رَعُوث 3:1 - الكتاب المقدس بالعربي الدارجي هنا تشاد

¹ وَ يَوْم وَاحِدْ، نَعِيمَةْ قَالَتْ لِرَعُوثْ: «يَا بِنَيِّتِي، كَنْ نِفَتِّشْ لَيْكِ الرَّاحَةْ دَا، مَا أَخَيْر؟

رَعُوث 3:1 Referenca të Kryqëzuara

رَعُوث 1:9

وَ خَلِّي اللّٰهْ يَنْطِيكَنْ لِأَيِّ وَاحِدَةْ بَيْت بَارِدْ بَكَانْ رَاجِلْهَا!» وَ هِي حَبَّتْ كُلِّ وَاحِدَةْ مِنْهِنْ. وَ خَلَاصْ هِنَّ بَكَنْ شَدِيدْ

1 تِمُوتَاوُس 5:8

وَ أَيِّ نَادُمْ الْيَابَى مَا يِرَيِّسْ أَهَلَهْ وَ خَاصَّةً نَاسْ بَيْتَهْ، هُو نَكَرْ الْإِيمَانْ خَلَاصْ. نَادُمْ كَافِرْ أَخَيْر مِنَّهْ.

1 تِمُوتَاوُس 5:14

أَشَانْ دَا، نِدَوْر أَيِّ مَرَةْ صَبِيَّةْ الرَّاجِلْهَا مَاتْ تَاخُدْ وَ تَلْدَ عِيَالْ وَ تِرَيِّسْ نَاسْ بَيْتهَا وَ خَلَاصْ مَا تَنْطِي فُرْصَةْ لِنَاسْ هَنَا إِبْلِيسْ أَشَانْ يُقُولُوا فَوْقنَا كَلَامْ شَيْن.

زَبُور 128:2

وَ إِنْتَ تَفْرَحْ بِالْمَعَاشْ التَّلْقَى مِنْ خِدِمْتَكْ وَ تِنْبَسِطْ وَ تَلْقَى الْخَيْر.

1 كُرُنْتُس 7:36

كَنْ أَيِّ نَادُمْ مِنْكُو كَرَبْ رَاسْ بِنَيَّةْ وَ أَخَّرْ مَوْعِدْ الشَّيْلِينْ وَ هُو فَكَّرْ كَدَرْ التَّأخِيرْ دَا بِقِي قَاسِي لِلْبِنَيَّةْ أَوْ يِدَوْر يِشِيلْهَا أَشَانْ شَهْوَتَهْ بِقَتْ شَدِيدَةْ، خَلَاصْ خَلِّي يِشِيلْهَا. خَلِّي يِلْآخَدَوْا. دَا مَا خَطَا.

تَثْنِية 4:40

وَ إِنْتُو وَ لِعِيَالْكُو، أَحْفَضَوْا الشُّرُوطْ وَ الْوَصَايَا النَّامُرْكُو بَيْهُمْ الْيَوْم أَشَانْ تَلْقَوْا الْخَيْر وَ عُمُرْكُو كُلَ يَبْقَى طَوِيلْ فِي الْأَرْض الْأَنْطَاهَا لَيْكُو اللّٰهْ إِلٰـهْكُو لِلْأَبَدْ.

تكوين 40:14

وَ وَكِتْ قَبَّلْت فِي خِدِمْتَكْ، مَا تَنْسَانِي سَوِّي لَيِّ الْخَيْر وَ حَجِّي بَيِّ لِلْمَلِكْ أَشَانْ يَمْرُقْنِي مِنْ السِّجِنْ.

رَعُوث 2:23

وَ خَلَاصْ، رَعُوثْ خَدَمَتْ مَعَ خَدَّامَاتْ بُعَازْ فِي لَقِّطِينْ الْقَنَادِيلْ لَحَدِّي لَمِّينْ الْقَمَحْ الْأَبْيَضْ وَ الْأَحْمَرْ كُلَّ كَمَّلْ. وَ هِي سَكَنَتْ مَعَ نَسِيبِتْهَا أَمّ رَاجِلْهَا.

رَعُوث 3:2

وَ هَسَّعْ تَعَرْفِي كَدَرْ بُعَازْ الْإِنْتِ خَدَمْتِ مَعَ خَدَّامَاتَهْ دَا، هُو قَرِيبْنَا. وَ اللَّيْلَةْ دِي، هُو يَجِي فِي الْمَدَقّ لِيِضَرِّي قَمَحَهْ.