تِيطُس 1:6 - الكتاب المقدس بالعربي الدارجي هنا تشاد

⁶ كُلِّ شَيْخ وَاجِبْ يَبْقَى نَادُمْ مَا عِنْدَهْ عَيْب. خَلِّي يَبْقَى رَاجِلْ مَرْتَهْ وَاحِدَةْ بَسْ وَ عِيَالَهْ مُؤمِنِينْ وَ مَا فِي نَادُمْ وَاحِدْ يُقُولْ فَوْقهُمْ كَدَرْ هُمَّنْ فَاسْدِينْ وَلَّا عَاصِيِينْ.

تِيطُس 1:6 Referenca të Kryqëzuara

1 تِمُوتَاوُس 3:12

وَ خَلِّي أَيِّ مُعَاوِنْ يَبْقَى رَاجِلْ مَرْتَهْ وَاحِدَةْ بَسْ وَ يِرَبِّي عِيَالَهْ عَدِيلْ وَ يِشِيلْ مَسْؤُولِيَّةْ بَيْتَهْ.

تِيطُس 1:10

أَشَانْ فِي نَاسْ كَتِيرِينْ عَاصِيِينْ وَ غَشَّاشِينْ وَ يِحَجُّوا كَلَامْ سَاكِتْ وَ كَتِيرِينْ مِنْهُمْ يَهُودْ.

أفَسُس 5:18

مَا تَسْكَرَوْا بِالْخَمَرْ أَشَانْ الْخَمَرْ يِسَبِّبْ إِلَّا الْفَسَادْ. لَاكِنْ خَلِّي اللّٰهْ يَمْلَاكُو بِالرُّوحْ الْقُدُّوسْ.

حِزْقِيال 44:22

وَ مَا يَاخُدُوا مَرَةْ أَرْمَلَةْ وَ لَا مُطَلَّقَةْ. يَاخُدُوا إِلَّا بَنَاتْ عُدْرِيَّاتْ مِنْ قَبِيلَةْ بَنِي إِسْرَائِيلْ أَوْ مَرَةْ أَرْمَلَةْ الرَّاجِلْهَا رَاجِلْ دِينْ.

لاوِيِّين 21:7

وَ مَا يَاخُدُوا مَرَةْ شَرْمُوطَةْ أَوْ عَايْبَةْ أَوْ مُطَلَّقَةْ أَشَانْ رَاجِلْ الدِّينْ هُو خَاصّ لِإِلٰـهَهْ.

1 تَسَلونِيكِي 5:14

يَا أَخْوَانِي، أَسْمَعَوْا وَصَايَانَا. حَذُّرُوا الْعَاطِلِينْ وَ ثَبُّتُوا الْخَوَّافِينْ وَ سَاعُدُوا الضَّعِيفِينْ. وَ أَصْبُرُوا لِكُلَّ النَّاسْ.

لُوقا 1:5

فِي وَكِتْ الْمَلِكْ هِرُودُسْ قَاعِدْ يَحْكِمْ فِي دَارْ الْيَهُودِيَّةْ، فِيَّهْ نَادُمْ وَاحِدْ أُسْمَهْ زَكَرِيَّا وَ هُو مِنْ رُجَالْ الدِّينْ، مِنْ مَجْمُوعَةْ الْأُسُمْهَا أَبِيَّا. وَ مَرْتَهْ كُلَ مِنْ ذُرِّيَّةْ هَارُونْ وَ أُسُمْهَا أَلِصَابَاتْ.

أمْثال 28:7

الْوِلَيْد الْفَاهِمْ يِتَابِعْ تَعْلِيمْ أَبُوهْ وَ لَاكِنْ الْيِرَافِقْ الْمُخَالِفِينْ يِعَيِّبَهْ.

1 صَمُوِيل 2:22

وَ عَالِي بِقِي شَايِبْ كَبِيرْ وَ قَاعِدْ يَسْمَعْ بِالشَّيّءْ الْفَسِلْ الْأَوْلَادَهْ قَاعِدِينْ يِسَوُّوهْ فِي جَمِيعْ بَنِي إِسْرَائِيلْ. وَ هُو سِمِعْ كَدَرْ هُمَّنْ يَرُقْدُوا مَعَ الْعَوِينْ الْيَخْدُمُوا فِي مَدَخَلْ خَيْمَةْ الْإِجْتِمَاعْ.

1 صَمُوِيل 2:11

وَ بَعَدْ دَا، أَلِقَانَى وَ عَايِلْتَهْ قَبَّلَوْا بَيْتهُمْ فِي حِلَّةْ الرَّامَةْ. وَ الْوِلَيْد صَمُوِيلْ قَاعِدْ يَخْدِمْ لِلّٰهْ تِحِتْ مُرَاقَبَةْ عَالِي رَاجِلْ الدِّينْ.

لاوِيِّين 21:14

وَ مَا يَاخُدْ مَرَةْ أَرْمَلَةْ وَ لَا مَرَةْ مُطَلَّقَةْ وَ لَا مَرَةْ شَرْمُوطَةْ. لَاكِنْ يَاخُدْ بِنَيَّةْ عُدْرِيَّةْ مِنْ شَعَبَهْ.

تكوين 18:19

أَنَا عَزَلْتَهْ لِيِوَصِّي عِيَالَهْ وَ ذُرِّيّتَهْ لِيِتَابُعُوا دَرِبْ اللّٰهْ وَ يِسَوُّوا الْحَقّ وَ الْعَدَالَةْ. وَ بِمِثِلْ دَا، أَنَا اللّٰهْ نِحَقِّقْ الشَّيّءْ الْقُلْت نِسَوِّيهْ لِإِبْرَاهِيمْ.»

مَلاخِـي 2:15

مَا فِي نَادُمْ عِنْدَهْ عَقُلْ الْيِسَوِّي الشَّيّءْ دَا. وَ وَاجِبْ نَادُمْ يِسَوِّي شُنُو؟ يِفَتِّشْ يَلْدَ عِيَالْ فِي لُبّ شَعَبْ الرَّبّ. أَنْقَرْعُوا! مَا تُخُونُوا عَوِينْ شَبَابْكُو.

1 تِمُوتَاوُس 1:9

وَاجِبْ نَفْهَمَوْا كَدَرْ اللّٰهْ أَنْطَى شُرُوطْ التَّوْرَاةْ مَا لِلصَّالِحِينْ بَسْ لَاكِنْ أَنْطَاهُمْ لِلْمُجْرِمِينْ وَ الْعَاصِيِينْ وَ الْكُفَّارْ وَ الْمُذْنِبِينْ وَ النَّاسْ النِّجْسِينْ وَ الْبَكْرَهَوْا الدِّينْ وَ النَّاسْ الْيَكْتُلُوا أَبَّهَاتْهُمْ وَ الْيَكْتُلُوا أَمَّهَاتْهُمْ وَ كُلَّ كَتَّالِينْ الدِّمَمْ.