تِيطُس 1:4 - الكتاب المقدس بالعربي الدارجي هنا تشاد

⁴ وَ نَكْتِبْ لَيْك إِنْتَ، يَا تِيطُسْ، الْبِقِيتْ وِلَيْدِي الصَّحِيحْ بِالْإِيمَانْ النِّشَارُكُوا فَوْقَهْ. عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا وَ عِيسَى الْمَسِيحْ مُنَجِّينَا.

تِيطُس 1:4 Referenca të Kryqëzuara

2 تِمُوتَاوُس 1:2

وَ نَكْتِبْ لَيْك إِنْتَ، يَا تِمُوتَاوُسْ، الْبِقِيتْ وِلَيْدِي النِّرِيدَكْ. عَلَيْكُمْ السَّلَامْ وَ النِّعْمَةْ وَ الرَّحْمَةْ مِنْ اللّٰهْ أَبُونَا وَ عِيسَى الْمَسِيحْ رَبِّنَا.

يَهُوذَا 1:3

يَا أَخْوَانِي النِّحِبُّكُو، مِنْ أَوَّلْ أَتْمَنَّيْت نَكْتِبْ لَيْكُو فِي النَّجَاةْ الْكُلِّنَا نِشَارُكُوا فَوْقهَا. وَ هَسَّعْ أَنْجَبَرْت نَكْتِبْ لَيْكُو بِسُرْعَةْ وَ نِشَجِّعْكُو أَشَانْ تِجَاهُدُوا لِتَحْفَضَوْا الْإِيمَانْ الْاللّٰهْ كَلَّفْ بَيَّهْ الصَّالِحِينْ مَرَّةْ وَاحِدَةْ وَ نِهَائِيَّةْ.

2 بُطْرُس 1:11

وَ بِمِثِلْ دَا، اللّٰهْ يَفْتَحْ لَيْكُو بَابْ وَسِيعْ لِتَدْخُلُوا فِي الْمَمْلَكَةْ الْأَبَدِيَّةْ وَ هِي مَمْلَكَةْ رَبِّنَا عِيسَى الْمَسِيحْ مُنَجِّينَا.

2 بُطْرُس 1:1

جَوَابْ مِنِّي أَنَا سِمْعَانْ بُطْرُسْ عَبِدْ عِيسَى الْمَسِيحْ وَ رَسُولَهْ. وَ نَكْتِبْ لَيْكُو إِنْتُو النَّاسْ اللِّقِيتُوا الْإِيمَانْ بِسَبَبْ عَدَالَةْ عِيسَى الْمَسِيحْ إِلٰـهْنَا وَ مُنَجِّينَا. وَ إِيمَانْكُو عِنْدَهْ نَفْس الْقِيمَةْ مِثِلْ إِيمَانَّا.

2 كُرُنْتُس 2:13

لَاكِنْ قَلْبِي مُعَلَّقْ بِلْحَيْن أَشَانْ أَخُويِ تِيطُسْ الْوَاجِبْ يَجِي قِدَّامِي مِنْ بَكَانْكُو، أَنَا مَا شِفْتَهْ. وَ أَشَانْ دَا بَسْ، قَمَّيْت مِنْ الْأَخْوَانْ الْفِي تُرُوَاسْ وَ مَشَيْت لِمَقِدُونِيَةْ.

2 بُطْرُس 3:18

لَاكِنْ أَبْقَوْا قَوِيِّينْ فِي نِعْمَةْ رَبِّنَا عِيسَى الْمَسِيحْ مُنَجِّينَا وَ بِعِرْفِتْكُو لَيَّهْ. وَ الْمَسِيحْ، خَلِّي يِمَجُّدُوهْ فِي الْوَكِتْ الْحَاضِرْ وَ إِلَى الْأَبَدْ. آمِينْ.

2 كُرُنْتُس 8:23

وَ تِيطُسْ دَا، هُو رَفِيقِي وَ يَخْدِمْ مَعَايِ أَشَانْ يِعَاوِنْكُو. وَ أَخْوَانَّا الْمَعَايَهْ دَوْل، هُمَّنْ مُمَثِّلِينْ هَنَا جَمَاعَاتْ الْمُؤمِنِينْ. وَ حَالْهُمْ عَدِيلَةْ تَنْطِي مَجْد لِلْمَسِيحْ.

