تِيطُس 1:7 - الكتاب المقدس بالعربي الدارجي هنا تشاد

⁷ مَسْؤُولْ الْمُؤمِنِينْ، هُو وَكِيلْ اللّٰهْ وَ أَشَانْ دَا، وَاجِبْ يَبْقَى نَادُمْ مَا عِنْدَهْ عَيْب. مَا وَاجِبْ يَبْقَى نَادُمْ مُسْتَكْبِرْ وَ لَا نَادُمْ الْيَزْعَلْ عَجَلَةْ وَ لَا سَكَّارِي وَ لَا سِيدْ الْمَشَاكِلْ وَ لَا نَادُمْ الْيِرِيدْ رِبَا الْحَرَامْ.

تِيطُس 1:7 Referenca të Kryqëzuara

2 بُطْرُس 2:10

وَ مِثِلْ دَا، أَكِيدْ يِعَاقِبْ النَّاسْ الْيِتَابُعُوا شَهْوَاتْهُمْ الْخَبِيثَةْ التِّنَجِّسْهُمْ وَ يَحْقُرُوا سُلْطَةْ الرَّبّ. هُمَّنْ مُسْتَكْبِرِينْ وَ مُتَمَرِّدِينْ وَ هَيِّنْ لَيْهُمْ يُقُولُوا كَلَامْ فَسِلْ فِي سُكَّانْ الْمَجْد.

أفَسُس 5:18

مَا تَسْكَرَوْا بِالْخَمَرْ أَشَانْ الْخَمَرْ يِسَبِّبْ إِلَّا الْفَسَادْ. لَاكِنْ خَلِّي اللّٰهْ يَمْلَاكُو بِالرُّوحْ الْقُدُّوسْ.

1 بُطْرُس 5:2

أَسْرَحَوْا بِالْمُؤمِنِينْ الْمِثِلْ غَنَمْ أَشَانْ اللّٰهْ كَلَّفَاكُو بَيْهُمْ مِثِلْ رُعْيَانْ. وَ شِيلُوا الْمَسْؤُولِيَّةْ فَوْقهُمْ مَا مِثِلْ جَبَرَوْكُو لَاكِنْ بِنِيِّتْكُو قِدَّامْ اللّٰهْ وَ مَا أَشَانْ تِدَوْرُوا مِنْهُمْ رِبَا الْمَا وَاجِبْ لَاكِنْ شِيلُوا الْمَسْؤُولِيَّةْ دِي بِفَرَحْ.

1 بُطْرُس 4:10

اللّٰهْ أَنْطَى أَيِّ نَادُمْ مِنْكُو قُدْرَةْ أَشَانْ يَخْدِمْ بَيْهَا لِأَخْوَانَهْ. وَ خَلِّي أَيِّ نَادُمْ يِشِيلْ مَسْؤُولِيّتَهْ فِي بَرَكَةْ اللّٰهْ الْقَاعِدَةْ تِسَوِّي أَمْبَيْنَاتْكُو خِدْمَةْ شِقْ شِقْ.

لُوقا 12:42

وَ الرَّبّ عِيسَى قَالْ: «يَاتُو مِنْكُو الْيَبْقَى مِثِلْ الْوَكِيلْ الْأَمِينْ وَ الْفَاهِمْ؟ سِيدَهْ يِكَلِّفَهْ فِي كُلَّ عَبِيدَهْ أَشَانْ يَنْطِيهُمْ الْأَكِلْ فِي وَكْتَهْ.

حِزْقِيال 44:21

وَ أَيِّ رَاجِلْ دِينْ مَا وَاجِبْ يَشْرَبْ خَمَرْ وَكِتْ يَدْخُلْ فِي الْفَضَايْ الدَّخْلَانِيَّةْ.

إشَعْيا 28:7

وَ لَاكِنْ النَّاسْ دَوْل، هُمَّنْ كُلَ يِتَّرْتَعَوْا بِسَبَبْ الْخَمَرْ وَ يِوَدُّرُوا بِسَبَبْ الْمَرِيسَةْ. وَ رُجَالْ الدِّينْ وَ الْأَنْبِيَاء يِتَّرْتَعَوْا بِسَبَبْ الْمَرِيسَةْ وَ يِبَرْجُلُوا بِسَبَبْ الْخَمَرْ. وَ يِوَدُّرُوا بِسَبَبْ الْمَرِيسَةْ وَ يِخَلْبُطُوا الرُّؤْيَةْ وَ يِتَّرْتَعَوْا فِي الشَّرِيعَةْ.

