زَكَرِيَّا 10:1 - الكتاب المقدس بالعربي الدارجي هنا تشاد

¹ أَسْأَلَوْا اللّٰهْ أَشَانْ يِنَزِّلْ لَيْكُو مَطَرْ الرِّشَاشْ فِي وَكْتَهْ. اللّٰهْ بَسْ يِكَوِّنْ السَّحَابْ وَ يِنَزِّلْ مَطَرْ كَتِيرْ. وَ لِأَيِّ إِنْسَانْ كُلَ، هُو يِقَوِّمْ مَعَاشْ فِي زَرْعَهْ.

زَكَرِيَّا 10:1 Referenca të Kryqëzuara

إشَعْيا 44:3

أَشَانْ أَنَا نِنَزِّلْ مَطَرْ فِي الْأَرْض الْعَطْشَانَةْ وَ نِجَرِّي وُدْيَانْ فِي أَرْض جَفَافْ. مِثِلْ دَا، نِنَزِّلْ رُوحِي فِي ذُرِّيّتَكْ وَ بَرَكَتِي فِي عِيَالَكْ.

يَعْقُوب 5:7

يَا أَخْوَانِي، أَصْبُرُوا لَحَدِّي رَبِّنَا عِيسَى يَجِي. فَكُّرُوا فِي الْحَرَّاتِينْ. هُمَّنْ يَرْجَوْا الْخَرِيفْ لِيِتَيْرُبُوا الْغَلَّةْ الْمُهِمَّةْ لِحَيَاتْهُمْ. مِنْ تَيْرَبَوْهَا، يَرْجَوْا أَلْمِي يُصُبّ لِلْغَلَّةْ تُقُمّ وَ يَصْبُرُوا لَحَدِّي تَنْجَضْ.

حِزْقِيال 36:37

وَ دَاهُو اللّٰهْ الرَّبّ قَالْ: «بَتَّانْ أَنَا نِخَلِّي بَنِي إِسْرَائِيلْ يِفَتُّشُونِي أَشَانْ نُقُمّ نِسَاعِدْهُمْ. وَ نِكَتِّرْ نَاسْهُمْ مِثِلْ الْغَنَمْ.

إشَعْيا 30:23

وَ هُو يِنَزِّلْ مَطَرَةْ فِي الْحَبّ الْإِنْتُو تِتَيْرُبُوهْ. وَ الْمَعَاشْ التَّنْتِجَهْ الْأَرْض يَبْقَى كَتِيرْ وَ حَلُو. وَ فِي الْيَوْم دَا، بَهَايِمْكُو يَسْرَحَوْا فِي مَرْعَى وَسِيعْ.

زَبُور 65:9

وَ إِنْتَ هَمَّيْت بِالْأَرْض وَ رَوَيْتهَا بِأَلْمِي وَ غَنَيْتهَا. وَ مِنْ بَحَرْ اللّٰهْ، يَجْرِي أَلْمِي الْيَزْقِي الْأَرْض وَ يِجَهِّزْهَا لِتَنْطِي مَعَاشْهَا.

تَثْنِية 28:23

وَ السَّمَاءْ الْمِنْ فَوْق لِرُوسَيْكُو تَبْقَى مِثِلْ نَحَاسْ وَ الْأَرْض التِّحِتْ رِجْلَيْكُو تَبْقَى مِثِلْ حَدِيدْ.

يُوحَنَّا 16:23

«وَ فِي الْيَوْم الْيَجِي دَا، إِنْتُو مَا تَسْأَلَوْنِي شَيّءْ. أَسْمَعَوْا نُقُولْ لَيْكُو الْحَقّ، أَيِّ شَيّءْ التَّسْأَلَوْه مِنْ أَبُويِ بِأُسْمِي، هُو يَنْطِيكُو.

مِيخا 5:7

وَ الْفَضَّلَوْا مِنْ ذُرِّيَّةْ يَعْقُوبْ يُكُونُوا فِي أُسُطْ شُعُوبْ كَتِيرِينْ. يَبْقَوْا مِثِلْ مَطَرَةْ الْجَايَةْ مِنْ اللّٰهْ وَ مِثِلْ كَرَنْج فِي الْقَشّ. مَا يَرْجَوْا شَيّءْ مِنْ نَادُمْ وَ لَا يُخُطُّوا عَشَمْهُمْ فِي إِنْسَانْ.

عَمُوس 4:7

«وَ فِي وَكْت الْعِينَةْ بَسْ، أَنَا مَنَعْت مِنْكُو الْمَطَرْ. وَ نَزَّلْت الْمَطَرَةْ فِي حِلَّةْ وَاحِدَةْ وَ فِي حِلَّةْ آخَرَةْ كَمَانْ، أَنَا مَا نَزَّلْتَهَا. وَ نَزَّلْت الْمَطَرَةْ فِي زَرَعْ وَاحِدْ وَ زَرَعْ آخَرْ يِبِسْ.

هُوشَع 10:12

أَزْرَعَوْا الْعَدَالَةْ وَ أَقْطَعَوْا الْمَحَبَّةْ وَ عَدُّلُوا لَيْكُو زَرَعْ جَدِيدْ. هَسَّعْ وَاجِبْ تِتَابُعُوا اللّٰهْ لَحَدِّي هُو يِجِيبْ فَوْقكُو الْعَدَالَةْ مِثِلْ الْمَطَرَةْ.

حِزْقِيال 34:26

وَ نَجْعَلْهُمْ بَرَكَةْ، هُمَّنْ وَ الْبَكَانَاتْ الْمُجَاوِرِينْ جَبَلِي. وَ نِنَزِّلْ الْمَطَرْ فِي وَكْتَهْ وَ دَا يَبْقَى مَطَرْ هَنَا بَرَكَةْ.

