تِيطُس 3:1 - الكتاب المقدس بالعربي الدارجي هنا تشاد

¹ ذَكِّرْ الْأَخْوَانْ أَشَانْ يَسْمَعَوْا كَلَامْ الْحَكُومَةْ وَ الْكُبَارَاتْ وَ يِتَابُعُوا كَلَامْهُمْ. وَ خَلِّي يَبْقَوْا جَاهِزِينْ لِيِسَوُّوا الْخَيْر فِي كُلِّ حَالْ.

تِيطُس 3:1 Referenca të Kryqëzuara

جامِعة 10:4

وَكِتْ الْمَلِكْ يَزْعَلْ ضِدَّكْ، أَنْقَرِعْ، مَا تِخَلِّي بَكَانَكْ. أَقْعُدْ هَادِي وَ دَا يِنَجِّيكْ مِنْ ذُنُوبْ كَتِيرْ.

أمْثال 24:21

يَا وِلَيْدِي، أَخَافْ مِنْ اللّٰهْ وَ الْمَلِكْ وَ أَنْقَرِعْ، مَا تَمْشِي مَعَ الْمُعَارِضِينْ.

مَتَّى 22:21

وَ رَدَّوْا لَيَّهْ وَ قَالَوْا: «هَنَا سُلْطَانْ الرَّوْمَانِيِّينْ.» وَ قَالْ لَيْهُمْ: «خَلَاصْ. هَنَا السُّلْطَانْ، أَنْطُوهْ لِلسُّلْطَانْ وَ هَنَا اللّٰهْ، أَنْطُوهْ لِلّٰهْ.»

عِبْرَانِيِّين 13:21

وَ خَلِّي اللّٰهْ يِجَهِّزْكُو بِكُلَّ شَيّءْ الْعَدِيلْ أَشَانْ تِسَوُّوا الْهُو يِدَوْرَهْ. وَ خَلِّي هُو يِسَوِّي فَوْقكُو كُلَّ شَيّءْ الْهُو يَرْضَى بَيَّهْ بِوَاسِطَةْ عِيسَى الْمَسِيحْ. أَيْوَى، لِعِيسَى الْمَسِيحْ الْمَجْد دَايْماً وَ إِلَى الْأَبَدْ. آمِينْ.

2 تِمُوتَاوُس 2:21

وَ بِمِثِلْ دَا، كَنْ نَادُمْ يِصَفِّي نَفْسَهْ مِنْ كُلَّ الْوَسَاخَةْ، هُو يَبْقَى مِثِلْ مَاعُونْ هَنَا عَمَلْ نَضِيفْ وَ مَاعُونْ خَاصّ الْعِنْدَهْ فَايْدَةْ لِسِيدَهْ. هُو يَبْقَى جَاهِزْ أَشَانْ يِسَوِّي أَيِّ عَمَلْ هَنَا خَيْر.

2 تِمُوتَاوُس 1:6

أَشَانْ دَا، نِدَوْر نِذَكِّرَكْ بَتَّانْ. وَكِتْ أَنَا دَعَيْت وَ خَطَّيْت فَوْقَكْ إِيدَيْنِي، اللّٰهْ أَنْطَاكْ بَرَكَةْ وَ هِي مِثِلْ جَمُرْ. هَجِّجْهَا أَشَانْ تَبْقَى بَتَّانْ حَامِيَةْ مِثِلْ أَوَّلْ.

1 تِمُوتَاوُس 5:10

وَ كَنْ هِي مَعْرُوفَةْ بِالْعَمَلْ الصَّالِحْ. وَاجِبْ تَبْقَى مَرَةْ الرَّبَّتْ عِيَالْهَا عَدِيلْ وَ كَرِيمَةْ لِلضِّيفَانْ وَ سَلَّمَتْ نَفِسْهَا أَشَانْ تَخْدِمْ لِلنَّاسْ الصَّالِحِينْ وَ سَاعَدَتْ التَّعْبَانِينْ وَ مِثِلْ دَا هِي أَنْكَرَبَتْ فِي كُلَّ عَمَلْ الْخَيْر.

