تِيطُس 1:9 - الكتاب المقدس بالعربي الدارجي هنا تشاد

⁹ هُو وَاجِبْ يَكْرُبْ قَوِي الْكَلَامْ الصَّحِيحْ الْعَلَّمْنَاهْ لَيَّهْ أَشَانْ يِشَجِّعْ أَخْوَانَهْ بِتَعْلِيمْ عَدِيلْ وَ يُرُدّ لِلنَّاسْ الْيِخَالُفُوهْ.

تِيطُس 1:9 Referenca të Kryqëzuara

2 تَسَلونِيكِي 2:15

وَ بِمِثِلْ دَا، يَا أَخْوَانِي، أَقْعُدُوا ثَابْتِينْ وَ أَكُرْبُوا قَوِي التَّعْلِيمْ الْعَلَّمْنَاهْ لَيْكُو، كَنْ مِنْ الْكَلَامْ الْقُلْنَاهْ لَيْكُو بِخُشُومْنَا وَلَّا مِنْ الْكَلَامْ الْكَتَبْنَاهْ لَيْكُو فِي جَوَابَاتْنَا.

2 تِمُوتَاوُس 1:13

أَكْرُبْ قَوِي التَّعْلِيمْ الْعَدِيلْ السِّمِعْتَهْ مِنِّي وَ تَابِعَهْ تَمَامْ. وَ أنْكَرِبْ فِي الْإِيمَانْ وَ الْمَحَبَّةْ مِثِلْ الْوَاجِبْ فِي دَرِبْ الْمَسِيحْ عِيسَى.

1 تِمُوتَاوُس 6:3

أَيِّ نَادُمْ الْيُقُمّ يِعَلِّمْ كَلَامْ شِقْ مِنْ دَا وَ مَا يِدَوْر الْكَلَامْ الْعَدِيلْ الْجَايِ مِنْ رَبِّنَا عِيسَى الْمَسِيحْ وَ يَابَى التَّعْلِيمْ الْيِوَدِّي النَّاسْ فِي التَّقْوَى،

1 تِمُوتَاوُس 1:10

وَ شُرُوطْ التَّوْرَاةْ، اللّٰهْ أَنْطَاهُمْ لِلزَّنَّايِينْ وَ الشَّمَارِيخْ وَ تُجَّارْ الْعَبِيدْ وَ الْكَدَّابِينْ وَ الْيَحَلْفُوا بِالْبَاطِلْ وَ لِكُلَّ النَّاسْ الْيِسَوُّوا أَيِّ شَيّءْ آخَرْ الْيِخَالِفْ التَّعْلِيمْ الْعَدِيلْ.

رُؤية 3:3

وَ أَشَانْ دَا، فَكِّرْ فِي الْكَلَامْ الْأَوَّلْ سِمِعْتَهْ وَ عَلَّمَوْك لَيَّهْ. وَ تَابِعْ الْكَلَامْ دَا وَ تُوبْ مِنْ ذُنُوبَكْ. وَ كَنْ إِنْتَ أَبَيْت مَا قَمَّيْت فَوْق، أَنَا نَجِيكْ بِغَفْلَةْ مِثِلْ جَيَّةْ السَّرَّاقْ وَ نَضُرْبَكْ فِي السَّاعَةْ الْإِنْتَ مَا تَعَرِفْهَا.

1 تِمُوتَاوُس 1:15

نُقُولُوا الْمَسِيحْ عِيسَى جَاءْ فِي الدُّنْيَا أَشَانْ يِنَجِّي الْمُذْنِبِينْ وَ الْكَلَامْ دَا حَقّ وَ وَاجِبْ لِكُلَّ النَّاسْ يِصَدُّقُوا بَيَّهْ. وَ أَنَا أَذْنَبْت فَوْقَهْ زِيَادَةْ مِنْ كُلَّ النَّاسْ.

تِيطُس 2:1

لَاكِنْ إِنْتَ، عَلِّمْ الْأَخْوَانْ الْحَالْ الْمُوَافْقَةْ مَعَ التَّعْلِيمْ الْعَدِيلْ.

تِيطُس 1:11

وَاجِبْ نِوَقُّفُوهُمْ أَشَانْ تَلَّفَوْا إِيمَانْ هَنَا كُلَّ النَّاسْ فِي بُيُوتْ وَاحِدِينْ بِتَعْلِيمْهُمْ. قَاعِدِينْ يِعَلُّمُوا كَلَامْ مَا عَدِيلْ أَشَانْ يَرْبَحَوْا قُرُسْ بِكِدِبْهُمْ.

2 تِمُوتَاوُس 4:3

فِي الْوَكِتْ الْجَايِ، النَّاسْ يَابَوْا مَا يَحْمَلَوْا التَّعْلِيمْ الْعَدِيلْ. يِتَابُعُوا الْكَلَامْ الْحَلُو لَيْهُمْ وَ يِشِيلُوا مُعَلِّمِينْ كَتِيرِينْ الْيُقُولُوا الْكَلَامْ الْيَعَجِبْ النَّاسْ بَسْ.

1 تَسَلونِيكِي 5:21

جَرُّبُوا كُلَّ شَيّءْ. الشَّيّءْ الْعَدِيلْ، أَكُرْبُوهْ قَوِي.

