تِيطُس 2:8 - الكتاب المقدس بالعربي الدارجي هنا تشاد

⁸ وَ خَلِّي كَلَامَكْ يَبْقَى سَالِمْ بِلْحَيْن حَتَّى نَادُمْ مَا يَلْقَى فَوْقَهْ سَبَبْ لِيَهَرْجَكْ. وَ بِمِثِلْ دَا، أَيِّ نَادُمْ الْيِدَوْر يِخَالِفَكْ، يَخْجَلْ وَ مَا يَقْدَرْ يُقُولْ فَوْقنَا شَيّءْ فَسِلْ.

تِيطُس 2:8 Referenca të Kryqëzuara

1 بُطْرُس 2:12

خَلِّي حَالْكُو فِي أُسْط النَّاسْ الْمَا مُؤمِنِينْ تَبْقَى عَدِيلَةْ. وَ بِمِثِلْ دَا، كَنْ يَكْدُبُوا فِيكُو وَ يُقُولُوا إِنْتُو نَاسْ فَسْلِينْ كُلَ، يِشِيفُوا عَمَلْكُو السَّمَحْ وَ فِي الأَخِيرْ، يِمَجُّدُوا اللّٰهْ فِي يَوْم الْفَرَجْ.

1 بُطْرُس 2:15

وَ دَا الْيِدَوْرَهْ اللّٰهْ لَيْكُو. بِالْخَيْر التِّسَوُّوهْ، تِوَقُّفُوا الْكَلَامْ الْبَاطِلْ الْيُقُولُوهْ فَوْقكُو النَّاسْ الْجُهَّالْ.

1 بُطْرُس 3:16

لَاكِنْ حَجُّوا لَيَّهْ بِنَفَسْ بَارِدْ وَ إِحْتِرَامْ. سَوُّوا كُلَّ شَيّءْ بِنِيَّةْ مُخْلِصَةْ. وَ بَيْدَا، الْعَيْب يِسَوِّيهُمْ لِلنَّاسْ الْيَتْهَمَوْكُو وَ يِعَيُّرُوكُو فِي شَانْ الْخَيْر التِّسَوُّوهْ فِي دَرِبْ الْمَسِيحْ.

1 تِمُوتَاوُس 6:3

أَيِّ نَادُمْ الْيُقُمّ يِعَلِّمْ كَلَامْ شِقْ مِنْ دَا وَ مَا يِدَوْر الْكَلَامْ الْعَدِيلْ الْجَايِ مِنْ رَبِّنَا عِيسَى الْمَسِيحْ وَ يَابَى التَّعْلِيمْ الْيِوَدِّي النَّاسْ فِي التَّقْوَى،

2 تَسَلونِيكِي 3:14

أَوْرُوا كُلَّ الْأَخْوَانْ، أَيِّ نَادُمْ الْمَا يِتَابِعْ الْكَلَامْ الْقُلْنَاهْ فِي الْجَوَابْ دَا، أَقْطَعَوْا الْعَلَاقَةْ مَعَايَهْ أَشَانْ الْعَيْب يَكُرْبَهْ.

نَحَمْيا 5:9

وَ أَنَا بَتَّانْ قُلْت لَيْهُمْ: «السَّوَّيْتُوهْ دَا مَا عَدِيلْ مَرَّةْ وَاحِدْ. مَا أَخَيْر تُرُوغُوا بِخَوْف هَنَا إِلٰـهْنَا فِي قُلُوبْكُو وَلَّا؟ بَيْدَا، عُدْوَانَّا الْمِنْ أُمَمْ آخَرِينْ مَا يِشَّمَّتَوْا لَيْنَا.

