رَعُوث 2:16 - الكتاب المقدس بالعربي الدارجي هنا تشاد

¹⁶ وَ لَاكِنْ دَفُّقُوا لَيْهَا بِنِيِّتْكُو قَنَادِيلْ مِنْ الْجُرُونْ وَ خَلُّوهَا تِلَقِّطْهُمْ، مَا تِخَوُّفُوهَا.»

رَعُوث 2:16 Referenca të Kryqëzuara

رَوْمَا 12:13

سَاعُدُوا الصَّالِحِينْ الْمُحْتَاجِينْ وَ ضَيُّفُوا بِفَرَحْ الضِّيفَانْ الْيَجُوكُو.

عِبْرَانِيِّين 6:10

أَشَانْ اللّٰهْ مَا ظَالِمْ لِيَنْسَى خِدْمِتْكُو فِي شَانْ أُسْمَهْ وَ الْمَحَبَّةْ الْوَصَّفْتُوهَا لَيَّهْ بِمُسَاعَدَتْكُو لِأَخْوَانْكُو الصَّالِحِينْ. وَ يَا هَسَّعْ إِنْتُو قَاعِدِينْ تِسَاعُدُوهُمْ.

فِلِمُون 1:7

وَ بِالصَّحِيحْ، يَا أَخُويِ، خَبَرْ هَنَا مَحَبِّتَكْ أَنْطَانِي فَرْحَةْ كَبِيرَةْ وَ شَجَاعَةْ شَدِيدَةْ أَشَانْ الشَّيّءْ الْإِنْتَ سَوَّيْتَهْ فَرَّحْ قُلُوبْ الصَّالِحِينْ.

مَتَّى 25:40

وَ الْمَلِكْ يُقُولْ لَيْهُمْ: ‹نُقُولْ لَيْكُو الْحَقّ، كَنْ سَوَّيْتُوا شَيّءْ مِثِلْ دَا لِوَاحِدْ مِنْ أَخْوَانِي الصُّغَارْ دَوْل، دَا مِثِلْ سَوَّيْتُوهْ لَيِّ أَنَا.›

أمْثال 19:17

الْمَحَنَّةْ فِي الْمِسْكِينْ دَيْن. اللّٰهْ يِكَفِّيهْ لِسِيدَهْ.

زَبُور 112:9

هُو يَنْطِي لِلْمَسَاكِينْ بِجُودْ وَ عَدَالْتَهْ تَقْعُدْ دَايْماً وَ بِشَرَفْ، هُو يَرْفَعْ رَاسَهْ.

رَعُوث 2:15

وَ بَعَدْ هِي قَمَّتْ تِلَقِّطْ، بُعَازْ أَمَرْ خَدَّامِينَهْ وَ قَالْ: «خَلُّوهَا تِلَقِّطْ الْقَنَادِيلْ الْمُدَفِّقِينْ أَمْبَيْنَاتْ الْجُرُونْ. مَا تِآذُوهَا.

رَعُوث 2:17

وَ رَعُوثْ لَقَّطَتْ فِي الزَّرَعْ دَا لَحَدِّي الْعَشِيَّةْ. وَ شَكَّتْ الْقَمَحْ الْأَبْيَضْ اللَّمَّتَهْ وَ بِقِي قَرِيبْ 10 كَوْرَوْ.