زَكَرِيَّا 10:3 - الكتاب المقدس بالعربي الدارجي هنا تشاد

³ «غَضَبِي يَنْزِلْ ضِدّ رُعْيَانْهُمْ وَ نِعَاقِبْ كُبَارَاتْهُمْ الْمِثِلْ تُيُوسْ. أَيْوَى، أَنَا اللّٰهْ الْقَادِرْ نِدَافِعْ لِبَنِي يَهُوذَا الْمِثِلْ غَنَمِي. وَ أَنَا نِسَوِّيهُمْ مِثِلْ جُوَادْ عَظِيمْ فِي الْحَرِبْ.

زَكَرِيَّا 10:3 Referenca të Kryqëzuara

حِزْقِيال 34:2

«يَا إِبْن آدَمْ، أَتْنَبَّأْ ضِدّ رُعْيَانْ إِسْرَائِيلْ. أَتْنَبَّأْ وَ قُولْ لِلرُّعْيَانْ دَوْل: ‹دَاهُو اللّٰهْ الرَّبّ قَالْ: ”الْعَذَابْ لَيْكُو إِنْتُو، يَا رُعْيَانْ إِسْرَائِيلْ التَّسْرَحَوْا بِنُفُوسْكُو بَسْ! الرُّعْيَانْ مَا وَاجِبْ يَسْرَحَوْا بِالْغَنَمْ وَلَّا؟

زَكَرِيَّا 11:17

الْعَذَابْ لِلرَّاعِي الْمَا عَدِيلْ الْيِخَلِّي الْغَنَمْ! خَلِّي السَّيْف يَضْرُبْ إِيدَهْ وَ يِقِدّ عَيْنَهْ الزَّيْنَةْ! خَلِّي إِيدَهْ تَيْبَسْ وَ عَيْنَهْ الزَّيْنَةْ تُمُوتْ!»

صَفَنْيا 2:7

وَ الْمَنْطَقَةْ دِي تَبْقَى هِنْت النَّاسْ الْفَضَّلَوْا مِنْ بَنِي يَهُوذَا. هُمَّنْ يَسْرَحَوْا فَوْقهَا وَ بِعَشِيَّةْ، يِنْجَمَّوْا فِي بُيُوتْ أَشْقَلُونْ. أَشَانْ أَنَا اللّٰهْ إِلٰـهُّمْ نُقُمّ فِي شَانْهُمْ وَ نِقَبِّلْهُمْ مِنْ بَلَدْ الْغُرْبَةْ.»

إرْمِيا 25:34

أَصْرَخَوْا، يَا رُعْيَانْ غَنَمِي! كَوْرُكُوا وَ أَلْمَرْمَغَوْا فِي التُّرَابْ، يَا كُبَارَاتْ شَعَبِي! أَشَانْ يَوْم مَوْتكُو قَرَّبْ. يَكْتُلُوكُو وَ يِشَتُّتُوا جَنَازَاتْكُو وَ تَقَعَوْا وَ تِلْكَسَّرَوْا مِثِلْ السُّونِي.

أمْثال 21:31

تَقْدَرْ تِجَهِّزْ خَيْلَكْ لِيَوْم الْحَرِبْ وَ لَاكِنْ النَّصُرْ جَايِ مِنْ اللّٰهْ.

1 بُطْرُس 2:12

خَلِّي حَالْكُو فِي أُسْط النَّاسْ الْمَا مُؤمِنِينْ تَبْقَى عَدِيلَةْ. وَ بِمِثِلْ دَا، كَنْ يَكْدُبُوا فِيكُو وَ يُقُولُوا إِنْتُو نَاسْ فَسْلِينْ كُلَ، يِشِيفُوا عَمَلْكُو السَّمَحْ وَ فِي الأَخِيرْ، يِمَجُّدُوا اللّٰهْ فِي يَوْم الْفَرَجْ.

لُوقا 1:68

«بَارَكْ اللّٰهْ رَبّ بَنِي إِسْرَائِيلْ أَشَانْ هُو أَنْطَى نِعْمَةْ لِشَعَبَهْ وَ فَدَاهُمْ!

رَعُوث 1:6

وَ وَكِتْ نَعِيمَةْ قَاعِدَةْ فِي بَلَدْ مُوَابْ، سِمْعَتْ كَدَرْ اللّٰهْ رَحَمْ شَعَبَهْ وَ أَنْطَاهُمْ إِنْتَاجْ سَمَحْ مِنْ زِرَاعِتْهُمْ. وَ خَلَاصْ، قَمَّتْ جَهَّزَتْ هِي وَ عَوِينْ أَوْلَادْهَا الْإِتْنَيْن لِيَمُرْقَنْ مِنْ الْبَلَدْ دِي.

خُروج 4:31

وَ بَنِي إِسْرَائِيلْ صَدَّقَوْا. وَ وَكِتْ عِرْفَوْا كَدَرْ اللّٰهْ شَافْ تَعَبْهُمْ وَ دَوَّرْ يِنَجِّيهُمْ، خَلَاصْ كُلُّهُمْ دَنْقَرَوْا وَ سَجَدَوْا.

