رَعُوث 1:16 - الكتاب المقدس بالعربي الدارجي هنا تشاد

¹⁶ وَ رَعُوثْ رَدَّتْ لِنَسِيبِتْهَا وَ قَالَتْ: «مَا تَجْبُرِينِي لِنِخَلِّيكِ وَ نِقَبِّلْ مِنْكِ! فِي أَيِّ بَكَانْ التَّمْشِي، نَمْشِي مَعَاكِ وَ فِي أَيِّ بَكَانْ التَّسْكُنِي، نَسْكُنْ مَعَاكِ. أَهَلْكِ يَبْقَوْا أَهَلِي وَ إِلٰـهْكِ يَبْقَى إِلٰـهِي.

رَعُوث 1:16 Referenca të Kryqëzuara

2 صَمُوِيل 15:21

وَ لَاكِنْ إِتَّايْ رَدَّ لِلْمَلِكْ وَ قَالْ: «نَحْلِفْ بِاللّٰهْ الْحَيّ وَ بِحَيَاتَكْ إِنْتَ الْمَلِكْ، فِي أَيِّ بَكَانْ السِّيدِي الْمَلِكْ يَمْشِي لِيِعِيشْ أَوْ يُمُوتْ، أَنَا عَبْدَكْ كُلَ نَمْشِي.»

زَبُور 45:10

أَسْمَعَيْ، يَا بِنَيَّةْ الْمَلِكْ! شِيفِي وَ خُطِّي أَدَانْكِ! أَنْسَيْ شَعَبْكِ وَ عَايِلِتْكِ.

مَتَّى 8:19

وَ وَاحِدْ مِنْ الْعُلَمَاءْ جَاءْ لَيَّهْ وَ قَالْ: «يَا سَيِّدْنَا، نِتَابِعَكْ فِي أَيِّ بَكَانْ التَّمْشِي فَوْقَهْ.»

يُوحَنَّا 13:37

وَ بُطْرُسْ سَأَلَهْ وَ قَالْ: «سَيِّدْنَا، مَالَا مَا نَقْدَرْ نِتَابِعَكْ هَسَّعْ؟ أَنَا جَاهِزْ نِتَابِعَكْ لَحَدِّي نَفْدَاكْ بِرُوحِي!»

1 تَسَلونِيكِي 1:9

فِي أَيِّ بَكَانْ النَّاسْ قَاعِدِينْ يِحَجُّوا بَيْكُو وَ يُقُولُوا كَدَرْ إِنْتُو كَرَبْتُونَا عَدِيلْ وَ تُبْتُوا لِلّٰهْ. وَ يُقُولُوا إِنْتُو خَلَّيْتُوا مِنْكُو الْأَصْنَامْ أَشَانْ تَعَبُدُوا اللّٰهْ الْوَاحِدْ الْحَيّ

إشَعْيا 14:1

اللّٰهْ يِحِنّ فِي ذُرِّيَّةْ يَعْقُوبْ وَ يَعَزِلْ بَتَّانْ بَنِي إِسْرَائِيلْ وَ هُو يَنْطِيهُمْ الرَّاحَةْ فِي بَلَدْهُمْ. وَ الْأَجَانِبْ يِلِمُّوا مَعَاهُمْ وَ يِنْرَبْطُوا مَعَ ذُرِّيَّةْ يَعْقُوبْ.

أعمال الرُسُل 21:13

وَ لَاكِنْ هُو رَدَّ لَيْنَا وَ قَالْ: «مَالْكُو تَبْكُوا مِثِلْ دَا؟ تِدَوْرُوا تِوَجُّعُوا قَلْبِي وَلَّا؟ أَنَا مَاشِي لِمَدِينَةْ الْقُدُسْ. أَنَا مَا جَاهِزْ لِيَرْبُطُونِي بَسْ لَاكِنْ فِي شَانْ أُسُمْ رَبِّنَا عِيسَى أَنَا جَاهِزْ لِلْمَوْت.»

هُوشَع 13:4

«أَنَا اللّٰهْ إِلٰـهْكُو مِنْ مَرَقْتُكُو مِنْ بَلَدْ مَصِرْ. مَا وَاجِبْ تَعَرْفُوا إِلٰـهْ آخَرْ بَلَايِ أَنَا وَ مَا فِي مُنَجِّي إِلَّا أَنَا.

دَنْيال 2:47

وَ خَلَاصْ، الْمَلِكْ حَجَّى لِدَنْيَالْ وَ قَالْ: «بِصَحِيحْ إِلٰـهْكُو إِنْتُو دَا، هُو بَسْ إِلٰـهْ الْإِلٰـهَاتْ وَ رَبّ الْمُلُوكْ وَ هُو يَكْشِفْ الْأَسْرَارْ أَشَانْ إِنْتَ قِدِرْت كَشَفْت لَيِّ السِّرّ دَا.»

