تِيطُس 1:11 - الكتاب المقدس بالعربي الدارجي هنا تشاد

¹¹ وَاجِبْ نِوَقُّفُوهُمْ أَشَانْ تَلَّفَوْا إِيمَانْ هَنَا كُلَّ النَّاسْ فِي بُيُوتْ وَاحِدِينْ بِتَعْلِيمْهُمْ. قَاعِدِينْ يِعَلُّمُوا كَلَامْ مَا عَدِيلْ أَشَانْ يَرْبَحَوْا قُرُسْ بِكِدِبْهُمْ.

تِيطُس 1:11 Referenca të Kryqëzuara

2 تِمُوتَاوُس 3:6

وَاحِدِينْ مِنْهُمْ يِنْدَسَّوْا فِي بُيُوتْ النَّاسْ بِنَجَاضَةْ. وَ يَكُرْبُوا بِغَشّ عَوِينْ الْفِكِرْهِنْ مَا ثَابِتْ الْمَلَانَاتْ بِذُنُوبْ وَ قَاعِدَاتْ يِتَابِعَنْ كُلَّ نَفَرْ هَنَا شَهْوَاتْ.

1 تِمُوتَاوُس 6:5

الْمُنَاقَشَاتْ أَبَداً مَا يِكَمُّلُوا لِلنَّاسْ الْعُقُولْهُمْ تَلْفَانِينْ وَ الْحَقّ أَنْرَفَعْ مِنْهُمْ. وَ يِسَوُّوا نُفُوسْهُمْ مُعَلِّمِينْ هَنَا التَّقْوَى أَشَانْ فِي فِكِرْهُمْ يَلْقَوْا مِنَّهْ رِبِحْ.

رَوْمَا 3:19

وَ نَعَرْفُوا كَدَرْ أَيِّ شَيّءْ الْمَكْتُوبْ فِي التَّوْرَاةْ يِحَجِّي لِأَهَلْ شُرُوطْ التَّوْرَاةْ. وَ بِمِثِلْ دَا، مَا فِي نَادُمْ وَاحِدْ الْيَقْدَرْ يِدَافِعْ لِنَفْسَهْ قِدَّامْ اللّٰهْ. وَ خَلَاصْ كُلَّ نَاسْ الدُّنْيَا يَقْعُدُوا تِحِتْ حِسَابْ اللّٰهْ.

تِيطُس 3:10

وَ أَيِّ نَادُمْ الْيِحَجِّي كَلَامْ شِقْ وَ يِفَرِّقْ بَيَّهْ الْأَخْوَانْ، حَذِّرَهْ مَرَّةْ وَاحِدَةْ وَ حَذِّرَهْ مَرَّةْ تَانِيَةْ وَ بَعَدْ دَا، أَقْطَعْ مَعَايَهْ الْعَلَاقَةْ.

زَبُور 63:11

الْمَلِكْ يَفْرَحْ بِالرَّبّ وَ أَيِّ نَادُمْ الْيَحْلِفْ بِأُسُمْ الرَّبّ، يَشْكُرُوهْ أَشَانْ خُشُومْ الْكَدَّابِينْ يِنْسَدَّوْا.

تِيطُس 1:9

هُو وَاجِبْ يَكْرُبْ قَوِي الْكَلَامْ الصَّحِيحْ الْعَلَّمْنَاهْ لَيَّهْ أَشَانْ يِشَجِّعْ أَخْوَانَهْ بِتَعْلِيمْ عَدِيلْ وَ يُرُدّ لِلنَّاسْ الْيِخَالُفُوهْ.

تِيطُس 1:7

مَسْؤُولْ الْمُؤمِنِينْ، هُو وَكِيلْ اللّٰهْ وَ أَشَانْ دَا، وَاجِبْ يَبْقَى نَادُمْ مَا عِنْدَهْ عَيْب. مَا وَاجِبْ يَبْقَى نَادُمْ مُسْتَكْبِرْ وَ لَا نَادُمْ الْيَزْعَلْ عَجَلَةْ وَ لَا سَكَّارِي وَ لَا سِيدْ الْمَشَاكِلْ وَ لَا نَادُمْ الْيِرِيدْ رِبَا الْحَرَامْ.

مِيخا 3:5

وَ دَاهُو اللّٰهْ قَالْ كَلَامْ ضِدّ الْأَنْبِيَاء الْيِوَدُّرُوا شَعَبَهْ: «كَنْ سُنُونْهُمْ لِقَوْا شُغُلْ يَاكُلُوهْ، هُمَّنْ يُقُولُوا: ‹سَلَامْ، سَلَامْ!› وَ لَاكِنْ كَنْ نَادُمْ مَا دَسَّ لَيْهُمْ شَيّءْ فِي خَشُمْهُمْ، يِنَادُوا ضِدَّهْ بِالْحَرِبْ!

زَبُور 107:42

النَّاسْ الْعَدِيلِينْ يِشِيفُوا وَ يَفْرَحَوْا وَ أَيِّ ظَالِمْ يَسْكُتْ.

2 كُرُنْتُس 11:10

نُقُولْ لَيْكُو الْحَقّ بِأُسُمْ الْمَسِيحْ الْقَاعِدْ فَوْقِي، نُقُولْ لَيْكُو نَادُمْ وَاحِدْ مَا يَدْحَرْنِي مِنْ الْفَشَارْ دَا فِي أَيِّ بَكَانْ فِي أَخَايَةْ.

لُوقا 20:40

وَ مَا دَوَّرَوْا بَتَّانْ يَسْأَلَوْه أَيِّ سُؤَالْ.

