رَعُوث 4:1 - الكتاب المقدس بالعربي الدارجي هنا تشاد

¹ وَ وَكِتْ بُعَازْ قَبَّلْ، مَشَى قَعَدْ فِي خَشُمْ بَابْ الْحِلَّةْ وَ دَا بَكَانْ الْمَلَمَّةْ. وَ الرَّاجِلْ الْوَرِيثْ الْهُو كَلَّمْ بَيَّهْ لِرَعُوثْ كُلَ جَاءْ فَايِتْ. وَ بُعَازْ قَالْ لَيَّهْ: «تَعَالْ، يَا قَرِيبِي، وَ أَقْعُدْ هِنِي.» وَ خَلَاصْ الرَّاجِلْ دَا جَاءْ قَعَدْ جَنْبَهْ.

رَعُوث 4:1 Referenca të Kryqëzuara

رَعُوث 3:12

صَحِيحْ، أَنَا وَرِيثْ لِرَاجِلْكِ لَاكِنْ وَرِيثْ آخَرْ قَرِيبْ لَيَّهْ زِيَادَةْ مِنِّي أَنَا كُلَ فِي.

تَثْنِية 25:7

وَ كَنْ الرَّاجِلْ دَا أَبَى مَا يَاخُدْ حَمَاتَهْ مَرِةْ أَخُوهْ، هِي تَمْشِي فِي خَشُمْ بَابْ الْمَدِينَةْ وَ تُقُولْ لِلشُّيُوخْ: «حَمَايِ أَبَى مَا يِعَلِّي أُسُمْ أَخُوهْ فِي إِسْرَائِيلْ. وَ أَبَى مَا يُقُمّ بِوَاجْبَهْ هَنَا الْحَمَى.»

تَثْنِية 16:18

وَ خُطُّوا لَيْكُو قُضْيَاءْ وَ مُرَاقِبِينْ فِي كُلَّ الْمُدُنْ الْيَنْطِيهُمْ لَيْكُو اللّٰهْ إِلٰـهْكُو حَسَبْ قَبَايِلْكُو، لِيَحْكُمُوا بَيْن الشَّعَبْ بِالْحَقّ.

عَمُوس 5:15

أَكْرَهَوْا الشَّرّ وَ حِبُّوا الْخَيْر وَ أَنْصُرُوا الْحَقّ فِي الشَّرِيعَةْ. وَ بَيْدَا، أَكُونْ اللّٰهْ الْإِلٰـهْ الْقَادِرْ يِحِنّ فِي الْفَضَّلَوْا مِنْ ذُرِّيَّةْ يُوسُفْ.

أيُّوب 31:21

حَتَّى كَنْ أَنَا مُهِمّ فِي خَشُمْ بَابْ الْحِلَّةْ كُلَ، أَنَا مَا رَفَعْت إِيدِي لِنِخَوِّفْ أَتِيمْ.

أيُّوب 29:7

وَ دَا وَكِتْ نَمْرُقْ عَلَيْ خَشُمْ بَابْ الْحِلَّةْ وَ نَقْعُدْ فِي نَقَعَةْ الْمَلَمَّةْ.

تَثْنِية 21:19

خَلَاصْ أَمَّهْ وَ أَبُوهْ يَكُرْبُوهْ وَ يِوَدُّوهْ لِلشُّيُوخْ فِي خَشُمْ بَابْ الْمَدِينَةْ الْهُو سَاكِنْ فَوْقهَا.

زَكَرِيَّا 2:6

دَاهُو كَلَامْ اللّٰهْ: «يَلَّا! يَلَّا! إِنْتُو الْأَنَا شَتَّتُّكُو فِي الْجِيهَاتْ الْأَرْبَعَةْ، عَرُّدُوا مِنْ بَلَدْ الْمُنْشَاقْ! وَ دَا كَلَامْ اللّٰهْ.

إشَعْيا 55:1

«يَا إِنْتُو الْعَطْشَانِينْ! تَعَالُوا عَلَيْ الْأَلْمِي حَتَّى إِنْتُو الْمَا عِنْدُكُو قُرُسْ كُلَ، تَعَالُوا! تَعَالُوا أَشْرُوا مَعَاشْ وَ آكُلُوا! بَلَا قُرُسْ وَ بَلَا مَا تِكَفُّوا شَيّءْ، تَعَالُوا أَشَرْبَوْا خَمَرْ وَ لَبَنْ.

تَثْنِية 17:5

خَلَاصْ فِي الْبَكَانْ دَا، جِيبُوا الرَّاجِلْ أَوْ الْمَرَةْ السَّوَّى الْفَسَالَةْ دِي فِي خَشُمْ بَابْ الْمَدِينَةْ وَ أَرْجُمُوهْ لَحَدِّي يُمُوتْ.

