رَعُوث 1:9 - الكتاب المقدس بالعربي الدارجي هنا تشاد

⁹ وَ خَلِّي اللّٰهْ يَنْطِيكَنْ لِأَيِّ وَاحِدَةْ بَيْت بَارِدْ بَكَانْ رَاجِلْهَا!» وَ هِي حَبَّتْ كُلِّ وَاحِدَةْ مِنْهِنْ. وَ خَلَاصْ هِنَّ بَكَنْ شَدِيدْ

رَعُوث 1:9 Referenca të Kryqëzuara

رَعُوث 3:1

وَ يَوْم وَاحِدْ، نَعِيمَةْ قَالَتْ لِرَعُوثْ: «يَا بِنَيِّتِي، كَنْ نِفَتِّشْ لَيْكِ الرَّاحَةْ دَا، مَا أَخَيْر؟

أعمال الرُسُل 20:37

وَ كُلُّهُمْ بَكَوْا وَ حَضَنَوْا بُولُسْ وَ حَبَّوْه.

تكوين 45:15

يُوسُفْ قَاعِدْ يَبْكِي وَ يِحِبّ أَخْوَانَهْ الْآخَرِينْ كُلَ وَ فِي الْبَكَانْ دَا، هُمَّنْ قِدْرَوْا حَجَّوْا لَيَّهْ.

تكوين 29:11

وَ بَعَدَيْن، حَبَّاهَا لِرَاحِيلْ وَ قَمَّ يَبْكِي.

تكوين 27:27

وَ يَعْقُوبْ قَرَّبْ لَيَّهْ وَ حَبَّاهْ. وَ إِسْحَاقْ شَمَّ الرِّيحَةْ هِنْت خُلْقَانَهْ وَ قَمَّ بَارَكَهْ وَ قَالْ: «أَيْوَى! الرِّيحَةْ دِي هِنْت وِلَيْدِي! هِي مِثِلْ رِيحَةْ هِنْت زَرَعْ الْاللّٰهْ بَارَكَهْ.

رَعُوث 1:8

وَ وَكِتْ مَاشَاتْ فِي الدَّرِبْ، نَعِيمَةْ قَالَتْ لِعَوِينْ أَوْلَادْهَا: «هَسَّعْ دَا، خَلِّي أَيِّ وَاحِدَةْ مِنْكَنْ تِقَبِّلْ لِبَيْت أَمَّهَا. وَ خَلِّي اللّٰهْ يِسَوِّي لَيْكَنْ الْخَيْر مِثِلْ إِنْتَنْ سَوَّيْتَنَّهْ لِلْمَاتَوْا وَ لَيِّ أَنَا.

رَعُوث 1:10

وَ قَالَنْ لِنَعِيمَةْ: «لَا، أَنِحْنَ نَمْشُوا مَعَاكِ بَكَانْ أَهَلْكِ.»

تكوين 31:28

وَ إِنْتَ مَا خَلَّيْتنِي حَبَّيْت عِيَالْ بَنَاتِي وَ أَمَّهَاتْهُمْ. إِنْتَ سَوَّيْت الشَّيّءْ دَا بَلَا فِكِرْ.