أمْثال 14:17

الزَّعَّالْ، هُو مَطْمُوسْ وَ الْيَنْوِي الْفَسَالَةْ، مَكْرُوهْ.

أمْثال 15:18

الزَّعَّالْ يِقَوِّمْ الْهُرَاجْ وَ لَاكِنْ الصَّبُورْ يِهَدِّي الْمُشْكِلَةْ.

تِيطُس 2:3

وَ وَصِّي الْعَجَايِزْ كُلَ أَشَانْ حَالْهِنْ تَبْقَى تَقِيَّةْ وَ مَا يَبْقَنْ قَوَّالَاتْ وَ لَا سَكَّارِيَّاتْ. خَلِّي يِعَلِّمَنْ أَخْوَاتْهِنْ كِكَّيْف يِسَوَّنْ الْخَيْر.

تِيطُس 1:5

أَنَا خَلَّيْتَكْ فِي جَزِيرَةْ كِرِيتْ أَشَانْ تِعَدِّلْ كُلِّ شَيّءْ اللِّسَّاعْ مَا عِنْدَهْ نِظَامْ عَدِيلْ. وَاجِبْ تَعَزِلْ مِنْ الْمُؤمِنِينْ نَاسْ فِي أَيِّ حِلَّةْ أَشَانْ يَبْقَوْا لَيْهُمْ شُيُوخْ مِثِلْ أَنَا أَوَّلْ وَصَّيْتَكْ بَيَّهْ.

فِلِبِّي 1:1

جَوَابْ مِنِّي أَنَا بُولُسْ وَ تِمُوتَاوُسْ عَبِيدْ عِيسَى الْمَسِيحْ، لَيْكُو إِنْتُو كُلُّكُو الْبِقِيتُوا صَالِحِينْ بِعِيسَى الْمَسِيحْ الْفِي حِلَّةْ فِلِبِّي مَعَ مَسَائِيلْكُو وَ مُعَاوِنِينْهُمْ.

مَتَّى 24:45

«يَاتُو مِنْكُو يَبْقَى عَبِدْ أَمِينْ وَ فَاهِمْ؟ السِّيدَهْ يِكَلِّفَهْ فِي كُلَّ عَبِيدَهْ أَشَانْ يَنْطِيهُمْ أَكِلْ فِي الْوَكِتْ الْوَاجِبْ.

جامِعة 7:9

مَا تِسَّعْجَلْ لِتَزْعَلْ أَشَانْ الزَّعَلْ قَاعِدْ فِي قُلُوبْ الْمَطَامِيسْ.

أمْثال 16:32

الْمَا يَزْعَلْ عَجَلَةْ أَخَيْر مِنْ الْفَارِسْ وَ الْيَمْلُكْ نَفْسَهْ أَخَيْر مِنْ الْيَقْلَعْ الْمَدِينَةْ.

لاوِيِّين 10:9

وَ وَكِتْ تَدْخُلُوا فِي خَيْمَةْ الْإِجْتِمَاعْ، إِنْتَ وَ أَوْلَادَكْ، مَا تَشَرْبَوْا خَمَرْ وَ لَا مَرِيسَةْ أَشَانْ مَا تُمُوتُوا. وَ دَا يَبْقَى لَيْكُو شَرْط دَايِمْ مِنْ ذُرِّيَّةْ لِذُرِّيَّةْ.

تكوين 49:6

لَاكِنْ أَنَا مَا نِشْتَرِكْ مَعَاهُمْ وَ قَلْبِي مَا يَرْضَى بِفِعِلْهُمْ دَا. أَشَانْ فِي زَعَلْهُمْ، هُمَّنْ كَتَلَوْا رُجَالْ وَ فِي غَبِينِتْهُمْ، عَوَّقَوْا تِيرَانْ.