نشيد 1:3 - الكتاب المقدس بالعربي الدارجي هنا تشاد

³ عِطْرَكْ يِنْشَمَّ حَلُو وَ أُسْمَكْ شَتَّتْ مِثِلْ رِيحَةْ الْعِطِرْ. فِي شَانْ دَا، الْبَنَاتْ بِحِبَّنَّكْ.

نشيد 1:3 Referenca të Kryqëzuara

جامِعة 7:1

الْأُسُمْ الطَّالِعْ أَخَيْر مِنْ الْعِطِرْ الْغَالِي. وَ يَوْم الْمَوْت أَخَيْر مِنْ يَوْم الْوَالُودَةْ.

يُوحَنَّا 12:3

وَ مَرْيَمْ جَاتْ وَ جَابَتْ نُصّ لِيتِرْ هَنَا عِطِرْ أَصْلِي وَ غَالِي بِلْحَيْن الْأُسْمَهْ نَارْدِينْ. وَ صَبَّتْ الْعِطِرْ فِي رِجِلَيْن عِيسَى وَ قَشَّتْهُمْ بِشَعَرْهَا. وَ رِيحَةْ الْعِطِرْ سَدَّتْ الْبَيْت مَرَّةْ وَاحِدْ.

نشيد 4:10

حُبِّكِ حَلُو، يَا أَخْتِي، يَا عَرُوسِي. حُبِّكِ حَلُو مِنْ عَصِيرْ الْعِنَبْ! وَ رِيحِتْكِ حَلُوَّةْ مِنْ كُلَّ عِطِرْ الدُّنْيَا.

رُؤية 14:4

هُمَّنْ مَا نَجَّسَوْا نُفُوسْهُمْ مَعَ الْعَوِينْ وَ لَاكِنْ قَاعِدِينْ طَاهِرِينْ مَرَّةْ وَاحِدْ. وَ دَوْل هُمَّنْ الْيِتَابُعُوا الْحَمَلْ فِي أَيِّ بَكَانْ الْهُو يَمْشِي فَوْقَهْ. وَ دَوْل بَسْ النَّاسْ الْهُو فَدَاهُمْ مِنْ أُسْط النَّاسْ وَ هُمَّنْ بِقَوْا خَاصّ لِلّٰهْ وَ لِلْحَمَلْ مِثِلْ أَوَّلْ إِنْتَاجْ هَنَا زَرَعْ هُو خَاصّ لِلّٰهْ.

فِلِبِّي 4:18

وَ كُلَّ شَيّءْ الْأَنَا نِدَوْرَهْ، لِقِيتَهْ خَلَاصْ زِيَادَةْ مِنْ النِّدَوْرَهْ. أَخُوكُو أَبْفَرِيدْ جَابْ الْمُسَاعَدَةْ الرَّسَّلْتُوهَا لَيِّ وَ خَلَاصْ، أَنَا مَبْسُوطْ. وَ الْمُسَاعَدَةْ دِي هِي مِثِلْ هَدِيَّةْ لِلّٰهْ الرِّيحِتْهَا هُو يَرْضَى بَيْهَا وَ يَقْبَلْهَا.

زَبُور 133:2

وَ دَا مِثِلْ دِهِنْ الْمَسَحَانْ الصَّبَّوْه فِي رَاسْ رَاجِلْ الدِّينْ هَارُونْ وَ يِدَلِّي لَحَدِّي دِقْنَهْ، يِدَلِّي لَحَدِّي قَبَّةْ خَلَقَهْ.

زَبُور 45:14

وَدَّوْهَا لِلْمَلِكْ لَابْسَةْ خُلْقَانْهَا الْمُلَوَّنِينْ. وَ رَفِيقَاتْهَا التَّابْعَاتْهَا، وَدَّوْهِنْ لَيْك إِنْتَ، يَا الْمَلِكْ.

مَتَّى 25:1

وَ عِيسَى قَالْ بَتَّانْ: «وَ خَلَاصْ، مَمْلَكَةْ اللّٰهْ هِي مِثِلْ عَشَرَةْ بَنَاتْ. فِي يَوْم الْعِرِسْ، شَالَنْ فَوَانِيسْ الْيَخْدُمُوا بِدِهِنْ وَ مَشَنْ أَشَانْ يِلَاقَنْ الْعَرِيسْ.

