تِيطُس 1:10 - الكتاب المقدس بالعربي الدارجي هنا تشاد

¹⁰ أَشَانْ فِي نَاسْ كَتِيرِينْ عَاصِيِينْ وَ غَشَّاشِينْ وَ يِحَجُّوا كَلَامْ سَاكِتْ وَ كَتِيرِينْ مِنْهُمْ يَهُودْ.

تِيطُس 1:10 Referenca të Kryqëzuara

1 تِمُوتَاوُس 1:6

نَاسْ وَاحِدِينْ خَلَّوْا مِنْهُمْ الْأَشْيَاءْ الْعَدِيلِينْ دَوْل وَ دَخَلَوْا فِي مُنَاقَشَاتْ هَنَا كَلامْ بَاطِلْ.

1 يُوحَنَّا 4:1

يَا الْمَحْبُوبِينْ، مَا تِصَدُّقُوا بِكُلَّ النَّاسْ الْيُقُولُوا هُمَّنْ يِحَجُّوا بِقُدْرَةْ الرُّوحْ. جَرُّبُوهُمْ أَشَانْ تِأَكُّدُوا كَنْ كَلَامْهُمْ مِنْ اللّٰهْ. نَاسْ كَتِيرِينْ سَوَّوْا نُفُوسْهُمْ أَنْبِيَاء وَ قَمَّوْا يُرُوغُوا فِي الدُّنْيَا.

غَلاطِية 2:4

حَتَّى كَانْ أَخْوَانْ وَاحِدِينْ مَا مُؤمِنِينْ بِالصَّحِيحْ، أَنْدَسَّوْا أَمْبَيْنَاتْنَا وَ دَوَّرَوْا يِطَهُّرُوهْ. هُمَّنْ جَوْا بِتَلْبِيدْ يِجَاسُسُوا فِي الْحُرِّيَّةْ الْعِنْدِنَا بِالْمَسِيحْ عِيسَى أَشَانْ دَوَّرَوْا يَرْبُطُوا فَوْقنَا عَادَاتْ الْيَهُودْ لَحَدِّي نَبْقَوْا مِثِلْ عَبِيدْ.

أفَسُس 4:14

وَ مِثِلْ دَا، مَا نَبْقَوْا بَتَّانْ مِثِلْ عِيَالْ مَا عِنْدُهُمْ ثَبَاتْ. أَنِحْنَ مَا مِثِلْ مَرَاكِبْ دُقَاقْ فِي الْبَحَرْ الْيِشِيلْهُمْ الشَّلَّالْ وَ التُّسُوقْهُمْ الرِّيحْ. وَ دَا مِثِلْ تَعْلِيمْ الْمَا صَحِيحْ وَ النَّجَاضَةْ الْيُغُشُّوا بَيْهَا النَّاسْ وَ يِوَدُّرُوهُمْ.

يَعْقُوب 1:26

النَّادُمْ الْيِفَكِّرْ هُو يِتَابِعْ الدِّينْ عَدِيلْ وَ لَاكِنْ مَا يَلْزَمْ لِسَانَهْ، هُو دَا قَاعِدْ يُغُشّ نَفْسَهْ وَ دِينَهْ مَا يَنْفَعْ.

2 تِمُوتَاوُس 3:13

وَ لَاكِنْ النَّاسْ الْفَسْلِينْ وَ الْكَدَّابِينْ، فَسَالِتْهُمْ تِزِيدْ بِزِيَادَةْ وَ يَبْقَوْا غَشَّاشِينْ وَ مَغْشُوشِينْ.

أعمال الرُسُل 11:2

وَ وَكِتْ بُطْرُسْ قَبَّلْ فِي مَدِينَةْ الْقُدُسْ، الْمَسِيحِيِّينْ الْمِنْ الْيَهُودْ قَمَّوْا يَهَرْجُوهْ

رُؤية 2:14

لَاكِنْ أَنَا لِقِيتْ فَوْقَكْ شَيّءْ وَاحِدْ مَا عَدِيلْ. وَ عِنْدَكْ نَاسْ وَاحِدِينْ يِتَابُعُوا تَعْلِيمْ مِثِلْ تَعْلِيمْ بَلْعَامْ. وَ زَمَانْ بَلْعَامْ عَلَّمْ الْمَلِكْ بَلَاقْ كِكَّيْف يِوَدِّي بَنِي إِسْرَائِيلْ فِي الذُّنُوبْ لَحَدِّي أَكَلَوْا اللَّحَمْ الْأَوَّلْ قَدَّمَهْ ضَحِيَّةْ لِأَصْنَامَهْ وَ هُمَّنْ قَمَّوْا زَنَوْا.

رُؤية 2:6

وَ لَاكِنْ لِقِيتْ فَوْقَكْ شَيّءْ عَدِيلْ كُلَ. إِنْتَ تَكْرَهْ مِثِلْ أَنَا كُلَ نَكْرَهَهْ الشَّيّءْ الْقَاعِدِينْ يِسَوُّوهْ التَّلَامِيذ هَنَا نِيقُولَا.

1 يُوحَنَّا 2:18

يَا عِيَالِي، الْوَكِتْ الْأَخِيرْ بَدَا. أَوَّلْ سِمِعْتُوا كَدَرْ عَدُو الْمَسِيحْ يَجِي وَ خَلَاصْ عُدْوَانْ الْمَسِيحْ كَتِيرِينْ جَوْا. وَ بَيْدَا، نَعَرْفُوا الْوَكِتْ الْأَخِيرْ بَدَا خَلَاصْ.