مِيخا 3:11

وَ الْقُضْيَاءْ يَقْطَعَوْا شَرِيعَةْ بِالرَّشْوَةْ وَ رُجَالْ الدِّينْ يِعَلُّمُوا كَلَامْ اللّٰهْ لِيَلْقَوْا فَايْدَةْ وَ الْأَنْبِيَاء يِتْنَبَّأَوْا لِيَلْقَوْا فُضَّةْ. هُمَّنْ يِتْوَكَّلَوْا عَلَيْ اللّٰهْ وَ يُقُولُوا: «اللّٰهْ مَا قَاعِدْ فِي أُسُطْنَا وَلَّا؟ الْفَسَالَةْ أَبَداً مَا تَلْحَقْنَا!»

حِزْقِيال 16:63

وَ وَكِتْ تِفَكِّرِي فِي الْفَاتْ، الْعَيْب يَكْرُبْكِ وَ بَتَّانْ مَا تَقْدَرَيْ تُفُكِّي خَشُمْكِ أَشَانْ إِنْتِ وَدَّرْتِ شَرَفْكِ. وَ لَاكِنْ أَنَا نَغْفِرْ لَيْكِ كُلَّ شَيّءْ السَّوَّيْتِيهْ.» وَ دَا كَلَامْ اللّٰهْ الرَّبّ.

حِزْقِيال 13:19

وَ إِنْتَنْ مَا أَحْتَرَمْتَنِّي قِدَّامْ شَعَبِي وَ دَا لِتَلْقَنْ مَلْيَةْ إِيدْ هَنَا قَمَحْ وَ لُقْمَةْ هِنْت خُبْزَةْ. وَكِتْ تَكْدِبَنْ لِشَعَبِي الْيِرِيدُوا يَسْمَعَوْا الْكِدِبْ، إِنْتَنْ تَكْتُلَنْ النَّاسْ الْوَاجِبْ لَيْهُمْ الْحَيَاةْ وَ تِخَلَّنْ حَيِّينْ النَّاسْ الْوَاجِبْ لَيْهُمْ الْمَوْت.“›»

إرْمِيا 8:10

وَ اللّٰهْ قَالْ: «وَ بِسَبَبْ دَا، نَنْطِي عَوِينْهُمْ لِنَاسْ آخَرِينْ وَ زِرَاعِتْهُمْ كُلَ لِلْيِشِيلُوهُمْ. أَشَانْ مِنْ الضَّعِيفْ لَحَدِّي الْقَادِرْ كُلُّهُمْ جَارِيِينْ وَرَاءْ مَالْ الْحَرَامْ. وَ الْأَنْبِيَاء وَ رُجَالْ الدِّينْ كُلُّهُمْ غَشَّاشِينْ.

يُوحَنَّا 10:12

الْخَدَّامْ الْيَسْرَحْ بِالْغَنَمْ أَشَانْ يَلْقَى قُرُسْ بَسْ، هُو مَا الرَّاعِي الصَّحِيحْ وَ الْغَنَمْ مَا حَقَّهْ حَلَالَهْ. وَ كَنْ يِشِيفْ الْمَرْفَعِينْ جَايِ، هُو يَجْرِي مِنَّهْ وَ يِخَلِّي الْغَنَمْ وِحَيْدهُمْ. وَ الْمَرْفَعِينْ يَخْطِفْ غَنَمَايْ مِنْ أُسُطْهُمْ وَ يِشَتِّتْهُمْ.

مَتَّى 23:13

«يَا الْعُلَمَاءْ وَ الْفَرِيزِيِّينْ، إِنْتُو مُنَافِقِينْ! الْعَذَابْ يَرْجَاكُو أَشَانْ تِسِدُّوا بَابْ مَمْلَكَةْ اللّٰهْ مِنْ النَّاسْ. وَ إِنْتُو ذَاتْكُو مَا تِنْدَسَّوْا وَ النَّاسْ الْيِدَوْرُوا يِنْدَسَّوْا إِنْتُو تَدْحَرَوْهُمْ مِنَّهْ.

1 تِمُوتَاوُس 5:4

كَنْ أَيِّ مَرَةْ أَرْمَلَةْ عِنْدَهَا عِيَالْ وَلَّا عِيَالْ عِيَالْهَا، خَلِّي يَعَرْفُوا كِكَّيْف يَبْقَوْا تَقِيِّينْ مَعَ نَاسْ بَيْتهُمْ وَ يَنْطُوا لِوَالْدَيْنهُمْ حُقُوقْهُمْ مِثِلْ اللّٰهْ يَرْضَى بَيَّهْ.

1 تِمُوتَاوُس 5:13

وَ عَوِينْ مِثِلْ دَيْل يَبْقَنْ كَمَانْ عَاطِلَاتْ وَ يُقُمَّنْ يُرُوغَنْ مِنْ بَيْت لِبَيْت. وَ مَا يَبْقَنْ عَاطِلَاتْ بَسْ لَاكِنْ يَبْقَنْ قَوَّالَاتْ وَ يِنْدَسَّنْ فِي الشَّيّءْ الْمَا يُخُصِّهِنْ وَ يِحَجَّنْ بِكَلَامْ الْمَا بِشَابِهْ.

2 تِمُوتَاوُس 2:18

هُمَّنْ مَرَقَوْا مِنْ دَرِبْ الْحَقّ. وَ هَسَّعْ قَاعِدِينْ يُقُولُوا كَدَرْ بُعَاثْ الْمُؤمِنِينْ تَمَّ خَلَاصْ. وَ قَاعِدِينْ يِتَلُّفُوا إِيمَانْ هَنَا نَاسْ وَاحِدِينْ.