إشَعْيا 66:5

أَسْمَعَوْا كَلَامْ اللّٰهْ، إِنْتُو التَّرْجُفُوا مِنْ كَلَامَهْ: «أَخْوَانْكُو يَكْرَهَوْكُو وَ يِبَعُّدُوكُو فِي شَانْ أُسْمِي أَنَا اللّٰهْ. وَ يِشَّمَّتَوْا فَوْقكُو وَ يُقُولُوا: ‹خَلِّي اللّٰهْ يِوَصِّفْ مَجْدَهْ وَ نِشِيفُوا فَرَحْكُو!› وَ لَاكِنْ هُمَّنْ بَسْ يَلْقَوْا الْعَيْب.»

1 تِمُوتَاوُس 5:14

أَشَانْ دَا، نِدَوْر أَيِّ مَرَةْ صَبِيَّةْ الرَّاجِلْهَا مَاتْ تَاخُدْ وَ تَلْدَ عِيَالْ وَ تِرَيِّسْ نَاسْ بَيْتهَا وَ خَلَاصْ مَا تَنْطِي فُرْصَةْ لِنَاسْ هَنَا إِبْلِيسْ أَشَانْ يُقُولُوا فَوْقنَا كَلَامْ شَيْن.

لُوقا 13:17

وَ بِكَلَامَهْ دَا، الْعَيْب دَخَلْ لِكُلَّ النَّاسْ الدَّوَّرَوْا يَدْحَرَوْه. وَ كُلَّ النَّاسْ فِرْحَوْا بِكُلَّ الْعَمَلْ الْمَجِيدْ الْعِيسَى قَاعِدْ يِسَوِّيهْ.

مَرْخُوس 12:34

وَ عِيسَى قَصَّدْ بِكَلَامْ الْعَالِمْ أَشَانْ هُو رَدَّ بِفِكِرْ عَدِيلْ. وَ عِيسَى قَالْ لَيَّهْ: «إِنْتَ مَا بَعِيدْ مِنْ مَمْلَكَةْ اللّٰهْ.» وَ بَعَدْ دَا، نَادُمْ وَاحِدْ كُلَ مَا دَوَّرْ يَسْأَلَهْ أَيِّ سُؤَالْ.

مَرْخُوس 12:32

وَ الْعَالِمْ قَالْ: «كَلَامَكْ سَمَحْ، سَيِّدْنَا. كَلَامَكْ حَقّ، أَشَانْ اللّٰهْ وَاحِدْ وَ لَا إِلٰـهْ إِلَّا هُو.

مَرْخُوس 12:28

وَ نَادُمْ وَاحِدْ مِنْ الْعُلَمَاءْ قَاعِدْ هِنَاكْ وَ هُو سِمِعْ الْمُنَاقَشَةْ دِي. وَ هُو شَافْ كَدَرْ عِيسَى رَدَّ لِلصَّدُّوقِيِّينْ بِرَدّ عَدِيلْ. وَ أَشَانْ دَا، هُو سَأَلَهْ وَ قَالْ: «يَا سَيِّدْنَا، مِنْ كُلَّ وَصَايَا اللّٰهْ، وَيْنِي الْوَصِيَّةْ الْمُهِمَّةْ؟»

مَرْخُوس 12:17

وَ عِيسَى قَالْ لَيْهُمْ: «خَلَاصْ. هَنَا السُّلْطَانْ، أَنْطُوهْ لِلسُّلْطَانْ وَ هَنَا اللّٰهْ، أَنْطُوهْ لِلّٰهْ!» وَ أَلْعَجَّبَوْا مِنَّهْ مَرَّةْ وَاحِدْ.

تِيطُس 3:14

وَ خَلِّي كُلَّ أَخْوَانَّا يَعَرْفُوا كِكَّيْف يِنْكَرْبُوا فِي عَمَلْ الْخَيْر أَشَانْ يِسَاعُدُوا النَّاسْ الْحَوْجَانِينْ بِالصَّحِيحْ. وَ مِثِلْ دَا أَخْوَانَّا مَا يَبْقَوْا نَاسْ الْحَيَاتْهُمْ مَا عِنْدَهَا فَايْدَةْ.