رُؤية 14:4

هُمَّنْ مَا نَجَّسَوْا نُفُوسْهُمْ مَعَ الْعَوِينْ وَ لَاكِنْ قَاعِدِينْ طَاهِرِينْ مَرَّةْ وَاحِدْ. وَ دَوْل هُمَّنْ الْيِتَابُعُوا الْحَمَلْ فِي أَيِّ بَكَانْ الْهُو يَمْشِي فَوْقَهْ. وَ دَوْل بَسْ النَّاسْ الْهُو فَدَاهُمْ مِنْ أُسْط النَّاسْ وَ هُمَّنْ بِقَوْا خَاصّ لِلّٰهْ وَ لِلْحَمَلْ مِثِلْ أَوَّلْ إِنْتَاجْ هَنَا زَرَعْ هُو خَاصّ لِلّٰهْ.

يَشُوع 24:18

وَ اللّٰهْ طَرَدْ قِدَّامْنَا الْأَمُورِيِّينْ وَ كُلَّ الشُّعُوبْ الْآخَرِينْ السَّكَنَوْا فِي الْبَلَدْ دِي. وَ فِي شَانْ دَا، أَنِحْنَ كُلَ نَعَبُدُوا اللّٰهْ أَشَانْ هُو بَسْ إِلٰـهْنَا.»

دَنْيال 4:37

هَسَّعْ دَا، أَنَا نَبُوخَدْنَصَرْ نِغَنِّي بِأُسْمَهْ وَ نَشْكُرَهْ وَ نِمَجِّدْ اللّٰهْ مَلِكْ السَّمَاوَاتْ الْكُلَّ عَمَلَهْ صَحِيحْ وَ كُلَّ دُرُوبَهْ عِنْدُهُمْ عَدَالَةْ. وَ هُو قَادِرْ يِزِلّْ الْمُسْتَكْبِرِينْ.»

دَنْيال 3:29

أَسْمَعَوْا، يَا النَّاسْ! مِنْ بَعَدْ الْيَوْم، أَيِّ نَادُمْ مِنْ أَيِّ شَعَبْ أَوْ أُمَّةْ أَوْ لُغَّةْ كَنْ قَالْ كَلَامْ ضِدّ إِلٰـهْ شَدْرَاكْ وَ مِشَاكْ وَ عَبْد الْنَغُو، نِقَطِّعَهْ لَحَمَايْ لَحَمَايْ وَ نِدَمِّرْ بَيْتَهْ وَ يَبْقَى مِثِلْ دُنْقُسْ أَشَانْ مَا فِي إِلٰـهْ آخَرْ الْيَقْدَرْ يِنَجِّي بِطَرِيقَةْ مِثِلْ دِي.»

رَعُوث 1:15

وَ خَلَاصْ، نَعِيمَةْ قَالَتْ لِرَعُوثْ: «شِيفِي، حَمَاتْكِ قَبَّلَتْ لِأَهَلْهَا وَ لِإِلٰـهَاتْهَا. إِنْتِ كُلَ قَبِّلِي مَعَاهَا.»

رَعُوث 1:17

الْبَكَانْ التُّمُوتِي، أَنَا كُلَ نُمُوتْ وَ يَدْفُنُونِي. كَنْ شَيّءْ آخَرْ بَلَا الْمَوْت بَسْ فَرَقَانِي مِنْكِ دَا، خَلِّي اللّٰهْ يِعَاقِبْنِي عِقَابْ شَدِيدْ!»

رَعُوث 4:15

وَ الْوِلَيْد دَا يِغَيِّرْ حَيَاتْكِ وَ يِسَاعِدْكِ فِي وَكِتْ تَبْقَيْ عَجُوزْ أَشَانْ وِلْدَتَهْ لَيْكِ مَرِةْ وِلَيْدكِ التِّرِيدْكِ. وَ هِي أَخَيْر لَيْكِ مِنْ سَبْعَةْ أَوْلَادْ!»

أمْثال 17:17

الرَّفِيقْ يِحِبَّكْ فِي كُلَّ وَكِتْ وَ وَلْد أَمَّكْ وِلْدَوْه لِيِسَاعِدَكْ فِي الضِّيقَةْ.

رَعُوث 2:6

وَ كَبِيرْ اللَّمَّامِينْ قَالْ لَيَّهْ: «دِي الْبِنَيَّةْ الْمُوَابِيَّةْ الْجَاتْ مَعَ نَعِيمَةْ مِنْ بَلَدْ مُوَابْ.

زَكَرِيَّا 8:23

وَ دَاهُو اللّٰهْ الْقَادِرْ قَالْ: «فِي الْوَكِتْ دَا، يَجُوا مِنْ الْأُمَمْ عَشَرَةْ رُجَالْ أَيِّ وَاحِدْ بِلُغِّتَهْ. وَ كُلَّ الرُّجَالْ دَوْل يَكُرْبُوا دَايِرْ خَلَقْ هَنَا وَاحِدْ مِنْ الْيَهُودْ وَ يَشْحَدَوْه وَ يُقُولُوا لَيَّهْ: ‹خَلُّونَا نَمْشُوا مَعَاكُو أَشَانْ سِمِعْنَا كَدَرْ الرَّبّ قَاعِدْ مَعَاكُو.›»