زَكَرِيَّا 10:4 - الكتاب المقدس بالعربي الدارجي هنا تشاد

⁴ وَ مِنْ بَنِي يَهُوذَا، يَمُرْقُوا قُيَّادْ وَ هُمَّنْ شُدَادْ مِثِلْ حَجَرْ الْأَسَاسْ وَ ثَابْتِينْ مِثِلْ وِتِدْ الْخَيْمَةْ وَ قَوِيِّينْ مِثِلْ نُبَّالْ الْحَرِبْ.

زَكَرِيَّا 10:4 Referenca të Kryqëzuara

زَكَرِيَّا 9:10

أَنَا نِدَمِّرْ عَرَبَاتْ الْحَرِبْ فِي تُرَابْ أَفْرَايِمْ وَ خَيْل الدُّوَاسْ فِي مَدِينَةْ الْقُدُسْ وَ نِكَسِّرْ نُبَّالْ الْحَرِبْ. وَ الْمَلِكْ دَا يِكَلِّمْ بِالسَّلَامْ لِلْأُمَمْ وَ سُلْطِتَهْ تَمْشِي مِنْ الْبَحَرْ الْمَيِّتْ لَحَدِّي الْبَحَرْ الْأَبْيَضْ وَ مِنْ بَحَرْ الْفُرَاتْ لَحَدِّي آخِرْ الْأَرْض.»

زَكَرِيَّا 9:8

وَ أَنَا نُخُطّ مُعَسْكَرِي جَنْب أَرْضِي وَ نَحْرِسْهَا مِنْ الْعُدْوَانْ الْمَاشِينْ وَ الْجَايِينْ. وَ أَيِّ مُضَايِقْ مَا يَجِي فَوْقهَا بَتَّانْ أَشَانْ هَسَّعْ عَيْنِي فَوْقهَا.»

عَدد 24:17

أَنَا نِشِيفْ الْجَايِ وَ لَاكِنْ مَا يَجِي هَسَّعْ. أَنَا قَاعِدْ نِشِيفَهْ وَ لَاكِنْ مَا مِنْ قَرِيبْ. مِنْ ذُرِّيَّةْ يَعْقُوبْ تَطْلَعْ نَجْمَةْ وَ مِنْ بَنِي إِسْرَائِيلْ يَجِي مَلِكْ. بِعَصَاةْ مُلْكَهْ يَكْسِرْ جَبْهَةْ مُوَابْ وَ يَكْتُلْ كُلَّ ذُرِّيَّةْ شِيتْ.

رُؤية 17:14

وَ يِحَارُبُوا الْحَمَلْ وَ الْحَمَلْ يِنَّصِرْ فَوْقهُمْ أَشَانْ هُو بَسْ رَبّ الْأَرْبَابْ وَ مَلِكْ الْمُلُوكْ. وَ عِنْدَهْ مَعَايَهْ النَّاسْ الْعَزَلَاهُمْ وَ نَادَاهُمْ وَ هُمَّنْ الْمُؤمِنِينْ.»

2 تِمُوتَاوُس 2:4

الْعَسْكَرِي الْقَاعِدْ يِسَوِّي خِدِمْتَهْ مَا لَمَّاهْ بِخِدْمَةْ النَّاسْ الْمَا عَسْكَرْ. هُو يُخُطّ بَالَهْ لِكَلَامْ كَبِيرَهْ الْيَامُرَهْ وَ يِدَوْر رِضَى مِنَّهْ هُو بَسْ.

مَتَّى 9:38

أَشَانْ دَا، أَطُلْبُوا مِنْ سِيدْ الزَّرَعْ هُو يِرَسِّلْ خَدَّامِينَهْ يِلِمُّوا غَلِّتَهْ.»

إرْمِيا 1:18

وَ الْيَوْم، أَنَا نِسَوِّيكْ قَوِي مِثِلْ مَدِينَةْ قَوِيَّةْ الْعِنْدَهَا عَمَدْ هَنَا حَدِيدْ وَ دَرَادِرْ هَنَا نَحَاسْ. وَ دَا لِتَبْقَى قَوِي قِدَّامْ كُلَّ بَلَدْ يَهُوذَا بِمُلُوكْهَا وَ كُبَارَاتْهَا وَ رُجَالْ دِينْهَا وَ شَعَبْهَا.

إشَعْيا 54:16

«أَعَرْفُوا! أَنَا بَسْ خَلَقْت الْحَدَّادِي الْيَنْفُخْ فِي نَارْ الْجَمُرْ وَ يِسَوِّي أَيِّ سِلَاحْ حَسَبْ إِسْتِعْمَالَهْ. وَ أَنَا بَسْ خَلَقْت النَّادُمْ الْيِدَمِّرْ السِّلَاحْ.