إشَعْيا 61:3

هُو رَسَّلَانِي لِنَاسْ صَهْيُون الْقَاعِدِينْ فِي الْحِزِنْ أَشَانْ نَنْطِيهُمْ كَدْمُولْ جَمِيلْ بَدَلْ الرُّمَادْ الْفِي رَاسْهُمْ وَ دِهِنْ السُّرُورْ بَدَلْ الْحِزِنْ وَ لُبَاسْ الشُّكُرْ بَدَلْ الرُّوحْ الضَّعِيفَةْ. وَ يِسَمُّوهُمْ شَدَرْ الْعَدَالَةْ الْاللّٰهْ مَقَنَهْ لِيِوَصِّفْ مَجْدَهْ.

نشيد 5:13

وَ دِقْنَهْ مِثِلْ جِنَيْنَةْ الْمَزْرُوعَةْ بِرِيحَةْ التِّقَوِّمْ شَدَرْ الدُّخَّانْ. وَ شَلَالِيفَهْ مِثِلْ نُوَّارْ السِّتَّيْب وَ يِنَقِّطْ مِنْهُمْ الْعِطِرْ.

2 كُرُنْتُس 11:2

أَنَا عِنْدِي مَحَبَّةْ شَدِيدَةْ لَيْكُو وَ مَحَبِّتِي دِي جَايَةْ مِنْ اللّٰهْ. أَنَا مِثِلْ أَبُو الْبِنَيَّةْ اللِّسَّاعْهَا مَا شَافَتْ رَاجِلْ وَ إِنْتُو بَسْ الْبِنَيَّةْ. وَ أَنَا سَوَّيْت مَوْعِدْ أَشَانْ الْبِنَيَّةْ دِي تَاخُدْ رَاجِلْ وَاحِدْ وَ هُو الْمَسِيحْ. وَ نِدَوْر نِقَدِّمْكُو لَيَّهْ مِثِلْ بِنَيَّةْ الْمَا عِنْدَهَا عَيْب.

نشيد 3:6

يَاتُو الْجَايِ مِنْ الصَّحَرَاءْ وَ عَجَاجَهْ مِثِلْ دُخَّانْ الطَّالِعْ؟ يَاتُو الْمُعَطَّرْ بِصَنْدَلْ وَ لُبَانْ وَ بِكُلَّ دُخَّانْ التُّجَّارْ؟

أمْثال 27:9

الْعِطِرْ وَ الْبَخُورْ يِفَرُّحُوا الْقَلِبْ وَ حُبّ الرَّفِيقْ يِنْلَقِي فِي وَصِيّتَهْ النَّافِعْ.

نشيد 5:5

وَ قَمَّيْت لِنَفْتَحْ لِحَبِيبِي وَ عِطِرْ سَالْ مِنْ إِيدَيْنِي. وَ مِنْ أَصَابْعِي، الْعِطِرْ مَلَتْ تَرْبَازْ الْبَابْ.

خُروج 33:12

وَ مُوسَى قَالْ لِلّٰهْ: «إِنْتَ دَوَّرْت مِنِّي أَنَا نُقُودْ الشَّعَبْ دَا. وَ لَاكِنْ مَا عَرَّفْتِنِي يَاتُو التِّرَسِّلَهْ مَعَايِ. وَ بَتَّانْ إِنْتَ قُلْت لَيِّ: ‹أَنَا بَسْ عَزَلْتَكْ وَ رِضِيتْ لَيْك.›

نشيد 6:8

مُمْكِنْ مَلِكْ الْبَلَدْ عِنْدَهْ 60 مَلِكَاتْ وَ 80 سِرِّيَّاتْ وَ بَنَاتْ عُدْرِيَّاتْ بَلَا عَدَدْ.

خُروج 33:19

وَ اللّٰهْ قَالْ: «نِوَصِّفَكْ كُلَّ خَيْرِي وَ نِعَالِنْ لَيْك أُسْمِي هُو اللّٰهْ. وَ أَنَا نِحِنّ أَيِّ نَادُمْ النِّدَوْر نِحِنَّهْ وَ نَرْحَمْ أَيِّ نَادُمْ النِّدَوْر نَرْحَمَهْ.