أمْثال 23:23

فَتِّشْ الصَّحِيحْ وَ الْحِكْمَةْ وَ الْأَدَبْ وَ الْفِهِمْ. وَكِتْ تَلْقَاهُمْ، أَكْرُبْهُمْ قَوِي.

أيُّوب 2:3

وَ اللّٰهْ سَأَلَهْ لِإِبْلِيسْ وَ قَالْ لَيَّهْ: «إِنْتَ مَا شِفْت عَبْدِي أَيُّوبْ وَلَّا؟ مَا فِي نَادُمْ مِثْلَهْ فِي الْأَرْض. هُو نَادُمْ كَامِلْ وَ عَدِيلْ وَ خَايِفْ مِنِّي أَنَا الرَّبّ وَ مُبَعِّدْ مِنْ الْفَسَالَةْ. وَ بَتَّانْ مُنْكَرِبْ قَوِي فِي كَمَالَهْ حَتَّى كَانْ إِنْتَ لَزَّيْتنِي ضِدَّهْ لِنِدَمِّرَهْ بَلَا سَبَبْ كُلَ.»

رُؤية 3:11

أَنَا نَجِي قَرِيبْ. أَكْرُبْ قَوِي الْإِيمَانْ الْعِنْدَكْ أَشَانْ نَادُمْ مَا يِشِيلْ مِنَّكْ تَاجَكْ هَنَا النَّجَاةْ.

رُؤية 2:25

إِلَّا نُقُولْ أَقْعُدُوا ثَابْتِينْ فِي الْكَلَامْ الْعِنْدُكُو لَحَدِّي نَجِي.

يَهُوذَا 1:3

يَا أَخْوَانِي النِّحِبُّكُو، مِنْ أَوَّلْ أَتْمَنَّيْت نَكْتِبْ لَيْكُو فِي النَّجَاةْ الْكُلِّنَا نِشَارُكُوا فَوْقهَا. وَ هَسَّعْ أَنْجَبَرْت نَكْتِبْ لَيْكُو بِسُرْعَةْ وَ نِشَجِّعْكُو أَشَانْ تِجَاهُدُوا لِتَحْفَضَوْا الْإِيمَانْ الْاللّٰهْ كَلَّفْ بَيَّهْ الصَّالِحِينْ مَرَّةْ وَاحِدَةْ وَ نِهَائِيَّةْ.

2 تِمُوتَاوُس 2:25

بِنَفَسْ بَارِدْ، هُو يِوَصِّفْ الْحَقّ لِلنَّاسْ الْيِخَالُفُوهْ وَ هُو يِدَوْر كَدَرْ اللّٰهْ يَهْدِيهُمْ لِلتَّوْبَةْ وَ يَعَرْفُوا الْحَقّ.

2 تِمُوتَاوُس 2:2

وَ الْكَلَامْ الْإِنْتَ سِمِعْتَهْ مِنْ خَشْمِي قِدَّامْ شُهُودْ كَتِيرِينْ، كَلِّفْ بَيَّهْ نَاسْ أَمِينِينْ الْيَقْدَرَوْا يِعَلُّمُوا بَيَّهْ نَاسْ آخَرِينْ بَتَّانْ.

1 تِمُوتَاوُس 4:9

الْكَلَامْ دَا حَقّ وَ وَاجِبْ كُلَّ النَّاسْ يِصَدُّقُوا بَيَّهْ.

1 تِمُوتَاوُس 1:19

أَكْرُبْ الْإِيمَانْ قَوِي وَ سَوِّي كُلِّ شَيّءْ بِنِيَّةْ مُخْلِصَةْ. نَاسْ وَاحِدِينْ خَلَّوْا مِنْهُمْ النِّيَّةْ الْمُخْلِصَةْ وَ تَلَّفَوْا إِيمَانْهُمْ مَرَّةْ وَاحِدْ.

أعمال الرُسُل 18:28

وَ أَبُلُوسْ قَاعِدْ يِخَالِفْ الْيَهُودْ قِدَّامْ نَاسْ الْحِلَّةْ بِكَلَامْ قَوِي. وَ فَسَّرْ لَيْهُمْ مِنْ الْكِتَابْ وَ أَكَّدْ كَدَرْ عِيسَى بَسْ الْمَسِيحْ.

أيُّوب 27:6

أَنَا مُنْكَرِبْ فِي عَدَالْتِي، مَا نِخَلِّيهَا! وَ قَلْبِي مَا عِنْدَهْ شَكّ فِي كُلَّ أَيَّامْ حَيَاتِي!

1 كُرُنْتُس 14:24

لَاكِنْ كَنْ كُلُّكُو قَاعِدِينْ تِتْنَبَّأَوْا وَ نَادُمْ مَا مُؤمِنْ أَوْ ضَيْف يِنْدَسَّ فِي الْبَكَانْ دَا، كَلَامْكُو يِنْدَسَّ فَوْقَهْ وَ هُو يِلْمَسْكَن قِدَّامْ اللّٰهْ.

2 تِمُوتَاوُس 3:14

لَاكِنْ إِنْتَ، أَقْعُدْ ثَابِتْ فِي كُلِّ شَيّءْ الْعَلَّمْتَهْ وَ آمَنْت بَيَّهْ بِإِيمَانْ قَوِي. تَعَرِفْ كَدَرْ النَّاسْ الْعَلَّمَوْك لَيَّهْ أَمِينِينْ.