نشيد 1:12 - الكتاب المقدس بالعربي الدارجي هنا تشاد

¹² وَكِتْ مَلِكِي قَاعِدْ فِي أُسُطْ رُفْقَانَهْ، رِيحَةْ عِطْرِي أَنْشَمَّتْ.

نشيد 1:12 Referenca të Kryqëzuara

يُوحَنَّا 12:3

وَ مَرْيَمْ جَاتْ وَ جَابَتْ نُصّ لِيتِرْ هَنَا عِطِرْ أَصْلِي وَ غَالِي بِلْحَيْن الْأُسْمَهْ نَارْدِينْ. وَ صَبَّتْ الْعِطِرْ فِي رِجِلَيْن عِيسَى وَ قَشَّتْهُمْ بِشَعَرْهَا. وَ رِيحَةْ الْعِطِرْ سَدَّتْ الْبَيْت مَرَّةْ وَاحِدْ.

رُؤية 3:20

شِيفْ، أَنَا مِثِلْ نَادُمْ وَاقِفْ فِي الدَّرِبْ وَ يُدُقّ فِي الْبَابْ. كَنْ أَيِّ نَادُمْ يَسْمَعْنِي وَ يَفْتَحْ لَيِّ الْبَابْ، أَنَا نَدْخُلْ فِي بَيْتَهْ وَ نَاكُلْ مَعَايَهْ وَ هُو يَاكُلْ مَعَايِ.

فِلِبِّي 4:18

وَ كُلَّ شَيّءْ الْأَنَا نِدَوْرَهْ، لِقِيتَهْ خَلَاصْ زِيَادَةْ مِنْ النِّدَوْرَهْ. أَخُوكُو أَبْفَرِيدْ جَابْ الْمُسَاعَدَةْ الرَّسَّلْتُوهَا لَيِّ وَ خَلَاصْ، أَنَا مَبْسُوطْ. وَ الْمُسَاعَدَةْ دِي هِي مِثِلْ هَدِيَّةْ لِلّٰهْ الرِّيحِتْهَا هُو يَرْضَى بَيْهَا وَ يَقْبَلْهَا.

مَرْخُوس 14:3

وَ عِيسَى قَاعِدْ فِي بَيْت سِمْعَانْ الْمُجَدِّمْ فِي حِلَّةْ بَيْت عَنْيَا. وَ وَكِتْ هُو قَاعِدْ يَاكُلْ، مَرَةْ وَاحِدَةْ جَاتْ لَيَّهْ وَ جَابَتْ مَاعُونْ هَنَا حَجَرْ مَلَانْ عِطِرْ أَصْلِي وَ غَالِي بِلْحَيْن الْأُسْمَهْ نَارْدِينْ. وَ هِي فَكَّتْ الْمَاعُونْ دَا وَ صَبَّتْ الْعِطِرْ كُلَّ كَيْ فِي رَاسْ عِيسَى.

مَتَّى 25:34

«وَ الْمَلِكْ يِحَجِّي لِلنَّاسْ الْقَاعِدِينْ فِي نُصَّهْ الزَّيْنَايْ وَ يُقُولْ: ‹أَبُويِ بَارَكَاكُو. تَعَالُوا، شِيلُوا وَرَثَتْكُو وَ هِي الْمَمْلَكَةْ الْاللّٰهْ جَهَّزَاهَا لَيْكُو مِنْ هُو خَلَقْ الدُّنْيَا.

مَتَّى 22:11

«وَ الْمَلِكْ أَنْدَسَّ فِي لُبّ الْبَيْت أَشَانْ يِسَلِّمْ الضِّيفَانْ وَ شَافْ نَادُمْ وَاحِدْ مَا لَابِسْ خَلَقْ هَنَا الْعِرِسْ.

مَتَّى 22:4

وَ الْمَلِكْ رَسَّلْ عَبِيدْ آخَرِينْ وَ قَالْ لَيْهُمْ: ‹قُولُوا لِلنَّاسْ الْعَزَمْتُهُمْ: ”دَاهُو، أَنَا جَهَّزْت الْأَكِلْ خَلَاصْ. تِيرَانِي وَ عَجَّالِي الْعَدِيلِينْ دَبَحْتُهُمْ وَ كُلَّ شَيّءْ جَاهِزْ. تَعَالُوا لِلْعَازُومَةْ.“›

نشيد 7:5

وَ رَاسْكِ فَوْق مِثِلْ جَبَلْ الْكَرْمَلْ. وَ شَعَرْكِ أَزْرَقْ كُرُمْ وَ أَنَا مَلِكِّ مَضْفُورْ فِي مُشَاطْكِ.

زَبُور 45:1

قَلْبِي أَنْمَلَى بِكَلَامْ جَمِيلْ وَ أَنَا قُلْت شِعِرْ وَ عَظَّمْت الْمَلِكْ. وَ خَلِّي لِسَانِي يَبْقَى مِثِلْ قَلَمْ هَنَا كَاتِبْ مُتَخَصِّصْ.

نشيد 1:11

نِسَوُّوا لَيْكِ خُرُوس هَنَا دَهَبْ وَ زِينَةْ هِنْت فُضَّةْ.