تِيطُس 1:1 - الكتاب المقدس بالعربي الدارجي هنا تشاد

¹ جَوَابْ مِنِّي أَنَا بُولُسْ عَبْد اللّٰهْ وَ رَسُولْ هَنَا عِيسَى الْمَسِيحْ، مُرَسَّلْ أَشَانْ نِجِيبْ النَّاسْ الْاللّٰهْ عَزَلَاهُمْ فِي دَرِبْ الْإِيمَانْ وَ نِعَرِّفْهُمْ الْحَقّ الْيِوَدِّيهُمْ لِلتَّقْوَى.

تِيطُس 1:1 Referenca të Kryqëzuara

رَوْمَا 1:1

جَوَابْ مِنِّي أَنَا بُولُسْ عَبِدْ عِيسَى الْمَسِيحْ. اللّٰهْ نَادَانِي أَشَانْ نَبْقَى رَسُولْ وَ عَزَلَانِي أَشَانْ نِبَلِّغْ بِشَارْتَهْ

1 تِمُوتَاوُس 6:3

أَيِّ نَادُمْ الْيُقُمّ يِعَلِّمْ كَلَامْ شِقْ مِنْ دَا وَ مَا يِدَوْر الْكَلَامْ الْعَدِيلْ الْجَايِ مِنْ رَبِّنَا عِيسَى الْمَسِيحْ وَ يَابَى التَّعْلِيمْ الْيِوَدِّي النَّاسْ فِي التَّقْوَى،

2 تِمُوتَاوُس 2:25

بِنَفَسْ بَارِدْ، هُو يِوَصِّفْ الْحَقّ لِلنَّاسْ الْيِخَالُفُوهْ وَ هُو يِدَوْر كَدَرْ اللّٰهْ يَهْدِيهُمْ لِلتَّوْبَةْ وَ يَعَرْفُوا الْحَقّ.

2 تِمُوتَاوُس 2:23

وَ أَنْقَرِعْ مَرَّةْ وَاحِدْ مِنْ الْمُنَاقَشَاتْ الْبَاطْلِينْ الْمَا عِنْدُهُمْ فَايْدَةْ. إِنْتَ تَعَرِفْ كَدَرْ الْمُنَاقَشَاتْ الْمِثِلْ دَوْل يِسَبُّبُوا الْهُرَاجْ بَسْ.

2 بُطْرُس 1:3

وَ أَكِيدْ رَبِّنَا أَنْطَانَا بِقُدُرْتَهْ الْإِلٰـهِيَّةْ كُلَّ شَيّءْ الْأَنِحْنَ حَوْجَانِينْ لَيَّهْ لِنِعِيشُوا بِالتَّقْوَى. وَ دَا يَبْقَى بِعِرْفِتْنَا لَيَّهْ هُو النَّادَانَا فِي دَرْبَهْ بِخَيْرَهْ الْمَجِيدْ.

1 تِمُوتَاوُس 3:16

وَ بَلَا شَكَكْ، دَرِبْ التَّقْوَى الْاللّٰهْ بَيَّنَهْ لَيْنَا، هُو عَظِيمْ. الْمَسِيحْ بِقِي إِنْسَانْ وَ بَانْ فِي الدُّنْيَا وَ الرُّوحْ الْقُدُّوسْ شَهَدْ لَيَّهْ. الْمَلَائِكَةْ شَافَوْه فِي السَّمَاءْ وَ نَاسَهْ بَشَّرَوْا بَيَّهْ الْأُمَمْ. نَاسْ آمَنَوْا بَيَّهْ فِي الدُّنْيَا وَ اللّٰهْ رَفَعَهْ فَوْق فِي مَجْدَهْ.

2 بُطْرُس 3:11

وَ كَنْ كُلَّ شَيّءْ يِدَّمَّرْ مِثِلْ دَا، إِنْتُو وَاجِبْ تِسَوُّوا شُنُو؟ وَاجِبْ تِعِيشُوا بِتَقْوَى وَ حَالْ صَالْحَةْ.

1 تِمُوتَاوُس 2:4

هُو يِدَوْر كَدَرْ كُلَّ النَّاسْ يَنْجَوْا وَ يَلْقَوْا عِرْفَةْ الْحَقّ.

كُلُوسِي 2:2

وَ نِجَاهِدْ أَشَانْ يَلْقَوْا شَجَاعَةْ فِي قُلُوبْهُمْ وَ وِحْدَةْ بِالْمَحَبَّةْ وَ فِهِمْ تَمَامْ مَلَانْ بِبَرَكَةْ. نِدَوْر كَدَرْ يَعَرْفُوا وَ يَفْهَمَوْا سِرّ اللّٰهْ يَعْنِي الْمَسِيحْ.

فِلِبِّي 1:1

جَوَابْ مِنِّي أَنَا بُولُسْ وَ تِمُوتَاوُسْ عَبِيدْ عِيسَى الْمَسِيحْ، لَيْكُو إِنْتُو كُلُّكُو الْبِقِيتُوا صَالِحِينْ بِعِيسَى الْمَسِيحْ الْفِي حِلَّةْ فِلِبِّي مَعَ مَسَائِيلْكُو وَ مُعَاوِنِينْهُمْ.

