نشيد 3:3 - الكتاب المقدس بالعربي الدارجي هنا تشاد

³ وَ الْحُرَّاسْ الْبُرُوغُوا الْحِلَّةْ بِاللَّيْل لِقَوْنِي وَ أَنَا قُلْت: «مَا شِفْتُوا الْقَلْبِي بِرِيدَهْ؟»

نشيد 3:3 Referenca të Kryqëzuara

نشيد 5:7

وَ الْحُرَّاسْ هَنَا دُرْدُرْ الْمَدِينَةْ لِقَوْنِي. هُمَّنْ فَرَشَوْنِي وَ جَرَحَوْنِي وَ شَالَوْا لَفَّاحْتِي.

عِبْرَانِيِّين 13:17

أَسْمَعَوْا كُبَارَاتْكُو وَ تَابُعُوا كَلَامْهُمْ عَدِيلْ. أَشَانْ هُمَّنْ قَاعِدِينْ يِفَكُّرُوا فَوْقكُو وَ يَعَرْفُوا كَدَرْ هُمَّنْ مَسْؤُولِينْ مِنْكُو قِدَّامْ اللّٰهْ الْيِحَاسِبْهُمْ. خَلِّي خِدْمِتْهُمْ دِي تَبْقَى لَيْهُمْ فَرْحَةْ. كَنْ تَبْقَى لَيْهُمْ قَاسِيَةْ، إِنْتُو كُلَ مَا تَلْقَوْا مِنْهَا فَايْدَةْ.

يُوحَنَّا 20:15

وَ عِيسَى حَجَّى لَيْهَا وَ قَالْ: «مَرَةْ زَيْنَةْ، مَالَا تَبْكِي؟ تِفَتِّشِي يَاتُو؟» وَ فِي فِكِرْهَا، هُو الْخَدَّامْ الْيَخْدِمْ فِي الْجِنَيْنَةْ وَ رَدَّتْ لَيَّهْ وَ قَالَتْ: «السَّيِّدْ، كَنْ إِنْتَ شِلْتَهْ، أَوْرِينِي الْبَكَانْ الْخَطَّيْتَهْ فَوْقَهْ وَ أَنَا نِوَدِّيهْ فِي بَكَانْ آخَرْ.»

حِزْقِيال 3:17

«يَا إِبْن آدَمْ، أَنَا نُخُطَّكْ حَرَسْ فِي بَنِي إِسْرَائِيلْ. كَنْ سِمِعْت كَلَامْ مِنْ خَشْمِي، تِحَذِّرْهُمْ بَيَّهْ.

إشَعْيا 62:6

وَ فِي دَرَادِرْكِ، يَا مَدِينَةْ الْقُدُسْ، أَنَا خَطَّيْت حُرَّاسْ بِاللَّيْل وَ النَّهَارْ وَ أَبَداً مَا يَسْكُتُوا. إِنْتُو التِّذَّكَّرَوْا اللّٰهْ، خَلِّي مَا تِنْجَمَّوْا.

إشَعْيا 56:10

مُرَاقِبِينْ بَنِي إِسْرَائِيلْ، كُلُّهُمْ عَمْيَانِينْ وَ مَا يَعَرْفُوا شَيّءْ. هُمَّنْ مِثِلْ كُلابْ بُكُمْ مَا يَقْدَرَوْا يَنْبَحَوْا. يَحْلَمَوْا رَاقْدِينْ وَ يِحِبُّوا النَّوْم.

نشيد 1:7

قُولْ لَيِّ، إِنْتَ الْأَنَا نِحِبَّكْ، وَيْن تِسَرِّحْ غَنَمَكْ؟ وَيْن بَكَانْ تِقَيِّلْ فَوْقَهْ؟ وَصِّفْنِي أَشَانْ مَا نِفَتِّشْ وَ نُرُوحْ وَ نَقَعْ فِي دِيرَانْ جِيرَانَكْ.