تكوين 23:10

وَ عَفْرُونْ قَاعِدْ فِي لُبّ الْحِتِّيِّينْ وَ رَدَّ لِإِبْرَاهِيمْ قِدَّامْ كُلَّ الْحِتِّيِّينْ الْجَوْا قَاعِدِينْ فِي خَشُمْ بَابْ الْحِلَّةْ وَ قَالْ:

تكوين 34:20

وَ حَمُورْ مَعَ وِلَيْدَهْ شَكِيمْ مَشَوْا فِي خَشُمْ بَابْ حِلِّتْهُمْ، الْبَكَانْ النَّاسْ يِلِمُّوا فَوْقَهْ. وَ حَجَّوْا لِنَاسْ الْحِلَّةْ

يَشُوع 20:4

وَ الْكَاتِلْ يَجْرِي لِوَاحِدَةْ مِنْ الْمُدُنْ دَوْل وَ وَكِتْ يِوَصِّلْ فِي خَشُمْ بَابْ الْمَدِينَةْ، هُو يِقَابِلْ كُبَارَاتْ الْمَدِينَةْ وَ يِحَجِّي لَيْهُمْ مُشْكِلْتَهْ. بَعَدْ دَا، هُمَّنْ يَنْطُوا إِذِنْ يَدْخُلْ فِي مَدِينِتْهُمْ وَ يَنْطُوهْ بَكَانْ يَقْعُدْ فِي أُسُطْهُمْ.

رَعُوث 3:18

وَ نَعِيمَةْ رَدَّتْ وَ قَالَتْ: «أَرْجَيْ، يَا بِنَيِّتِي، وَ نِشِيفُوا الشَّيّءْ الْيَبْقَى. أَشَانْ الرَّاجِلْ دَا مَا يِنْجَمَّ الْيَوْم لَحَدِّي يِكَمِّلْ الشَّيّءْ دَا.»

2 صَمُوِيل 15:2

وَ بِفَجُرْ بَدْرِي، أَبْشَلُومْ يُقُمّ وَ يَقِيفْ فِي خَشُمْ الدَّرِبْ هَنَا مَدَخَلْ الْحِلَّةْ. وَ كُلِّ وَكِتْ كَنْ نَادُمْ عِنْدَهْ مُشْكِلَةْ وَ جَايِ بَكَانْ الْمَلِكْ أَشَانْ يِسَوِّي لَيَّهْ شَرِيعَةْ، أَبْشَلُومْ يِوَقِّفَهْ وَ يُقُولْ لَيَّهْ: «إِنْتَ مِنْ حِلَّةْ الْوَيْنِي؟» وَ أَكُونْ النَّادُمْ دَا يُقُولْ: «أَنَا عَبْدَكْ جَايِ مِنْ قَبِيلَةْ وَاحِدَةْ هَنَا بَنِي إِسْرَائِيلْ.»

2 أخبار 18:9

وَ مَلِكْ مَمْلَكَةْ إِسْرَائِيلْ وَ يَهُوشَفَطْ مَلِكْ مَمْلَكَةْ يَهُوذَا أَيِّ وَاحِدْ لَابِسْ خَلَقَهْ هَنَا الْمُلُكْ وَ قَعَدَوْا فِي كَرَاسِيهُمْ فِي الْمَدَقّ جَنْب خَشُمْ بَابْ مَدِينَةْ السَّامِرَةْ. وَ كُلَّ الْأَنْبِيَاء قَاعِدِينْ يِتْنَبَّأَوْا قِدَّامْهُمْ.

زَبُور 69:12

وَ نَاسْ فِي بَابْ الْمَدِينَةْ يِحَجُّوا بَيِّ وَ أَنَا بِقِيتْ غِنَّيَّةْ لِلسَّكَّارَى.

أمْثال 31:23

وَ رَاجِلْهَا مُكَرَّمْ فِي حِلِّتَهْ وَكِتْ يَقْعُدْ مَعَ شُيُوخْ قَبِيلْتَهْ.

إرْمِيا 32:10

وَ كَتَبْت مَكْتُوبْ الْمُبَايَعَةْ وَ خَطَّيْت فَوْقَهْ خِتْمِي وَ دَا قِدَّامْ الشُّهُودْ الْأَنَا نَادَيْتهُمْ. وَ وَزَنْت الْفُضَّةْ فِي الْمِيزَانْ.

تكوين 19:1

وَكِتْ الْمَلَائِكَةْ الْإِتْنَيْن وَصَّلَوْا فِي سَدُومْ بِعَشِيَّةْ، لُوطْ قَاعِدْ فِي خَشُمْ بَابْ الْمَدِينَةْ. وَ وَكِتْ شَافَاهُمْ، قَمَّ لَاقَاهُمْ وَ سَجَدْ قِدَّامْهُمْ.