تِيطُس 1:5 - الكتاب المقدس بالعربي الدارجي هنا تشاد

⁵ أَنَا خَلَّيْتَكْ فِي جَزِيرَةْ كِرِيتْ أَشَانْ تِعَدِّلْ كُلِّ شَيّءْ اللِّسَّاعْ مَا عِنْدَهْ نِظَامْ عَدِيلْ. وَاجِبْ تَعَزِلْ مِنْ الْمُؤمِنِينْ نَاسْ فِي أَيِّ حِلَّةْ أَشَانْ يَبْقَوْا لَيْهُمْ شُيُوخْ مِثِلْ أَنَا أَوَّلْ وَصَّيْتَكْ بَيَّهْ.

تِيطُس 1:5 Referenca të Kryqëzuara

أعمال الرُسُل 14:23

وَ فِي أَيِّ بَكَانْ، عَزَلَوْا نَاسْ مِنْ جَمَاعَةْ الْمُؤمِنِينْ أَشَانْ يَبْقَوْا لَيْهُمْ كُبَارَاتْ. وَ صَامَوْا وَ سَأَلَوْا اللّٰهْ لَيْهُمْ وَ أَمَّنَوْهُمْ لِلرَّبّ عِيسَى الْهُمَّنْ كُلُّهُمْ آمَنَوْا بَيَّهْ. وَ خَلَاصْ مَشَوْا.

1 تِمُوتَاوُس 1:3

نُقُولْ لَيْك نَفْس الْكَلَامْ الْقُلْتَهْ لَيْك وَكِتْ خَلَّيْتَكْ وَ سَافَرْت لِبَلَدْ مَقِدُونِيَةْ. وَاجِبْ تَقْعُدْ فِي حِلَّةْ أَفَسُسْ أَشَانْ تِوَصِّيهُمْ لِلنَّاسْ الْقَاعِدِينْ يِشَتُّتُوا التَّعْلِيمْ الْمَا صَحِيحْ. آمُرْهُمْ أَشَانْ يِخَلُّوا مِنْهُمْ الْكَلَامْ دَا.

جامِعة 12:9

الْمُعَلِّمْ مَا حَكِيمْ بَسْ، هُو بَتَّانْ عَلَّمْ الْمَعْرَفَةْ لِلشَّعَبْ. هُو كَشَفْ بِمَعْرَفَةْ وَ وَزَنْ وَ نَظَّمْ عَدَدْ كَبِيرْ هَنَا أَمْثَالْ.

1 كُرُنْتُس 14:40

وَ سَوُّوا كُلَّ شَيّءْ فِي جَمَاعَةْ الْمُؤمِنِينْ بِأَدَبْ وَ نِظَامْ.

2 تِمُوتَاوُس 2:2

وَ الْكَلَامْ الْإِنْتَ سِمِعْتَهْ مِنْ خَشْمِي قِدَّامْ شُهُودْ كَتِيرِينْ، كَلِّفْ بَيَّهْ نَاسْ أَمِينِينْ الْيَقْدَرَوْا يِعَلُّمُوا بَيَّهْ نَاسْ آخَرِينْ بَتَّانْ.

1 كُرُنْتُس 11:34

كَنْ نَادُمْ جِيعَانْ وَ مَا يَقْدَرْ يَرْجَى الْآخَرِينْ، أَخَيْر يَاكُلْ قُبَّالْ فِي بَيْتَهْ. وَ بَيْدَا، مَلَمِّتْكُو مَا تِجِيبْ الْعَذَابْ فَوْقكُو. وَ خَلَاصْ، فِي الشَّيّءْ الْبُخُصّ السُّؤَالَاتْ الْآخَرِينْ، نَنْطِيكُو وَصَايَا وَكِتْ نَجِيكُو.

أعمال الرُسُل 27:21

مِنْ مُدَّةْ طَوِيلَةْ، النَّاسْ الْفِي السَّفِينَةْ مَا أَكَلَوْا. وَ يَوْم وَاحِدْ، بُولُسْ قَمَّ حَجَّى لَيْهُمْ وَ قَالْ: «يَا الْأَخْوَانْ، كَنْ أَوَّلْ سِمِعْتُوا كَلَامِي وَ قَعَدْتُوا فِي كِرِيتْ، مَا فِي شَيّءْ يَتْلَفْ وَ لَا يِوَدِّرْ لَيْكُو.

أعمال الرُسُل 27:12

وَ دَوَّرَوْا يَلْقَوْا بَكَانْ هَادِي أَشَانْ يَقْعُدُوا فَوْقَهْ لَحَدِّي الشِّتَاءْ يِكَمِّلْ وَ الْبَكَانْ السَّفِينَةْ قَاعِدَةْ فَوْقَهْ مَا مُوَافِقْ. وَ نَاسْ كَتِيرِينْ قَالَوْا يَبْقَى لَيْهُمْ أَخَيْر كَنْ يَمْشُوا قِدَّامْ وَ يِجَاهُدُوا أَشَانْ يَلْحَقَوْا حِلَّةْ فِينِكْس وَ يَقْعُدُوا فَوْقهَا. فِينِكْس قَاعِدَةْ فِي جَزِيرَةْ كِرِيتْ وَ عِنْدَهَا خَشُمْ بَحَرْ عَدِيلْ مَا فَاتِحْ لِلرِّيحْ، إِلَّا فِي قَرْن الْمُنْشَاقْ لِلْغَرِبْ وَ فِي قَرْن الْوَطِي لِلْغَرِبْ.

