايِ نَسْكُنْ فِي أُسُطْكِ.

زَكَرِيَّا 2:11

وَ فِي الْيَوْم دَا، أُمَمْ كَتِيرِينْ يِنْكَرْبُوا فَوْقِي أَنَا اللّٰهْ. وَ يَبْقَوْا شَعَبِي حَلَالِي. وَ أَنَا نَسْكُنْ فِي أُسُطْكُو.» وَ بَيْدَا، تَعَرْفُوا كَدَرْ اللّٰهْ الْقَادِرْ، هُو بَسْ رَسَّلَانِي لَيْكُو.

زَكَرِيَّا 9:14

وَ اللّٰهْ يِبِينْ مِنْ فَوْق لِشَعَبَهْ وَ نُشَّابَهْ يَبْرُقْ مِثِلْ بَرَّاقَةْ. اللّٰهْ الرَّبّ يَضْرُبْ الْبُوقْ وَ يَجِي بِرِيحْ شَدِيدَةْ مِنْ الْجُنُوبْ.

إرْمِيا 31:39

وَ مِنْ الْبَكَانْ دَا، الْحُدُودْ يَمْشُوا عَلَيْ جَبَلْ قَارِبْ وَ يِوَجُّهُوا عَلَيْ قَوْعَةْ.

حِزْقِيال 47:3

وَ الرَّاجِلْ مَرَقْ عَلَيْ الصَّبَاحْ وَ الْحَبِلْ الْيِقَاوُسُوا بَيَّهْ فِي إِيدَهْ. وَ مِنْ الْبَابْ، هُو كَالْ 1 000 دُرَاعْ بَرَّا. وَ هِنَاكْ، قَطَّعَانِي الْأَلْمِي وَ الْأَلْمِي لِحِقْ سِيقَانِي.

زَكَرِيَّا 1:16

وَ فِي شَانْ دَا، دَاهُو اللّٰهْ قَالْ: «أَنَا نِقَبِّلْ لِمَدِينَةْ الْقُدُسْ بِمَحَنَّةْ. وَ مَدِينَةْ الْقُدُسْ يِقَاوُسُوهَا لِلْبَنِي وَ بَيْتِي يِنْبَنِي فِيهَا بَتَّانْ.» وَ دَا كَلَامْ اللّٰهْ الْقَادِرْ.