رَوْمَا 1:12

وَ زِيَادَةْ مِنْ دَا، نِدَوْر نَجِي فِي أُسُطْكُو أَشَانْ بِإِيمَانْكُو وَ إِيمَانِي، كُلِّنَا نَلْقَوْا شَجَاعَةْ.

يُوحَنَّا 4:42

وَ حَجَّوْا لِلْمَرَةْ وَ قَالَوْا: «أَنِحْنَ نِآمُنُوا. مَا أَشَانْ سِمِعْنَا كَلَامْكِ بَسْ. لَاكِنْ أَنِحْنَ ذَاتْنَا سِمِعْنَا كَلَامَهْ وَ نَعَرْفُوا أَكِيدْ هُو بَسْ النَّادُمْ الْيِنَجِّي كُلَّ النَّاسْ.»

1 يُوحَنَّا 5:14

وَ نِحَجُّوا لِلّٰهْ بِكُلَّ أَمَانْ أَشَانْ نَعَرْفُوا كَنْ نَطُلْبُوا مِنَّهْ أَيِّ شَيّءْ حَسَبْ الْهُو يِدَوْرَهْ، أَكِيدْ هُو يَسْمَعْ طَلَبْنَا.

2 بُطْرُس 3:2

فَكُّرُوا فِي كَلَامْ الْأَنْبِيَاء الصَّالِحِينْ الْقَالَوْه مِنْ زَمَانْ. وَ فَكُّرُوا فِي وَصِيَّةْ عِيسَى رَبِّنَا وَ مُنَجِّينَا السِّمِعْتُوهَا بِوَاسِطَةْ الرُّسُلْ الْمَشَوْا لَيْكُو.

2 بُطْرُس 2:20

وَ كَنْ النَّاسْ أَوَّلْ مَرَقَوْا مِنْ نَجَاسَةْ الدُّنْيَا بِعِرْفَةْ رَبِّنَا عِيسَى الْمَسِيحْ مُنَجِّينَا وَ بَعَدَيْن نَجَاسَةْ الدُّنْيَا تَكْرُبْهُمْ بَتَّانْ وَ تِنَّصِرْ فَوْقهُمْ، فِي الْبَكَانْ دَا، حَالِتْهُمْ الْأَخِيرَةْ تَبْقَى هَوَانَةْ مِنْ الْأَوَّلْ.

تِيطُس 1:3

وَ فِي الْوَكِتْ الْاللّٰهْ حَدَّدَهْ، هُو نَزَّلْ كَلَامَهْ فِي الْمَسِيحْ. وَ اللّٰهْ مُنَجِّينَا كَلَّفَانِي بِالْكَلَامْ دَا وَ أَمَرَانِي أَشَانْ نِبَلِّغَهْ.

كُلُوسِي 1:2

لَيْكُو إِنْتُو أَخْوَانَّا فِي الْمَسِيحْ الصَّالِحِينْ وَ أَمِينِينْ السَّاكْنِينْ فِي حِلَّةْ كُلُوسِي. عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا.

أفَسُس 1:2

عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا وَ رَبِّنَا عِيسَى الْمَسِيحْ.

غَلاطِية 2:3

وَ تِيطُسْ الْقَاعِدْ مَعَايِ هُو يُونَانِي، مَا يَهُودِي وَ لَاكِنْ مَا جَبَرَوْنَا لِنِطَهُّرُوهْ.

2 كُرُنْتُس 12:18

أَنَا طَلَبْت مِنْ تِيطُسْ أَشَانْ يَمْشِي لَيْكُو وَ رَسَّلْت مَعَايَهْ الْأَخُو الْآخَرْ. وَ هَلْ تِيطُسْ شَالْ شَيّءْ مِنْكُو بِغَشّ وَلَّا؟ لَا! حَالَهْ وَ حَالِي سَوَا وَ أَنِحْنَ خَدَمْنَا بِنَفْس الطَّرِيقَةْ.

2 كُرُنْتُس 8:16

وَ نُقُولْ الْحَمْدُ للّٰهْ أَشَانْ اللّٰهْ أَنْطَى تِيطُسْ نِيَّةْ شَدِيدَةْ مِثِلْ نِيّتِي أَنَا أَشَانْ يِعَاوِنْكُو.

