نشيد 2:1 - الكتاب المقدس بالعربي الدارجي هنا تشاد

¹ أَنَا مِثِلْ نُوَّارْ الْقَشّ فِي سَهَلَةْ شَارُونْ وَ مِثِلْ زَهْرَةْ جَمِيلَةْ فِي الْوَادِي.

نشيد 2:1 Referenca të Kryqëzuara

إشَعْيا 57:15

أَشَانْ دَاهُو كَلَامْ اللّٰهْ الْعَالِي الْقَاعِدْ فَوْق، هُو الْقَاعِدْ إِلَى الْأَبَدْ وَ أُسْمَهْ الْقُدُّوسْ. هُو قَالْ: «أَنَا قَاعِدْ فِي بَكَانْ عَالِي وَ مُقَدَّسْ وَ قَاعِدْ بَتَّانْ مَعَ نَاسْ الْقُلُوبْهُمْ تَعْبَانِينْ وَ رُوحْهُمْ مُتَوَاضِعَةْ لِنَحَيِي رُوحْ الْمُتَوَاضِعِينْ وَ نَحَيِي قُلُوبْ التَّعْبَانِينْ.

هُوشَع 14:5

أَنَا نَبْقَى مِثِلْ مَطَرْ لِبَنِي إِسْرَائِيلْ وَ هُمَّنْ يِنَوُّرُوا مِثِلْ السِّتَّيْب. يِدِسُّوا عُرُوقْهُمْ مِثِلْ شَدَرْ لُبْنَانْ

نشيد 5:13

وَ دِقْنَهْ مِثِلْ جِنَيْنَةْ الْمَزْرُوعَةْ بِرِيحَةْ التِّقَوِّمْ شَدَرْ الدُّخَّانْ. وَ شَلَالِيفَهْ مِثِلْ نُوَّارْ السِّتَّيْب وَ يِنَقِّطْ مِنْهُمْ الْعِطِرْ.

نشيد 6:3

حَبِيبِي، أَنَا لَيَّهْ هُو وَ هُو لَيِّ أَنَا. هُو سَارِحْ فِي النُّوَّارْ.

زَبُور 85:11

الْحَقّ يَبْذُرْ مِنْ الْأَرْض وَ الْعَدَالَةْ تَنْزِلْ مِنْ السَّمَاءْ.

نشيد 2:16

حَبِيبِي، أَنَا لَيَّهْ هُو وَ هُو لَيِّ أَنَا. وَ هُو سَارِحْ بِغَنَمَهْ فِي النُّوَّارْ.

1 أخبار 5:16

وَ كُلَّ عَايِلَاتْ قَادْ سَكَنَوْا فِي قِلْعَادْ وَ فِي بَاشَانْ وَ فِي الْحِلَّالْ التَّابْعِينْ لَيْهُمْ وَ فِي بَكَانَاتْ الْمَرْعَى هَنَا شَارُونْ لَحَدِّي حُدُودْهُمْ.

نشيد 6:2

حَبِيبِي نَزَلْ فَوْقِي أَنَا جِنَيْنِتَهْ الْمَزْرُوعَةْ بِشَدَرْ الدُّخَّانْ. وَ يَسْرَحْ فِي جِنَيْنِتَهْ وَ يَقْطَعْ النُّوَّارْ.

إشَعْيا 33:9

الْبَلَدْ جَفَّتْ وَ يِبْسَتْ أَيْوَى، لُبْنَانْ يِبْسَتْ وَ الْعَيْب كَرَبْهَا. سَهَلَةْ شَارُونْ بِقَتْ مِثِلْ الصَّحَرَاء وَ تُرَابْ بَاشَانْ وَ جَبَلْ الْكَرْمَلْ وَدَّرَوْا خَضَارْهُمْ.