نشيد 1:5 - الكتاب المقدس بالعربي الدارجي هنا تشاد

⁵ يَا بَنَاتْ مَدِينَةْ الْقُدُسْ، أَنَا سَمْرَةْ وَ لَاكِنْ جَمِيلَةْ، زَرْقَةْ مِثِلْ خِيَمْ السَّيَّارَةْ وَ جَمِيلَةْ مِثِلْ سِتَارَةْ بَيْت سُلَيْمَانْ.

نشيد 1:5 Referenca të Kryqëzuara

2 كُرُنْتُس 5:21

وَ الْمَسِيحْ الْأَبَداً مَا أَذْنَبْ، اللّٰهْ جَعَلَهْ ضَحِيَّةْ فِي شَانْ ذُنُوبْنَا أَشَانْ أَنِحْنَ نَبْقَوْا بَيَّهْ شَعَبْ اللّٰهْ الصَّالِحِينْ.

لُوقا 15:22

«لَاكِنْ أَبُوهْ نَادَى عَبِيدَهْ وَ قَالْ: ‹عَجَلَةْ، جِيبُوا لَيَّهْ أَجْمَلْ خَلَقْ وَ لَبُّسُوهْ لَيَّهْ. وَ دِسُّوا لَيَّهْ خَاتِمْ فِي إِيدَهْ وَ نَعَالْ فِي رِجِلَيْنَهْ.

نشيد 5:16

خَشْمَهْ حَلُو وَ جِسْمَهْ كُلَّ كَيْ مَحْبُوبْ. وَ دَا بَسْ، حَبِيبِي وَ دَا بَسْ، رَفِيقِي. أَعَرْفَنَّهْ، يَا بَنَاتْ مَدِينَةْ الْقُدُسْ.

نشيد 5:8

يَا بَنَاتْ مَدِينَةْ الْقُدُسْ، نَحَلِّفْكَنْ! كَنْ لِقِيتَنْ حَبِيبِي، قُولَنْ لَيَّهْ كَدَرْ أَنَا مِرِضْت مِنْ كَتَرَةْ الشَّهْوَةْ.

نشيد 2:14

«يَا حَمَامْتِي، الْمُلَّبِّدَةْ فِي كَرَاكِيرْ الْجِبَالْ وَ فِي جُرُوفْ الْحُجَارْ. وَصِّفِي لَيِّ وِجِهْكِ وَ خَلِّي نَسْمَعْ حِسِّكِ أَشَانْ حِسِّكِ حَلُو وَ وِجِهْكِ جَمِيلْ.

نشيد 2:7

يَا بَنَاتْ مَدِينَةْ الْقُدُسْ، نَحَلِّفْكَنْ بِجَمَالْ الْغُزْلَانْ وَ أَرَايِلْ الْكَدَادَةْ كَدَرْ مَا تِقَوِّمَنْ وَ لَا تِوَعَّنْ الْحُبّ قَبُلْ وَكْتَهْ.

زَبُور 120:5

أَنَا آسِفْ أَشَانْ قَعَدْت فِي بَلَدْ مَاشَكْ مَعَ نَاسْ فَسْلِينْ وَ سَكَنْت فِي خِيَمْ قِدَارْ أَمْبَيْن نَاسْ هَوَانِينْ.

رَوْمَا 13:14

وَ فِي بَدَلْ الذُّنُوبْ دَوْل، أَرْبُطُوا صُلُبْكُو وَ خُطُّوا فِي عُقُولْكُو إِنْتُو خَدَّامِينْ لِرَبِّنَا عِيسَى الْمَسِيحْ. وَ آبَوْا مَا تِشْتَغُلُوا بِشَهْوَاتْ الْإِنْسَانْ.