تِيطُس 2:14

هُو أَنْطَى نَفْسَهْ ضَحِيَّةْ لِيَفْدَانَا مِنْ كُلَّ الْفَسَالَةْ وَ يِطَهِّرْ قُلُوبْنَا أَشَانْ نَبْقَوْا لَيَّهْ شَعَبَهْ حَلَالَهْ مُنْكَرِبِينْ فِي عَمَلْ الْخَيْر.

1 تِمُوتَاوُس 4:6

كَنْ تِعَلِّمْ الْأَخْوَانْ الْوَصَايَا دَوْل، إِنْتَ تَبْقَى خَدَّامْ عَدِيلْ لِلْمَسِيحْ عِيسَى. وَ كَلَامْ الْإِيمَانْ وَ التَّعْلِيمْ الْعَدِيلْ التِّتَابِعَهْ، دَوْل يَبْقَوْا لَيْك مِثِلْ أَكِلْ الْيَنْطِيكْ قُدْرَةْ.

1 تِمُوتَاوُس 2:2

خَلِّي يَسْأَلَوْا اللّٰهْ فِي شَانْ الرُّؤَسَاءْ وَ كُلَّ الْكُبَارَاتْ أَشَانْ نِعِيشُوا فِي حَالَةْ هَادِيَةْ وَ بِالسَّلَامْ وَ بِتَقْوَى وَ إِحْتِرَامْ فِي كُلِّ شَيّءْ.

1 كُرُنْتُس 15:58

يَا أَخْوَانِي النِّحِبُّكُو، فَكُّرُوا فِي كُلَّ الْكَلَامْ دَا وَ أَقْعُدُوا ثَابْتِينْ وَ قَوِيِّينْ. أَنْكَرْبُوا دَايْماً فِي خِدْمَةْ رَبِّنَا أَشَانْ تَعَرْفُوا كَدَرْ الْخِدْمَةْ التَّخْدُمُوهَا لِرَبِّنَا أَبَداً مَا بَاطْلَةْ.

إرْمِيا 27:17

مَا تَسْمَعَوْهُمْ! أَخْدُمُوا لِمَلِكْ بَابِلْ وَ تِنَجُّوا حَيَاتْكُو. وَ مَالَا الْمَدِينَةْ دِي تِدَّمَّرْ وَ تَبْقَى كَوْم هَنَا تُرَابْ؟›

تَثْنِية 17:12

وَ لَاكِنْ النَّادُمْ الْيِسَوِّي أَيِّ شَيّءْ بِإِسْتِكْبَارْ وَ مَا يَسْمَعْ كَلَامْ رُجَالْ الدِّينْ الْقَاعِدِينْ يَخْدُمُوا لِلّٰهْ إِلٰـهْكُو وَ لَا يَسْمَعْ كَلَامْ الْقُضْيَاءْ، النَّادُمْ دَا وَاجِبْ يُمُوتْ. وَ بَيْدَا، تَمُرْقُوا الشَّرّ مِنْ أُسُطْ بَنِي إِسْرَائِيلْ.

2 بُطْرُس 1:12

أَكِيدْ تَعَرْفُوا الْكَلَامْ دَا وَ قَاعِدِينْ ثَابْتِينْ فِي الْحَقّ الْبَلَّغَوْه لَيْكُو. وَ لَاكِنْ نِدَوْر دَايْماً نِذَكِّرْكُو بَيَّهْ.