2 تِمُوتَاوُس 4:4

وَ مَا يِدَوْرُوا يَسْمَعَوْا أَبَداً كَلَامْ الْحَقّ. فِي بَدَلَهْ يِدَوْرُوا يَسْمَعَوْا قِصَصْ النَّاسْ الْيِوَدُّرُوهُمْ.

1 تِمُوتَاوُس 1:4

قُولْ لَيْهُمْ مَا وَاجِبْ يُخُطُّوا بَالْهُمْ بَتَّانْ فِي قِصَصْ بَاطْلِينْ وَ لَا فِي الْقَرَمْ الطُّوَالْ بِلْحَيْن دَوْل. الْكَلَامْ الْمِثِلْ دَا يِسَبِّبْ الْمُنَاقَشَاتْ الْمَا عِنْدُهُمْ فَايْدَةْ وَ مَا يِوَافِقْ مَعَ الشَّيّءْ الْاللّٰهْ يِدَوْر يِسَوِّيهْ فِي النَّاسْ. دَرِبْ اللّٰهْ هُو بِالْإِيمَانْ.

غَلاطِية 3:1

يَا نَاسْ غَلَاطِيَةْ الْمَطَامِيسْ! بِكَلَامْ وَاضِحْ بِلْحَيْن فَسَّرْنَا لَيْكُو مَوْت عِيسَى الْمَسِيحْ فِي الصَّلِيبْ. وَ هَسَّعْ نَادُمْ سَوَّى لَيْكُو سِحِرْ وَلَّا؟

أعمال الرُسُل 20:29

وَ أَنَا نَعَرِفْ كَدَرْ بَعَدْ أَنَا مَشَيْت خَلَاصْ، نَاسْ فَسْلِينْ يَدْخُلُوا فِي أُسُطْكُو مِثِلْ الْمَرَافْعِينْ يِنْدَسَّوْا فِي أُسْط الْغَنَمْ وَ يَاكُلُوهُمْ.

أعمال الرُسُل 15:1

فِيَّهْ نَاسْ وَاحِدِينْ مِنْ دَارْ الْيَهُودِيَّةْ جَوْا فِي حِلَّةْ أَنْطَاكِيَةْ وَ قَمَّوْا يِعَلُّمُوا الْأَخْوَانْ. وَ هُمَّنْ قَالَوْا: «كَنْ مَا طَهَّرَوْكُو حَسَبْ شُرُوطْ تَوْرَاةْ مُوسَى، أَبَداً مَا تَنْجَوْا.»

أعمال الرُسُل 15:24

سِمِعْنَا نَاسْ وَاحِدِينْ مَشَوْا لَيْكُو مِنِّنَا بَلَا إِذِنَّا وَ سَوَّوْا مُشْكِلَةْ أَمْبَيْنَاتْكُو وَ بَرْجَلَوْكُو بِكَلَامْهُمْ.

1 تِمُوتَاوُس 1:9

وَاجِبْ نَفْهَمَوْا كَدَرْ اللّٰهْ أَنْطَى شُرُوطْ التَّوْرَاةْ مَا لِلصَّالِحِينْ بَسْ لَاكِنْ أَنْطَاهُمْ لِلْمُجْرِمِينْ وَ الْعَاصِيِينْ وَ الْكُفَّارْ وَ الْمُذْنِبِينْ وَ النَّاسْ النِّجْسِينْ وَ الْبَكْرَهَوْا الدِّينْ وَ النَّاسْ الْيَكْتُلُوا أَبَّهَاتْهُمْ وَ الْيَكْتُلُوا أَمَّهَاتْهُمْ وَ كُلَّ كَتَّالِينْ الدِّمَمْ.

تِيطُس 1:6

كُلِّ شَيْخ وَاجِبْ يَبْقَى نَادُمْ مَا عِنْدَهْ عَيْب. خَلِّي يَبْقَى رَاجِلْ مَرْتَهْ وَاحِدَةْ بَسْ وَ عِيَالَهْ مُؤمِنِينْ وَ مَا فِي نَادُمْ وَاحِدْ يُقُولْ فَوْقهُمْ كَدَرْ هُمَّنْ فَاسْدِينْ وَلَّا عَاصِيِينْ.

1 يُوحَنَّا 2:4

وَ النَّادُمْ الْيُقُولْ هُو يَعَرِفْ اللّٰهْ وَ لَاكِنْ مَا يِتَابِعْ الْوَصَايَا، هُو كَدَّابْ وَ الْحَقّ مَا قَاعِدْ فَوْقَهْ.

مَتَّى 23:14

«يَا الْعُلَمَاءْ وَ الْفَرِيزِيِّينْ، إِنْتُو مُنَافِقِينْ! الْعَذَابْ يَرْجَاكُو أَشَانْ إِنْتُو قَاعِدِينْ تَاكُلُوا بُيُوتْ الْأَرَامِلْ وَ تُقُمُّوا تِصَلُّوا صَلَاةْ طَوِيلَةْ أَشَانْ النَّاسْ يِشِيفُوكُو. أَشَانْ دَا، الْعَذَابْ الْيَنْزِلْ فَوْقكُو يَبْقَى شَدِيدْ زِيَادَةْ.