2 كُرُنْتُس 8:6

وَ أَوَّلْ تِيطُسْ بَدَا خِدْمَةْ الرَّحْمَةْ أَمْبَيْنَاتْكُو وَ أَشَانْ دَا، طَلَبْنَا مِنَّهْ يِكَمِّلْ الْخِدْمَةْ دِي مَعَاكُو.

2 كُرُنْتُس 7:6

لَاكِنْ اللّٰهْ الْيِشَجِّعْ التَّعْبَانِينْ شَجَّعَانَا بِجَيَّةْ أَخُونَا تِيطُسْ.

2 كُرُنْتُس 4:13

مَكْتُوبْ فِي الْكِتَابْ: <أَنَا آمَنْت وَ أَشَانْ دَا كَلَّمْت.> وَ أَنِحْنَ كُلَ عِنْدِنَا إِيمَانْ مِثِلْ الْإِيمَانْ دَا. أَنِحْنَ مُؤمِنِينْ وَ أَشَانْ دَا نِكَلُّمُوا.

رَوْمَا 1:7

وَ نَكْتِبْ لَيْكُو إِنْتُو كُلُّكُو الْقَاعِدِينْ فِي مَدِينَةْ رَوْمَا، إِنْتُو الْاللّٰهْ يِحِبُّكُو وَ نَادَاكُو لِتَبْقَوْا صَالِحِينْ. عَلَيْكُمْ السَّلَامْ وَ الرَّحْمَةْ مِنْ اللّٰهْ أَبُونَا وَ رَبِّنَا عِيسَى الْمَسِيحْ.

لُوقا 2:11

الْيَوْم وِلْدَوْا لَيْكُو صَغِيرْ فِي مَدِينَةْ دَاوُدْ وَ هُو الْيِنَجِّي النَّاسْ وَ هُو الْمَسِيحْ وَ الرَّبّ.

غَلاطِية 3:26

أَشَانْ إِنْتُو كُلُّكُو عِيَالْ اللّٰهْ فِي عِيسَى الْمَسِيحْ بِدَرِبْ الْإِيمَانْ.

غَلاطِية 3:28

وَ هَسَّعْ مَا فِي فَرِقْ بَيْن الْيَهُودِي وَ الْمَا يَهُودِي، وَ لَا بَيْن الْعَبِدْ وَ الْحُرّ، وَ لَا بَيْن الرَّاجِلْ وَ الْمَرَةْ، لَاكِنْ كُلُّكُو وَاحِدْ فِي الْمَسِيحْ عِيسَى.

1 تِمُوتَاوُس 1:12

وَ أَنَا نَشْكُرْ كَتِيرْ رَبِّنَا عِيسَى الْمَسِيحْ الْأَنْطَانِي الْقُدْرَةْ الْبَيْهَا نِسَوِّي الْخِدْمَةْ دِي. نَشْكُرَهْ أَشَانْ هُو جَعَلَانِي نَادُمْ أَمِينْ وَ عَزَلَانِي أَشَانْ نَخْدِمْ لَيَّهْ.

2 تِمُوتَاوُس 1:1

جَوَابْ مِنِّي أَنَا بُولُسْ رَسُولْ هَنَا عِيسَى الْمَسِيحْ بِإِذِنْ اللّٰهْ. وَ هُو جَعَلَانِي رَسُولْ أَشَانْ نِبَلِّغْ الْحَيَاةْ الْأَبَدِيَّةْ الْاللّٰهْ وَاعَدَانَا بَيْهَا وَ أَنْطَاهَا بِعِيسَى الْمَسِيحْ.

2 تِمُوتَاوُس 4:10

أَشَانْ أَخُونَا دِيمَاسْ يِحِبّ الدُّنْيَا. هُو فَاتْ خَلَّانِي مَشَى فِي حِلَّةْ تَسَلُونِيكِي. وَ الْآخَرِينْ مَا فِيهُمْ. أَخُونَا كِرِيسْكِي مَشَى فِي بَلَدْ غَلَاطِيَةْ وَ أَخُونَا تِيطُسْ مَشَى فِي بَلَدْ دَلْمَاطِيَةْ.

تِيطُس 2:13

وَ نَرْجَوْا بِعَشَمْ الْيَوْم الْمُبَارَكْ الْيِبِينْ فَوْقَهْ مَجْد إِلٰـهْنَا وَ مُنَجِّينَا الْعَظِيمْ، عِيسَى الْمَسِيحْ.