زَكَرِيَّا 11:3 - الكتاب المقدس بالعربي الدارجي هنا تشاد

³ أَسْمَعَوْا! الرُّعْيَانْ يَبْكُوا بِحِزِنْ أَشَانْ بَكَانْهُمْ الْعَظِيمْ خِرِبْ. أَسْمَعَوْا! الدِّيدَانْ يِكِرُّوا أَشَانْ غَابَةْ الْأُرْدُنْ خِرْبَتْ.

زَكَرِيَّا 11:3 Referenca të Kryqëzuara

إرْمِيا 50:44

وَ اللّٰهْ قَالْ: «مِثِلْ دُودْ الْيَمْرُقْ مِنْ غَابَةْ الْأُرْدُنْ لِيَهْجِمْ غَنَمْ فِي مَرْعَى أَخْضَرْ، أَنَا كُلَ نُقُمّ نَطْرُدْ نَاسْ بَابِلْ بِغَفْلَةْ وَ نِثَبِّتْ فَوْقهَا النَّادُمْ الْأَنَا عَزَلْتَهْ. يَاتُو الْمِثْلِي أَنَا؟ وَ يَاتُو الْيَنْطِينِي أَمُرْ؟ وَ يَاتُو الْمَلِكْ الْيَقْدَرْ يُقُمّ ضِدِّي؟»

أعمال الرُسُل 7:52

وَيْن النَّبِي الْجُدُودْكُو مَا تَعَّبَوْه؟ هُمَّنْ كَتَلَوْا الْأَنْبِيَاء الْبَلَّغَوْا لَيْهُمْ بِجَيَّةْ عَبْدَهْ الصَّالِحْ الْمَسِيحْ وَ وَكِتْ الْمَسِيحْ جَاءْ خَلَاصْ، إِنْتُو خُنْتُوهْ وَ كَتَلْتُوهْ!

مَتَّى 15:14

خَلُّوهُمْ! هُمَّنْ عَمْيَانِينْ وَ يُقُودُوا عَمْيَانِينْ. كَنْ نَادُمْ عَمْيَانْ يُقُودْ عَمْيَانْ آخَرْ، كُلُّهُمْ يَقَعَوْا فِي نُقْرَةْ.»

زَكَرِيَّا 11:8

وَ فِي شَهَرْ وَاحِدْ، أَنَا طَرَدْت رُعْيَانْهُمْ التَّلَاتَةْ. وَ فِي الأَخِيرْ، مَا قِدِرْت نَحْمَلْ تُجَّارْ الْغَنَمْ. وَ كَنْ لَيْهُمْ هُمَّنْ كُلَ، بَغَضَوْنِي.

صَفَنْيا 3:11

«يَا شَعَبِي، فِي الْيَوْم دَا مَا تَلْقَوْا أَيِّ عَيْب بِسَبَبْ كُلَّ أَعْمَالْكُو الْبَيْهُمْ عِصِيتُونِي. أَشَانْ فِي الْوَكِتْ دَا، نَمْرُقْ مِنْ أُسُطْكُو الْكُلُوفِيِينْ وَ مَا تِسْتَكْبَرَوْا فِي جَبَلِي الْمُقَدَّسْ.

صَفَنْيا 3:3

وَ فِي أُسُطْهَا، كُبَارَاتْهَا مِثِلْ الدِّيدَانْ الْيِكِرُّوا وَ قُضْيَاهَا مِثِلْ مَرَافْعِينْ اللَّيْل الْمَا يِخَلُّوا شَيّءْ لِلْفَجُرْ.

صَفَنْيا 1:10

وَ فِي الْيَوْم دَا، فِي مَدِينَةْ الْقُدُسْ، يِنْسَمِعْ بَكِي جَنْب بَابْ الْحُوتْ وَ صِرَاخْ فِي الْحَارَةْ الْجَدِيدَةْ وَ حَرَكَةْ دَمَارْ كَبِيرْ فِي الْجِبَالْ. وَ دَا كَلَامْ اللّٰهْ.

عَمُوس 8:8

وَ بِسَبَبْ دَا، الْبَلَدْ مَا تَرْجِفْ وَلَّا؟ وَ كُلَّ سُكَّانْهَا مَا يَبْقَوْا حَزْنَانِينْ وَلَّا؟ الْبَلَدْ تَطْلَعْ كُلَّهَا مِثِلْ بَحَرْ هَنَا مَصِرْ وَ تَطْمِي وَ تَنْزِلْ مِثِلْ سَيْل النِّيلْ.»

يُوِيل 1:13

يَا رُجَالْ الدِّينْ، أَلْبَسَوْا خُلْقَانْ الْحِزِنْ وَ نُوحُوا وَ أَبْكُوا، يَا إِنْتُو الْخَدَّامِينْ فِي الْمَدْبَحْ. تَعَالُوا أَحْزَنَوْا طُولْ اللَّيْل بِخُلْقَانْ الْحِزِنْ، يَا خَدَّامِينْ إِلٰـهِي. هَدَايَا الدَّقِيقْ وَ هَدَايَا الشَّرَابْ مَا يِقَدُّمُوهُمْ بَتَّانْ فِي بَيْت اللّٰهْ إِلٰـهْكُو.