لُوقا 13:34

«يَا مَدِينَةْ الْقُدُسْ! يَا مَدِينَةْ الْقُدُسْ! يَا كَتَّالِينْ الْأَنْبِيَاء! إِنْتُو التَّرْجُمُوا النَّاسْ الْاللّٰهْ يِرَسِّلْهُمْ لَيْكُو. كَمْ مَرَّةْ دَوَّرْت نِلِمّ عِيَالْكُو مِثِلْ الْجِدَادَةْ تِلِمّ عِيَالْهَا تِحِتْ جَنَاحَيْهَا. لَاكِنْ إِنْتُو أَبَيْتُوا.

مَتَّى 22:11

«وَ الْمَلِكْ أَنْدَسَّ فِي لُبّ الْبَيْت أَشَانْ يِسَلِّمْ الضِّيفَانْ وَ شَافْ نَادُمْ وَاحِدْ مَا لَابِسْ خَلَقْ هَنَا الْعِرِسْ.

مَتَّى 10:25

وَ التِّلْمِيذْ رَضْيَانْ كَنْ يَبْقَى مِثِلْ سَيِّدَهْ وَ الْعَبِدْ رَضْيَانْ كَنْ يَبْقَى مِثِلْ سِيدَهْ. وَ كَنْ يُقُولُوا سِيدْ الْبَيْت: ‹هُو إِبْلِيسْ›، أَكِيدْ يُقُولُوا نَفْس الشَّيّءْ زِيَادَةْ فِي نَاسْ بَيْتَهْ.

حِزْقِيال 16:14

وَ أُسُمْكِ بِقِي عَالِي فِي أُسْط الْأُمَمْ أَشَانْ جَمَالْكِ كَامِلْ بِسَبَبْ الزِّينَةْ الْأَنَا جَمَّلْتِكِ بَيْهَا.“›» وَ دَا كَلَامْ اللّٰهْ الرَّبّ.

إشَعْيا 61:10

أَيْوَى، أَنَا نَفْرَحْ زِيَادَةْ بِاللّٰهْ وَ نَفْسِي تَفْرَحْ بِإِلٰـهِي. أَشَانْ هُو لَبَّسَانِي خُلْقَانْ النَّجَاةْ وَ كَسَانِي بِجَلَّابِيَّةْ الْعَدَالَةْ. هُو جَمَّلَانِي بِكَدْمُولْ مِثِلْ عَرِيسْ أَيْوَى، مِثِلْ كَدْمُولْ رَاجِلْ الدِّينْ وَ مِثِلْ الْعَرُوسْ الْمُجَمَّلَةْ بِزِينِتْهَا.

إشَعْيا 60:7

وَ كُلَّ غَنَمْ تُرَابْ قِدَارْ يِلِمُّوا فَوْقكِ وَ يِجِيبُوا كُبْشَانْ بَلَدْ نَبَيُوتْ ضَحَايَا. وَ يِقَدُّمُوهُمْ فِي مَدْبَحِي وَ أَنَا نَقْبَلْهُمْ. وَ بَيْتِي الْفَوْقَهْ مَجْدِي، أَنَا نِجَمِّلَهْ.

نشيد 6:4

إِنْتِ جَمِيلَةْ، يَا حَبِيبْتِي، مِثِلْ حِلَّةْ تِرْصَةْ وَ سَمْحَةْ مِثِلْ مَدِينَةْ الْقُدُسْ. إِنْتِ عَجِيبَةْ مِثِلْ دَيْش عَظِيمْ الْمَاشِي بِرَايْتَهْ!

نشيد 4:3

وَ شَلَالِيفْكِ زُرُقْ مِثِلْ الْخَيْط الْأَزْرَقْ وَ خَشُمْكِ جَمِيلْ. وَ خُدُودْكِ مِثِلْ الرُّمَّانَاتْ غَادِي لِلَفَّاحِتْكِ.