صَفَنْيا 1:8

وَ اللّٰهْ قَالْ: «فِي يَوْم الضَّحِيَّةْ دِي، أَنَا نِعَاقِبْ الْكُبَارَاتْ وَ عِيَالْ الْمَلِكْ وَ كُلَّ النَّاسْ الْيَلْبَسَوْا خُلْقَانْ الْأَجَانِبْ لِيِتَابُعُوا عَادَاتْهُمْ.

إرْمِيا 50:6

«شَعَبِي مِثِلْ غَنَمْ مُوَدِّرِينْ الرُّعْيَانْهُمْ وَدَّرَوْهُمْ فِي الْجِبَالْ. يِلِفُّوا بَيْهُمْ مِنْ جَبَلْ لِآخَرْ لَحَدِّي الْغَنَمْ دَوْل نَسَّوْهُمْ زَرِيبِتْهُمْ.

إرْمِيا 25:12

«وَ لَاكِنْ بَعَدْ السَّبْعِينْ سَنَةْ دَوْل يِكَمُّلُوا، أَنَا نِعَاقِبْ مَلِكْ بَابِلْ وَ أُمَّتَه فِي شَانْ خَطَاهُمْ. وَ نُقُمّ ضِدّ بَلَدْ الْبَابِلِيِّينْ وَ نِسَوِّيهَا بَلَدْ خَرَابْ إِلَى الْأَبَدْ. وَ دَا كَلَامْ اللّٰهْ.

إرْمِيا 11:22

وَ فِي شَانْ دَا، دَاهُو اللّٰهْ الْقَادِرْ قَالْ: «أَنَا نِعَاقِبْهُمْ. صُبْيَانْهُمْ يُمُوتُوا فِي الْحَرِبْ وَ أَوْلَادْهُمْ وَ بَنَاتْهُمْ يُمُوتُوا بِالْجُوعْ.

إرْمِيا 10:21

وَ إِرْمِيَا قَالْ: «وَ دَا أَشَانْ الْكُبَارَاتْ الْيُقُودُوا النَّاسْ مُغَفَّلِينْ وَ مَا وَجَّهَوْا لِلّٰهْ. وَ فِي شَانْ دَا، هُمَّنْ مَا نَجَحَوْا وَ خَلَّوْا شَعَبْهُمْ مُشَتَّتِينْ مِثِلْ الرَّاعِي الْخَلَّى بَهَايْمَهْ.

إشَعْيا 24:21

وَ فِي الْيَوْم دَا، اللّٰهْ يِعَاقِبْ قُوَّاتْ السَّمَاءْ فَوْق وَ مُلُوكْ الْأَرْض تِحِتْ.

إشَعْيا 10:12

وَ وَكِتْ الرَّبّ يِكَمِّلْ كُلَّ خِدِمْتَهْ فِي جَبَلْ صَهْيُون وَ فِي مَدِينَةْ الْقُدُسْ، هُو يُقُولْ: «نُقُمّ ضِدّ أَفْكَارْ الْإِسْتِكْبَارْ هَنَا مَلِكْ بَلَدْ أَشُورْ وَ شَوْفَهْ هَنَا الْبُغُضْ.

نشيد 1:9

يَا حَبِيبْتِي، إِنْتِ مِثِلْ فَرَسْ عَرَبَةْ فِرْعَوْن مَلِكْ مَصِرْ.

حِزْقِيال 34:12

وَ مِثِلْ الرَّاعِي الْيِلِمّ غَنَمَهْ الْمُشَتَّتِينْ وَ يِرَيِّسْهُمْ، أَنَا كُلَ نِرَيِّسْ غَنَمِي. وَ نِلِمُّهُمْ مِنْ كُلَّ بَكَانْ الْهُمَّنْ مُشَتَّتِينْ فَوْقَهْ فِي يَوْم الضَّلَامْ وَ الضِّيقَةْ.

دَنْيال 11:32

وَ الْمَلِكْ ذَاتَهْ بِكَلَامْ غَشّ يِلِزّ نَاسْ وَاحِدِينْ لِيَابَوْا الْمُعَاهَدَةْ الْعِنْدُهُمْ مَعَ اللّٰهْ. وَ لَاكِنْ النَّاسْ الْيَعَرْفُوا إِلٰـهُّمْ يُقُمُّوا بِشِدَّةْ وَ يَثْبُتُوا.

أيُّوب 39:25

أَيِّ وَكِتْ الْبُوقْ يَضْرُبْ، هُو يِحَنْحِنْ وَ يُقُولْ: «أَيْوَى!» مِنْ بَعِيدْ، هُو يُشُمّ الْحَرِبْ وَ يَسْمَعْ هُرَاجْ الْكُبَارَاتْ وَ كُرَوْرَاكْ الْحَرِبْ.

حِزْقِيال 34:11

دَاهُو اللّٰهْ الرَّبّ قَالْ: «أَنَا ذَاتِي نَجِي نِفَتِّشْ غَنَمِي وَ نِرَيِّسْهُمْ.