2 كُرُنْتُس 1:1

جَوَابْ مِنِّي أَنَا بُولُسْ رَسُولْ عِيسَى الْمَسِيحْ بِإِذِنْ اللّٰهْ. وَ دَاهُو نَكْتِبْ لَيْكُو مَعَ أَخُونَا تِمُوتَاوُسْ. وَ أَنِحْنَ نِسَلُّمُوكُو إِنْتُو جَمَاعَةْ الْمُؤمِنِينْ هَنَا اللّٰهْ الْقَاعِدِينْ فِي حِلَّةْ كُرُنْتُسْ وَ لِكُلَّ الصَّالِحِينْ الْقَاعِدِينْ فِي أَيِّ بَكَانْ فِي بَلَدْ أَخَايَةْ.

أعمال الرُسُل 13:48

وَ النَّاسْ الْمَا يَهُودْ سِمْعَوْا الْكَلَامْ دَا وَ فِرْحَوْا فَرْحَةْ شَدِيدَةْ وَ مَجَّدَوْا الرَّبّ أَشَانْ الْبِشَارَةْ. وَ كُلَّ النَّاسْ الْاللّٰهْ عَزَلَاهُمْ أَشَانْ يَدْخُلُوا فِي الْحَيَاةْ الْأَبَدِيَّةْ، آمَنَوْا.

1 أخبار 6:49

هَارُونْ وَ أَوْلَادَهْ، هُمَّنْ يِقَدُّمُوا الضَّحَايَا الْمُحَرَّقِينْ فِي الْمَدْبَحْ وَ الْبَخُورْ فِي الْمُخْبَرْ وَ يِسَوُّوا كُلَّ الْخِدْمَةْ التُّخُصّ الْبَكَانْ الْمُقَدَّسْ مَرَّةْ وَاحِدْ. وَ يِسَوُّوا كَفَّارَةْ لِبَنِي إِسْرَائِيلْ حَسَبْ أَمُرْ مُوسَى عَبْد الرَّبّ.

أفَسُس 2:8

أَيْوَى، بِرَحْمَةْ اللّٰهْ بَسْ، إِنْتُو نِجِيتُوا بِسَبَبْ إِيمَانْكُو بِالْمَسِيحْ. إِنْتُو مَا نَجَّيْتُوا نُفُوسْكُو لَاكِنْ النَّجَاةْ دِي هَدِيَّةْ مِنْ اللّٰهْ.

1 يُوحَنَّا 2:23

أَيِّ نَادُمْ الْيُقُولْ عِيسَى مَا إِبْن اللّٰهْ، خَلَاصْ النَّادُمْ دَا، اللّٰهْ مَا أَبُوهْ. وَ النَّادُمْ الْيَشْهَدْ كَدَرْ عِيسَى الْمَسِيحْ هُو إِبْن اللّٰهْ، خَلَاصْ اللّٰهْ بِقِي لَيَّهْ أَبُوهْ.

لُوقا 18:7

وَ فِي فِكِرْكُو، اللّٰهْ مَا يَنْصُرْهُمْ لِنَاسَهْ الْعَزَلَاهُمْ الْيَصْرَخَوْا لَيَّهْ لَيْل وَ نَهَارْ وَلَّا؟ يِأَخِّرْ لَيْهُمْ وَلَّا؟

2 تِمُوتَاوُس 2:10

وَ بِمِثِلْ دَا، نَحْمَلْ أَيِّ تَعَبْ فِي شَانْ النَّاسْ الْاللّٰهْ عَزَلَاهُمْ وَ نِجَاهِدْ أَشَانْ يَلْقَوْا مَعَايِ النَّجَاةْ بِالْمَسِيحْ عِيسَى وَ يَدْخُلُوا فِي الْمَجْد الْأَبَدِي.

يَعْقُوب 1:1

جَوَابْ مِنِّي أَنَا يَعْقُوبْ عَبْد اللّٰهْ وَ عَبْد رَبِّنَا عِيسَى الْمَسِيحْ. وَ نِرَسِّلَهْ لَيْكُو إِنْتُو أُمَّةْ اللّٰهْ الْمُشَتَّتِينْ فِي أَيِّ بَكَانْ. السَّلَامْ عَلَيْكُمْ.

رُؤية 1:1

دِي هِي رُؤْيَةْ هَنَا عِيسَى الْمَسِيحْ الْاللّٰهْ أَنْطَاهَا لَيَّهْ أَشَانْ يِوَصِّفْ لِعَبِيدَهْ الشَّيّءْ اللَّابُدَّ يَبْقَى قَرِيبْ. وَ هُو رَسَّلْ مَلَكَهْ أَشَانْ يِعَرِّفْ الرُّؤْيَةْ دِي لِعَبْدَهْ يُوحَنَّا.