إشَعْيا 49:2

هُو سَوَّى لِسَانِي مِثِلْ سَيْف طَرِينْ وَ فِي لُبّ إِيدَهْ، لَبَّدْنِي. وَ سَوَّانِي مِثِلْ نُشَّابْ طَرِينْ وَ فِي كَلَوْتَّهْ، دَسَّانِي.

إشَعْيا 19:13

وَ مَسَائِيلْ حِلَّةْ صُعَانْ مَا عِنْدُهُمْ رَاسْ وَ مَسَائِيلْ حِلَّةْ مَمْفِيسْ أَنْغَشَّوْا وَ كُبَارَاتْ الْقَبَايِلْ وَدَّرَوْا مَصِرْ.

زَبُور 118:22

الْحَجَرْ الْبَنَّايِينْ الْبَيْت أَوَّلْ مَا دَوَّرَوْه بِقِي الْحَجَرْ الْمُهِمّ فِي بُنَى الْبَيْت.

عَزْرا 9:8

وَ لَاكِنْ هَسَّعْ، يَا اللّٰهْ إِلٰـهْنَا، إِنْتَ حَنَّيْت فَوْقنَا لِوَكِتْ قِصَيِّرْ وَ خَلَّيْت وَاحِدِينْ مِنِّنَا نِجَوْا وَ قَبَّلَوْا جَوْا أَلْمَكَّنَوْا فِي الْبَكَانَكْ الْمُقَدَّسْ. وَ مِثِلْ دَا، يَا إِلٰـهْنَا، إِنْتَ فَتَحْت عُيُونَّا وَ أَنْطَيْتنَا رَاحَةْ شِيَّةْ مِنْ الْعُبُودِيَّةْ.

1 صَمُوِيل 14:38

وَ شَاوُولْ قَالْ لِكُلَّ كُبَارَاتْ الدَّيْش: «لِمُّوا وَ تَعَالُوا. خَلِّي الْيَوْم نِشِيفُوا وَ نَعَرْفُوا شُنُو السَّبَبْ هَنَا الذَّنِبْ دَا.

تكوين 49:24

لَاكِنْ هُو كَرَبْ نُبَّالَهْ عَدِيلْ وَ إِيدَيْنَهْ ثَابْتِينْ. تَلْقَى الْبَرَكَةْ بِقُدْرَةْ اللّٰهْ الْجَبَّارْ، إِلٰـهْ يَعْقُوبْ، أَيْوَى، بِأُسُمْ اللّٰهْ الرَّاعِي الْيَحْمِي إِسْرَائِيلْ.

لُوقا 20:17

وَ عِيسَى شَافَاهُمْ عَدِيلْ وَ قَالْ: «وَ كَنْ دَا مَا يَبْقَى، شُنُو مَعَنَى هَنَا الْكَلَامْ الْمَكْتُوبْ فِي الْكِتَابْ الْيُقُولْ: <الْحَجَرْ الْبَنَّايِينْ الْبَيْت أَوَّلْ مَا دَوَّرَوْه بِقِي الْحَجَرْ الْمُهِمّ فِي بُنَى الْبَيْت.>

أفَسُس 2:20

وَلَّا بِمَثَلْ آخَرْ، اللّٰهْ جَعَلَاكُو الْبَيْت الْهُو سَاكِنْ فَوْقَهْ. وَ الْأَسَاسْ الْاللّٰهْ بَنَاكُو فَوْقَهْ، هُو كَلَامْ الرُّسُلْ وَ الْأَنْبِيَاء. وَ عِيسَى الْمَسِيحْ، هُو حَجَرْ الزَّاوِيَةْ الْيَرْبُطْ الْأَسَاسْ.

1 بُطْرُس 2:6

وَ اللّٰهْ قَالْ فِي الْكِتَابْ: <أَسْمَعَوْا. أَنَا نُخُطّ فِي جَبَلْ صَهْيُون حَجَرْ زَاوِيَةْ. وَ هُو الْحَجَرْ الْغَالِي الْأَنَا عَزَلْتَهْ. وَ الْيِآمِنْ بَيَّهْ، أَبَداً مَا يَخْجَلْ.>

إرْمِيا 51:20

وَ اللّٰهْ قَالْ: «إِنْتِ، يَا بَابِلْ! بِقِيتِ لَيِّ مِثِلْ عَصَاتِي النِّحَارِبْ بَيْهَا. بَيْكِ إِنْتِ، أَنَا ضَرَبْت الْأُمَمْ وَ خَرَبْت الْمَمَالِكْ.

إشَعْيا 28:16

وَ فِي شَانْ دَا، دَاهُو اللّٰهْ الرَّبّ قَالْ: أَنَا خَطَّيْت حَجَرْ فِي صَهْيُون وَ دَا حَجَرْ زَاوِيَةْ غَالِي وَ مُجَرَّبْ لِيِسَوِّي الْأَسَاسْ قَوِي. وَ أَيِّ نَادُمْ الْيِآمِنْ بَيَّهْ أَبَداً مَا يَقَعْ.