تِيطُس 3:8

وَ الْكَلَامْ دَا حَقّ. وَ نِدَوْر كَدَرْ إِنْتَ تِفَسِّرْ لَيْهُمْ كُلَّ الْكَلَامْ دَا أَشَانْ النَّاسْ الْآمَنَوْا بِاللّٰهْ يِنْكَرْبُوا بِنِيَّةْ وَاحِدَةْ فِي عَمَلْ الْخَيْر. كُلَّ الْكَلَامْ دَا سَمَحْ بِلْحَيْن وَ عِنْدَهْ فَايْدَةْ لِكُلَّ النَّاسْ.

كُلُوسِي 1:10

وَ مِثِلْ دَا، تَعَرْفُوا كِكَّيْف تِعِيشُوا بِحَالْ الْوَاجْبَةْ لِنَاسْ الرَّبّ وَ تِسَوُّوا دَايْماً الشَّيّءْ الْهُو يَرْضَى بَيَّهْ وَ تِسَوُّوا كُلَّ عَمَلْ الْخَيْر وَ تَعَرْفُوا اللّٰهْ بِزِيَادَةْ.

فِلِبِّي 1:11

وَ تَبْقَوْا صَالِحِينْ وَ مَلَانِينْ بِالْخَيْر الْجَايِ مِنْ عِيسَى الْمَسِيحْ. وَ خَلَاصْ، الْمَجْد وَ الشُّكُرْ لِلّٰهْ.

أفَسُس 2:10

وَ خَلَاصْ أَنِحْنَ بِقِينَا خَلِيقَةْ اللّٰهْ. هُو سَوَّانَا خَلِيقَةْ جَدِيدَةْ فِي الْمَسِيحْ عِيسَى أَشَانْ نِسَوُّوا عَمَلْ الْخَيْر الْمِنْ أَوَّلْ هُو جَهَّزَهْ لَيْنَا أَشَانْ نِسَوُّوهْ.

إشَعْيا 43:26

ذَكِّرْنِي وَ تَعَالْ نَقْعُدُوا سَوَا فِي الْمَحْكَمَةْ وَ أَنْقُضْ وَ بَرِّي نَفْسَكْ!

يَهُوذَا 1:5

وَ نِدَوْر نِذَكِّرْكُو بِالْكَلَامْ الْإِنْتُو ذَاتْكُو تَعَرْفُوهْ تَمَامْ. اللّٰهْ نَجَّى شَعَبَهْ وَ مَرَقَاهُمْ مِنْ بَلَدْ مَصِرْ وَ بَعَدَيْن هُو دَمَّرْ مِنْهُمْ النَّاسْ الْمَا آمَنَوْا بَيَّهْ.

تِيطُس 3:14

وَ خَلِّي كُلَّ أَخْوَانَّا يَعَرْفُوا كِكَّيْف يِنْكَرْبُوا فِي عَمَلْ الْخَيْر أَشَانْ يِسَاعُدُوا النَّاسْ الْحَوْجَانِينْ بِالصَّحِيحْ. وَ مِثِلْ دَا أَخْوَانَّا مَا يَبْقَوْا نَاسْ الْحَيَاتْهُمْ مَا عِنْدَهَا فَايْدَةْ.

2 تِمُوتَاوُس 2:14

ذَكِّرْهُمْ لِلْأَخْوَانْ بِالْكَلَامْ دَا وَ حَذِّرْهُمْ قِدَّامْ اللّٰهْ أَشَانْ مَا يِلْغَالَطَوْا فِي تَفْسِيرْ الْكَلِمَاتْ. كَلَامْ مِثِلْ دَا مَا عِنْدَهْ فَايْدَةْ وَ يِسَبِّبْ الْهَلَاكْ لِلنَّاسْ الْيَسْمَعَوْه.

تِيطُس 1:16

يُقُولُوا يَعَرْفُوا اللّٰهْ لَاكِنْ بِعَمَلْهُمْ يَكْفُرُوا بَيَّهْ. نَاسْ مِثِلْ دَوْل مَكْرُوهِينْ وَ عَاصِيِينْ وَ مَا يَنْفَعَوْا لِأَيِّ عَمَلْ هَنَا خَيْر.