1 يُوحَنَّا 3:1

شِفْتُوا كِكَّيْف أَبُونَا يِحِبِّنَا؟ مَحَبَّةْ اللّٰهْ لَيْنَا كَبِيرَةْ بِلْحَيْن وَ بِسَبَبْهَا هُو يِنَادِينَا عِيَالَهْ. وَ صَحِيحْ بِقِينَا عِيَالْ اللّٰهْ. نَاسْ الدُّنْيَا مَا عِرْفَوْنَا أَشَانْ مَا عِرْفَوْا اللّٰهْ.

أفَسُس 5:26

أَشَانْ هِي تَبْقَى أُمَّةْ خَاصَّةْ. هُو طَهَّرَاهَا بِغَطِّسِينْ فِي أَلْمِي وَ بِكَلَامْ اللّٰهْ

غَلاطِية 4:26

لَاكِنْ مَدِينَةْ الْقُدُسْ الْقَاعِدَةْ فَوْق مَعَ اللّٰهْ، هِي حُرَّةْ وَ هِي بَسْ أَمِّنَا.

إشَعْيا 53:2

عَبْد اللّٰهْ كِبِرْ قِدَّامَهْ مِثِلْ بِذْرَةْ وَ مِثِلْ عِرِقْ الْمَرَقْ مِنْ أَرْض جَفَافْ. هُو مَا عِنْدَهْ شَكِلْ وَ لَا عَظَمَةْ لِنِشِيفُوهْ وَ لَا عِنْدَهْ شَبَهْ الْيَعَجِبْ.

نشيد 8:4

يَا بَنَاتْ مَدِينَةْ الْقُدُسْ، نَحَلِّفْكَنْ مَا تِقَوِّمَنْ وَ لَا تِوَعَّنْ الْحُبّ قَبُلْ وَكْتَهْ.

نشيد 3:10

وَ عَمَدْهَا مُجَمَّلِينْ بِفُضَّةْ وَ بَاصُورْهَا بِدَهَبْ. وَ فُرَاشْهَا لَوْنَهْ قَرَضِي وَ بَنَاتْ مَدِينَةْ الْقُدُسْ عَدَّلَنْ دَاخِلْهَا وَ جَمَّلَنَّهْ بِمَحَبَّةْ.

نشيد 3:5

يَا بَنَاتْ مَدِينَةْ الْقُدُسْ، نَحَلِّفْكَنْ بِجَمَالْ الْغُزْلَانْ وَ أَرَايِلْ الْكَدَادَةْ كَدَرْ مَا تِقَوِّمَنْ وَ لَا تِوَعَّنْ الْحُبّ قَبُلْ وَكْتَهْ.

زَبُور 149:4

أَشَانْ اللّٰهْ يَرْضَى بِشَعَبَهْ وَ يِجَمِّلْ الْمَسَاكِينْ بِالنَّجَاةْ.

زَبُور 90:17

خَلِّي رِضَى الرَّبّ إِلٰـهْنَا يُكُونْ مَعَانَا! ثَبِّتْ خِدْمَةْ إِيدَيْنَّا! أَيْوَى، ثَبِّتْ خِدْمَةْ إِيدَيْنَّا.

زَبُور 45:9

بَنَاتْ الْمُلُوكْ قَاعِدَاتْ جَنْبَكْ، لَابْسَاتْ زِينْتَكْ وَ الْمَلِكَةْ وَاقْفَةْ بِزَيْنَايْتَكْ، لَابْسَةْ دَهَبْ صَافِي مِنْ أُفِيرْ.

إشَعْيا 21:16

دَاهُو الرَّبّ قَالْ لَيِّ: «بَعَدْ سَنَةْ وَاحِدَةْ سَوَا سَوَا، كُلَّ شَرَفْ بَلَدْ قِدَارْ يَبْقَى مَا فِيهْ.

حِزْقِيال 27:21

وَ الْعَرَبْ وَ كُلَّ شُيُوخْ قِدَارْ تَاجَرَوْا لَيْكِ حُمْلَانْ وَ كُبْشَانْ وَ تُيُوسْ.