تِيطُس 3:10 - الكتاب المقدس بالعربي الدارجي هنا تشاد

¹⁰ وَ أَيِّ نَادُمْ الْيِحَجِّي كَلَامْ شِقْ وَ يِفَرِّقْ بَيَّهْ الْأَخْوَانْ، حَذِّرَهْ مَرَّةْ وَاحِدَةْ وَ حَذِّرَهْ مَرَّةْ تَانِيَةْ وَ بَعَدْ دَا، أَقْطَعْ مَعَايَهْ الْعَلَاقَةْ.

تِيطُس 3:10 Referenca të Kryqëzuara

رَوْمَا 16:17

يَا أَخْوَانِي، نِوَصِّيكُو بِشَيّءْ وَاحِدْ. أَنْقَرْعُوا مِنْ النَّاسْ الْيِعَلُّمُوكُو بِتَعْلِيمْ شِقْ مِنْ التَّعْلِيمْ السِّمِعْتُوهْ أَوَّلْ. النَّاسْ دَوْل يِفَرُّقُوا الْمُؤمِنِينْ بِكَلَامْهُمْ وَ يِتَلُّفُوا إِيمَانْهُمْ. كِسُّوا مِنْهُمْ بَعِيدْ.

2 يُوحَنَّا 1:10

كَنْ نَادُمْ بُقُولْ هُو مَسِيحِي وَ يَجِي لَيْكُو وَ كَلَامَهْ مَا يِوَافِقْ لِلتَّعْلِيمْ دَا، مَا تِضَيُّفُوهْ وَ مَا تِسَلُّمُوهْ كُلَ.

2 تِمُوتَاوُس 3:5

وَ يِنْكَرْبُوا فِي الشُّغُلْ الْيِوَصِّفْ التَّقْوَى لَاكِنْ فِي قُلُوبْهُمْ يَابَوْا مَا يِتَابُعُوا التَّقْوَى. أَنْقَرِعْ مِنْ النَّاسْ الْمِثِلْ دَوْل.

2 تَسَلونِيكِي 3:14

أَوْرُوا كُلَّ الْأَخْوَانْ، أَيِّ نَادُمْ الْمَا يِتَابِعْ الْكَلَامْ الْقُلْنَاهْ فِي الْجَوَابْ دَا، أَقْطَعَوْا الْعَلَاقَةْ مَعَايَهْ أَشَانْ الْعَيْب يَكُرْبَهْ.

2 تَسَلونِيكِي 3:6

وَ بَتَّانْ يَا أَخْوَانِي، نِوَصُّوكُو بِأُسُمْ الرَّبّ عِيسَى الْمَسِيحْ. أَنْقَرْعُوا مِنْ الْمُؤمِنِينْ الدَّايْماً عَاطِلِينْ وَ مَا يِتَابُعُوا التَّعْلِيمْ الْعَلَّمْنَاهْ لَيْكُو.

غَلاطِية 5:20

وَ عِبَادَةْ الْأَصْنَامْ وَ السِّحِرْ وَ الْهُرَاجْ وَ الدُّوَاسْ وَ الْحُسُدْ وَ الْغَبِينَةْ وَ الْخِلَافْ وَ الْمُخَاصَمَاتْ وَ التَّفْرِقَةْ

غَلاطِية 5:12

وَ هَسَّعْ لِلنَّاسْ الْقَاعِدِينْ يِبَرْجُلُوكُو بِالطَّهُورَةْ دَوْل، خَلِّي يِخَصُّوا نُفُوسْهُمْ مَرَّةْ وَاحِدْ!

1 كُرُنْتُس 11:19

أَيْوَى، لَابُدَّ إِنْتُو مُنْقَسِمِينْ أَشَانْ كَنْ الْخِلَافْ أَمْبَيْنَاتْكُو مَا فِيهْ، كِكَّيْف النَّاسْ الْإِيمَانْهُمْ ثَابِتْ يِنْعَرْفُوا؟

2 كُرُنْتُس 13:2

وَ الشَّيّءْ الْأَنَا قُلْتَهْ وَكِتْ أَنَا قَاعِدْ مَعَاكُو الْمَرَّةْ التَّانِيَةْ، نُقُولَهْ لَيْكُو بَتَّانْ هَسَّعْ وَكِتْ أَنَا غَايِبْ مِنْكُو. أَنَا قُلْت لِلنَّاسْ الْأَذْنَبَوْا وَ لِكُلَّ الْآخَرِينْ كَنْ نَجِيكُو بَتَّانْ، مَا نِحَجِّي لَيْهُمْ بِنَفَسْ بَارِدْ.

2 بُطْرُس 2:1

لَاكِنْ زَمَانْ، فِي أَنْبِيَاء كَدَّابِينْ وَاحِدِينْ قَمَّوْا فِي أُسُطْ شَعَبْ بَنِي إِسْرَائِيلْ. وَ مِثِلْ دَا، فِي أُسُطْكُو إِنْتُو كُلَ، مُعَلِّمِينْ كَدَّابِينْ يُقُمُّوا. هُمَّنْ يِنْدَسَّوْا أَمْبَيْنَاتْكُو بِغَشّ وَ يِوَزُّعُوا تَعْلِيمْهُمْ الْيِوَدِّي النَّاسْ فِي الْهَلَاكْ لَحَدِّي يَنْكُرُوا سَيِّدْهُمْ الْفَدَاهُمْ كُلَ. وَ بِكَلَامْهُمْ دَا، يِجِيبُوا الْهَلَاكْ فِي نُفُوسْهُمْ بِسُرْعَةْ.