هُوشَع 10:5

وَ سُكَّانْ السَّامِرَةْ يَرْجُفُوا فِي شَانْ صَنَمْهُمْ هَنَا الْعِجِلْ فِي حِلَّةْ بَيْت إِيلْ الْفَسْلَةْ. شَعَبْهَا يَحْزَنَوْا بِسَبَبْ عِجِلْهُمْ وَ رُجَالْ دِينْهُمْ كُلَ يَرْجُفُوا أَشَانْ يِوَدُّوا مَجْد صَنَمْهُمْ فِي الْغُرْبَةْ.

إرْمِيا 49:19

«وَ مِثِلْ دُودْ الْيَمْرُقْ مِنْ غَابَةْ الْأُرْدُنْ لِيَهْجِمْ غَنَمْ فِي مَرْعَى أَخْضَرْ، أَنَا اللّٰهْ كُلَ نُقُمّ نَطْرُدْ نَاسْ أَدَوْم بِغَفْلَةْ وَ نِثَبِّتْ فَوْقهَا النَّادُمْ الْأَنَا عَزَلْتَهْ. يَاتُو الْمِثْلِي أَنَا؟ وَ يَاتُو الْيَقْدَرْ يَنْطِينِي أَمُرْ؟ وَ يَاتُو الْمَلِكْ الْيَقْدَرْ يُقُمّ ضِدِّي؟»

إرْمِيا 26:6

وَ كَنْ مَا تَسْمَعَوْنِي، خَلَاصْ أَنَا نِدَمِّرْ الْبَيْت دَا، مِثِلْ دَمَّرْت مَسْكَنِي الْأَوَّلْ قَاعِدْ فِي شِيلَوْه. وَ نَلْعَنْ مَدِينَةْ الْقُدُسْ وَ هِي تَبْقَى مَثَلْ لِكُلَّ أُمَمْ الْأَرْض.“›»

إرْمِيا 7:4

مَا تِصَدُّقُوا الْكَلَامْ الْغَشّ الْبُقُولْ: ”دَاهُو هِنِي بَيْت اللّٰهْ، بَيْت اللّٰهْ، بَيْت اللّٰهْ. شَيّءْ مَا يَجِينَا.“

إرْمِيا 2:30

وَ أَنَا ضَرَبْت شَعَبْ بَنِي إِسْرَائِيلْ لِنِأَدِّبْهُمْ وَ لَاكِنْ مَا أَلأَدَّبَوْا. وَ سَيْفكُو كَتَلْ أَنْبِيَائْكُو مِثِلْ الدُّودْ الْجَاسِرْ.

إرْمِيا 2:15

عُدْوَانْهُمْ مِثِلْ دِيدَانْ الْيِكِرُّوا وَ حِسُّهُمْ أَنْسَمَعْ. خَرَبَوْا بَلَدْهُمْ وَ تَشَّوْا مُدُنْهُمْ وَ طَرَدَوْا سُكَّانْهُمْ.

إشَعْيا 65:15

وَ النَّاسْ الْأَنَا عَزَلْتُهُمْ يِسْتَعْمَلَوْا أُسُمْكُو مِثِلْ لَعَنَةْ. وَ يُقُولُوا: ‹اللّٰهْ الرَّبّ يَكْتُلَكْ مِثِلْ فِلَانْ!› وَ لَاكِنْ لِعَبِيدِي، نِنَادِيهُمْ بِأُسُمْ آخَرْ.

زَبُور 22:21

نَجِّينِي مِنْ خُشُومْ الدِّيدَانْ وَ مِنْ قُرُونْ التِّيرَانْ. أَيْوَى! إِنْتَ سِمِعْت مُنَادَاتِي!

إشَعْيا 5:29

وَ يَبْكُوا مِثِلْ الدُّودْ أَيْوَى، يَبْكُوا مِثِلْ فُرُوخْ الدُّودْ. يَبْكُوا وَ يَكُرْبُوا فَرِيسِتْهُمْ وَ مَا فِي نَادُمْ الْيِنَجِّيهَا مِنْهُمْ.

زَكَرِيَّا 11:2

يَا شَدَرْ السَّرْوِي، أَبْكُوا بِحِزِنْ أَشَانْ شَدَرْ الْأَرْز أَدَّمَّرْ وَ الْخَرَابْ لِحِقْ الشَّدَرْ الْعَظِيمِينْ دَوْل. يَا شَدَرْ الْبَلُّوطْ هَنَا بَاشَانْ، أَبْكُوا بِحِزِنْ أَشَانْ الْغَابَةْ الضَّلْمَةْ وَقَعَتْ فِي التُّرَابْ.

حِزْقِيال 19:2

وَ نُقُولْ: «أَمَّكْ مَا دُودَايْ وَلَّا؟ هِي رَاقْدَةْ فِي أُسْط الدِّيدَانْ. وَ فِي لُبّ فُرُوخْ الدِّيدَانْ، هِي تِرَبِّي عِيَالْهَا.