إرْمِيا 14:22

هَلْ مِنْ الْإِلٰـهَاتْ الزَّايْلِينْ هَنَا الْأُمَمْ دَوْل فِي وَاحِدْ الْيَقْدَرْ يِنَزِّلْ الْأَلْمِي وَلَّا؟ هَلْ السَّمَاءْ ذَاتْهَا تِنَزِّلْ الْمَطَرْ وَلَّا؟ لَا! إِلَّا بَيْك إِنْتَ اللّٰهْ إِلٰـهْنَا. وَ أَنِحْنَ نَرْجَوْك بِعَشَمْ أَشَانْ إِنْتَ بَسْ التِّسَوِّي كُلَّ شَيّءْ.»

إرْمِيا 10:13

وَ وَكِتْ يَامُرْ، الْأَلْمِي يِلِمّ بَكَانْ وَاحِدْ فِي السَّمَاءْ وَ السَّحَابْ يَطْلَعْ مِنْ آخِرْ الْأَرْض. وَ الْبَرَّاقَةْ تَشْلَعْ وَ الْمَطَرْ يَنْزِلْ وَ مَخَازِنْ الرِّيحْ يِنْفَتْحُوا.

إشَعْيا 5:6

الْجِنَيْنَةْ دِي، أَنَا نَخْرِبْهَا وَ لَا نِعَدِّلْهَا وَ لَا نِجَنْكِبْهَا وَ الشَّوْك وَ أَنْدِرَيْسَةْ يُقُمُّوا فَوْقهَا. وَ نَنْطِي أَمُرْ لِلسَّحَابْ مَا يِنَزِّلْ الْمَطَرَةْ فَوْقهَا.»

أمْثال 16:15

فَرَحْ الْمَلِكْ يِجِيبْ الْحَيَاةْ وَ رِضَايَهْ مِثِلْ سَحَابْ الرِّشَاشْ.

زَبُور 104:13

مِنْ السَّمَاءْ فَوْق، إِنْتَ تَزْقِي الْجِبَالْ وَ الْأَرْض تِنْمَلِي بِنَتِيجَةْ خِدِمْتَكْ.

إرْمِيا 51:16

وَ وَكِتْ يَامُرْ، الْأَلْمِي يِلِمّ بَكَانْ وَاحِدْ فِي السَّمَاءْ وَ السَّحَابْ يَطْلَعْ مِنْ آخِرْ الْأَرْض وَ الْبَرَّاقَةْ تَشْلَعْ وَ الْمَطَرْ يَنْزِلْ وَ مَخَازِنْ الرِّيحْ يِنْفَتْحُوا.

1 مُلوك 17:1

وَ فِيَّهْ رَاجِلْ وَاحِدْ أُسْمَهْ إِلِيَاسْ سَاكِنْ فِي حِلَّةْ تِشْبِي فِي تُرَابْ قِلْعَادْ. وَ هُو قَالْ لِلْمَلِكْ أَخَابْ: «نَحْلِفْ بِاللّٰهْ الْحَيّ، إِلٰـهْ بَنِي إِسْرَائِيلْ الْأَنَا قَاعِدْ نَعَبُدَهْ، فِي السِّنِينْ الْجَايِينْ مَا فِي كَرَنْج وَ لَا مَطَرَةْ إِلَّا كَنْ أَنَا شَحَدْتَهْ.»

1 كُرُنْتُس 3:6

إِنْتُو مِثِلْ جِنَيْنَةْ وَ أَنَا تَيْرَبْت فَوْقهَا كَلَامْ اللّٰهْ وَ أَبُلُوسْ زَقَاهَا لَاكِنْ اللّٰهْ بَسْ قَوَّمْ الْبِذْرَةْ.

هُوشَع 6:3

خَلِّي نِتَابُعُوا اللّٰهْ لِنَعَرْفُوهْ. جَيْتَهْ مُؤَكَّدَةْ مِثِلْ نُورْ الصَّبَاحْ وَ هُو يَجِينَا مِثِلْ مَطَرْ، مِثِلْ مَطَرْ الرِّشَاشْ الْيَزْقِي الْأَرْض.»

زَبُور 72:6

هُو يَنْزِلْ مِثِلْ مَطَرَةْ فِي قَشّ الْمَرْعَى وَ مِثِلْ أَلْمِي الْيُرُشّ الْأَرْض.

أيُّوب 29:23

هُمَّنْ يَرْجَوْنِي مِثِلْ يَرْجَوْا الْمَطَرْ وَ يَرْضَوْا بِكَلَامِي مِثِلْ أَلْمِي الرِّشَاشْ.

زَبُور 135:7

مِنْ طَرَفْ الْأَرْض، هُو يِقَوِّمْ السَّحَابْ وَ يِرَسِّلْ الْبَرَّاقَةْ لِلْمَطَرَةْ تُصُبّ وَ يَمْرُقْ الرِّيحْ مِنْ مَخَازِنَهْ.

إرْمِيا 5:24

وَ مَا قُلْتُوا فِي نُفُوسْكُو: ”خَلِّي نَخَافَوْا مِنْ اللّٰهْ إِلٰـهْنَا الْيَنْطِينَا الْخَرِيفْ فِي وَكْتَهْ. وَ يَنْطِينَا مَطَرْ الرِّشَاشْ وَ أَلْمِي الْخَرِيفْ وَ يَضْمَنْ لَيْنَا وَكْت الْقَطِعْ.“