نشيد 1:2 - الكتاب المقدس بالعربي الدارجي هنا تشاد

² حِبِّنِي! مِنْ فَضْلَكْ، حِبِّنِي! أَشَانْ حُبَّكْ حَلُو مِنْ عَصِيرْ الْعِنَبْ.

نشيد 1:2 Referenca të Kryqëzuara

نشيد 4:10

حُبِّكِ حَلُو، يَا أَخْتِي، يَا عَرُوسِي. حُبِّكِ حَلُو مِنْ عَصِيرْ الْعِنَبْ! وَ رِيحِتْكِ حَلُوَّةْ مِنْ كُلَّ عِطِرْ الدُّنْيَا.

نشيد 1:4

شِيلْنِي مَعَاكْ. يَلَّا نَجْرُوا! يَا مَلِكِي، وَدِّينِي فِي غُرْفِتَكْ وَ هِنَاكْ، نَلْعَبَوْا وَ نَفْرَحَوْا سَوَا. وَ نِذَّكَّرَوْا حُبَّكْ الْحَلُو مِنْ عَصِيرْ الْعِنَبْ. الْبِحِبَّنَّكْ عِنْدِهِنْ حَقّ!

زَبُور 36:7

رَحْمَتَكْ غَالِيَةْ، يَا رَبّ، وَ بَنِي آدَم يَلْجَأَوْا تِحِتْ جَنَاحَيْك.

لُوقا 15:20

«وَ قَمَّ مَاشِي بَيْت أَبُوهْ. وَ وَكِتْ الْوِلَيْد لِسَّاعْ جَايِ فِي الدَّرِبْ، أَبُوهْ شَافَهْ مِنْ بَعِيدْ وَ حَنَّ فَوْقَهْ بِلْحَيْن. وَ جَرَى لَاقَاهْ وَ حَضَنَهْ وَ حَبَّاهْ.

مَتَّى 26:26

وَ وَكِتْ قَاعِدِينْ يِلْعَشَّوْا، عِيسَى شَالْ خُبْزَةْ وَاحِدَةْ وَ شَكَرْ اللّٰهْ وَ كَسَرْهَا وَ أَنْطَاهَا لِتَلَامِيذَهْ وَ قَالْ: «شِيلُوهْ وَ آكُلُوهْ. دَا جِسْمِي.»

إشَعْيا 25:6

اللّٰهْ الْقَادِرْ يِسَوِّي عَازُومَةْ لِكُلَّ الشُّعُوبْ فِي جَبَلْ صَهْيُون. وَ يِقَدِّمْ فَوْقهَا لَحَمْ سَمِينْ وَ خَمَرْ قَدِيمْ. أَيْوَى، يِقَدِّمْ لَحَمْ سَمِينْ وَ مُخّ وَ خَمَرْ قَدِيمْ صَافِي.

نشيد 7:12

وَ بِفَجُرْ بَدْرِي، نَمْشُوا فِي جِنَيْنَةْ الْعِنَبْ وَ نِشِيفُوا كَنْ الْعِنَبْ نَوَّرْ وَ كَنْ نُوَّارَهْ أَلْفَتَّحْ وَ كَنْ الرُّمَّانْ نَوَّرْ وَ فِي الْبَكَانْ دَاكْ، أَنَا نَنْطِيكْ نَفْسِي.

نشيد 7:9

وَ خَشُمْكِ يَبْقَى لَذِيذْ مِثِلْ عَصِيرْ الْعِنَبْ الْأَحْسَنْ. أَيْوَى، الْعَصِيرْ دَا يِسِيلْ بِسُهُولَةْ فِي الشَّلَالِيفْ وَ السُّنُونْ.

نشيد 2:4

هُو وَدَّانِي فِي بَيْت الْعَازُومَةْ وَ غَطَّانِي بِحُبَّهْ.

زَبُور 2:12

كَرُّمُوا إِبْنَهْ، الْمَلِكْ الْهُو عَزَلَهْ وَ بَيْدَا، اللّٰهْ مَا يَزْعَلْ فَوْقكُو. وَ زَعَلَهْ مَا يِدَمِّرْكُو أَشَانْ هُو قَرِيبْ يَزْعَلْ فَوْقكُو. مَبْرُوكْ لِلنَّاسْ الْيَلْجَأَوْا لِلّٰهْ!

أعمال الرُسُل 21:7

وَ مَشَيْنَا قِدَّامْ مِنْ صُورْ لِحِلَّةْ بُتُلَامَايِسْ. وَ دَخَلْنَا فِي الْحِلَّةْ وَ سَلَّمْنَا الْأَخْوَانْ الْقَاعِدِينْ فَوْقهَا وَ قَعَدْنَا مَعَاهُمْ يَوْم وَاحِدْ.

نشيد 7:6

إِنْتِ جَمِيلَةْ وَ حَلُوَّةْ، يَا حَبِيبْتِي الْبِنْت اللَّذِيذَةْ.

نشيد 5:16

خَشْمَهْ حَلُو وَ جِسْمَهْ كُلَّ كَيْ مَحْبُوبْ. وَ دَا بَسْ، حَبِيبِي وَ دَا بَسْ، رَفِيقِي. أَعَرْفَنَّهْ، يَا بَنَاتْ مَدِينَةْ الْقُدُسْ.

1 بُطْرُس 5:14

أَسَّالَمَوْا أَمْبَيْنَاتْكُو بِسَلَامْ الْمَحَبَّةْ. السَّلَامْ عَلَيْكُمْ كُلُّكُو إِنْتُو الْعِنْدُكُو عَلَاقَةْ مَعَ الْمَسِيحْ.

تكوين 45:15

يُوسُفْ قَاعِدْ يَبْكِي وَ يِحِبّ أَخْوَانَهْ الْآخَرِينْ كُلَ وَ فِي الْبَكَانْ دَا، هُمَّنْ قِدْرَوْا حَجَّوْا لَيَّهْ.

تكوين 29:11

وَ بَعَدَيْن، حَبَّاهَا لِرَاحِيلْ وَ قَمَّ يَبْكِي.