أعمال الرُسُل 27:7

وَ مُدَّةْ أَيَّامْ، مَا قِدِرْنَا نَمْشُوا عَجَلَةْ أَشَانْ الدَّرِبْ بِقِي قَاسِي لِلسَّفِينَةْ. قَرَّبْنَا لِحِلَّةْ كِنِيدُسْ وَ لَاكِنْ الرِّيحْ تُسُوقْ شَدِيدْ مِنْ الْغَرِبْ وَ مَا خَلَّتْنَا نَنْزُلُوا فَوْقهَا. وَ خَلَاصْ وَجَّهَوْا السَّفِينَةْ فِي الْجَانِبْ الْجُنُوبِي هَنَا جَزِيرَةْ كِرِيتْ أَشَانْ الْجَزِيرَةْ تِدَارِقْنَا مِنْ الرِّيحْ. وَ مَشَيْنَا جَنْب حَجَرْ أُسْمَهْ رَاسْ سَلْمُونِي.

أعمال الرُسُل 11:30

وَ لَمَّوْا كُلَّ الْمُسَاعَدَةْ وَ أَنْطَوْهَا أَمَانَةْ لِبَرْنَابَا وَ شَاوُولْ أَشَانْ يِوَدُّوهَا لِكُبَارَاتْ الْمُؤمِنِينْ الْفِي مَدِينَةْ الْقُدُسْ.

إشَعْيا 44:7

يَاتُو مِثْلِي أَنَا؟ خَلِّي يَرْفَعْ حِسَّهْ وَ يِخَبِّرْ بَيَّهْ. خَلِّي يِوَصِّفْ قِدَّامِي كُلَّ شَيّءْ الْكَانْ مِنْ أَنَا خَلَقْت النَّاسْ فِي الْبِدَايَةْ. خَلِّي يِخَبِّرْنَا بِالشَّيّءْ الْيُكُونْ فِي الْمُسْتَقْبَلْ.

كُلُوسِي 2:5

صَحِيحْ، أَنَا قَاعِدْ فِي بَكَانْ بَعِيدْ مِنْكُو لَاكِنْ فِكْرِي دَايْماً مَعَاكُو وَ قَاعِدْ نِشِيفْ كَدَرْ حَالْكُو عَدِيلَةْ وَ إِيمَانْكُو فِي الْمَسِيحْ قَوِي وَ أَنَا فَرْحَانْ مِنْكُو.

أعمال الرُسُل 2:11

وَ فِي نَاسْ يَهُودْ وَ فِي نَاسْ آخَرِينْ دَخَلَوْا فِي دِينْ الْيَهُودْ. وَ فِي نَاسْ وَاحِدِينْ مِنْ جَزِيرَةْ كِرِيتْ وَ مِنْ دَارْ الْعَرَبْ. وَ أَنِحْنَ كُلِّنَا قَاعِدِينْ نَسْمَعَوْهُمْ يِحَجُّوا بِلُغِّتْنَا بِالْعَجَايِبْ الْكُبَارْ الْاللّٰهْ سَوَّاهُمْ.»

1 أخبار 6:32

قُبَّالْ سُلَيْمَانْ مَا بَنَى بَيْت اللّٰهْ فِي أُورُشَلِيمْ، النَّاسْ دَوْل قَاعِدِينْ يِسَوُّوا خِدْمِتْهُمْ هَنَا الْغِنَيْ قِدَّامْ الْخَيْمَةْ وَ هِي خَيْمَةْ الْإِجْتِمَاعْ. وَ هُمَّنْ سَوَّوْا خِدْمِتْهُمْ حَسَبْ الشُّرُوطْ.

أعمال الرُسُل 27:13

وَ وَكِتْ رِيحْ خَفِيفَةْ بَدَتْ تُسُوقْ مِنْ الْوَطِي، نَاسْ السَّفِينَةْ قَالَوْا يَقْدَرَوْا يَمْشُوا قِدَّامْ مِثِلْ دَوَّرَوْا. وَ جَبَدَوْا فَوْق وِتِدْ هَنَا السَّفِينَةْ وَ مَشَوْا قِدَّامْ. وَ مَا مَشَوْا فِي أُسْط الْبَحَرْ لَاكِنْ تَابَعَوْا طَرَفْ الْجَزِيرَةْ.

1 كُرُنْتُس 4:17

وَ فِي شَانْ دَا بَسْ، أَنَا رَسَّلْت لَيْكُو تِمُوتَاوُسْ الْبِقِي لَيِّ وِلَيْدِي مَحْبُوبْ وَ أَمِينْ فِي الرَّبّ. هُو يِذَكِّرْكُو بِحَيَاتِي فِي دَرِبْ عِيسَى الْمَسِيحْ وَ دِي بَسْ الْحَيَاةْ النِّعَلِّمْهَا لِأُمَّةْ الْمَسِيحْ فِي أَيِّ بَكَانْ.

تِيطُس 1:12

نَادُمْ وَاحِدْ مِنْ كِرِيتْ الْبِقِي لَيْهُمْ مِثِلْ نَبِي قَالْ: «نَاسْ هَنَا كِرِيتْ هُمَّنْ دَايْماً كَدَّابِينْ وَ مِثِلْ حَيْوَانَاتْ خَطِيرِينْ. هُمَّنْ يِحِبُّوا الْأَكِلْ وَ مَا يِرِيدُوا الْخِدْمَةْ.»

لاوِيِّين 14:42

وَ يِشِيلُوا حُجَارْ آخَرِينْ وَ يُخُطُّوهُمْ فِي قَدّ الْحُجَارْ الْمَرَقَوْهُمْ. وَ يِشِيلُوا تُرَابْ آخَرْ لِيِطَلُّسُوا الْبَيْت مِنْ دَاخَلْ.