رَعُوث 1:1 - الكتاب المقدس بالعربي الدارجي هنا تشاد

¹ فِي وَكِتْ الْحُكَّامْ قُبَّالْ بَنِي إِسْرَائِيلْ مَا عِنْدُهُمْ مَلِكْ، جُوعْ شَدِيدْ جَاءْ فِي بَلَدْ يَهُوذَا وَ فِي شَانْ دَا، رَاجِلْ وَاحِدْ مِنْ حِلَّةْ بَيْت لَحَمْ مَشَى لِبَلَدْ مُوَابْ لِيَسْكُنْ هِنَاكْ. وَ الرَّاجِلْ دَا مَشَى مَعَ مَرْتَهْ وَ أَوْلَادَهْ الْإِتْنَيْن.

رَعُوث 1:1 Referenca të Kryqëzuara

تكوين 12:10

وَ بَعَدْ دَا، الْجُوعْ دَخَلْ فِي الْبَلَدْ دِي. وَ أَبْرَامْ مَشَى فِي مَصِرْ لِيَقْعُدْ مُدَّةْ هِنَاكْ أَشَانْ الْجُوعْ بِقِي شَدِيدْ.

تكوين 26:1

وَ فِي جُوعْ جَاءْ فِي الْبَلَدْ، بَعَدْ الْجُوعْ الْجَاءْ أَوَّلْ فِي وَكِتْ إِبْرَاهِيمْ. وَ إِسْحَاقْ قَمَّ مَشَى حِلَّةْ قَرَارْ بَكَانْ أَبِيمَلِكْ، مَلِكْ الْفِلِسْطِيِّينْ.

حِزْقِيال 14:13

«يَا إِبْن آدَمْ، أَكُونْ بَلَدْ وَاحِدَةْ تِسَوِّي ذَنِبْ هَنَا خِيَانَةْ ضِدِّي وَ أَنَا نِمِدّ إِيدِي لِنَضْرُبْهَا وَ نِقَلِّلْ الْمَعَاشْ وَ نِرَسِّلْ لَيْهَا الْجُوعْ لِنَكْتُلْ النَّاسْ وَ الْبَهَايِمْ.

قُضياء 17:8

وَ يَوْم وَاحِدْ، النَّادُمْ دَا قَمَّ مَشَى مِنْ بَيْت لَحَمْ فِي تُرَابْ يَهُوذَا لِيِفَتِّشْ بَكَانْ آخَرْ يَسْكُنْ فَوْقَهْ. وَ وَكِتْ جَاءْ فِي جِبَالْ أَفْرَايِمْ، صُدْفَةْ فِي دَرْبَهْ هُو لِقِي بَيْت مِيكَا.

لاوِيِّين 26:19

وَ أَنَا نِكَسِّرْ إِسْتِكْبَارْ قُدْرِتْكُو وَ نِسَوِّي سَمَاكُو قَوِي مِثِلْ حَدِيدْ وَ أَرْضُكُو مِثِلْ نَحَاسْ.

تكوين 43:1

الْجُوعْ بِقِي شَدِيدْ بِلْحَيْن فِي بَلَدْ كَنْعَانْ.

عَمُوس 4:6

«أَنَا جِبْت لَيْكُو الْجُوعْ فِي كُلَّ مُدُنْكُو وَ بُيُوتْكُو. مَا فِي شَيّءْ التِّدِسُّوهْ فِي خُشُومْكُو وَ بَيْدَا كُلَ، مَا تُبْتُوا.» وَ دَا كَلَامْ اللّٰهْ.

زَبُور 105:16

وَ اللّٰهْ جَابْ الْجُوعْ فِي الْبَلَدْ وَ قَلَّلْ فَوْقهَا الْمَعَاشْ.

تَثْنِية 28:38

وَ تِتَيْرُبُوا حُبُوبْ كَتِيرِينْ فِي زِرَاعِتْكُو وَ تِلِمُّوا مَعَاشْ شِيَّةْ أَشَانْ الْجَرَادْ يَاكُلَهْ.

حِزْقِيال 14:21

وَ دَاهُو اللّٰهْ الرَّبّ قَالْ: «حَتَّى كَانْ رَسَّلْت ضِدّ مَدِينَةْ الْقُدُسْ عِقَابِي الْأَرْبَعَةْ الشَّدِيدْ، وَ هُمَّنْ الْحَرِبْ وَ الْجُوعْ وَ الْحَيْوَانَاتْ الْفَسْلِينْ وَ الْوَبَاءْ لِيَكْتُلُوا النَّاسْ وَ الْبَهَايِمْ،

إرْمِيا 14:1

اللّٰهْ حَجَّى لِإِرْمِيَا فِي وَكْت الْجَفَافْ.

زَبُور 107:34

وَ الْأَرْض الْعَدِيلَةْ بِأَرْض مِلِحْ. وَ دَا بِسَبَبْ فَسَالَةْ سُكَّانْهَا.

1 مُلوك 18:2

وَ خَلَاصْ، إِلِيَاسْ قَمَّ مَشَى لِيِقَابِلْ أَخَابْ. وَ فِي الْوَكِتْ دَا، الْجُوعْ بِقِي شَدِيدْ مَرَّةْ وَاحِدْ فِي مَدِينَةْ السَّامِرَةْ.

قُضياء 12:8

وَ بَعَدْ يِفْتَاحْ، إِبْصَانْ الْمِنْ بَيْت لَحَمْ حَكَمْ فِي بَنِي إِسْرَائِيلْ.

2 صَمُوِيل 21:1

وَ فِي وَكِتْ حُكُمْ دَاوُدْ، بِقِي جُوعْ وَ الْجُوعْ دَا قَعَدْ تَلَاتَةْ سَنَةْ مُتَتَابِعِينْ. وَ دَاوُدْ سَأَلْ اللّٰهْ وَ اللّٰهْ رَدَّ لَيَّهْ وَ قَالْ: «الْجُوعْ دَا جَاءْ بِسَبَبْ الدِّمَمْ الشَّاوُولْ وَ عَايِلْتَهْ كَتَلَوْهُمْ. هُمَّنْ كَتَلَوْا مِنْ سُكَّانْ قِبْعُونْ.»

قُضياء 17:7

وَ فِيَّهْ صَبِي وَاحِدْ لَاوِي السَّاكِنْ فِي بَيْت لَحَمْ فِي تُرَابْ قَبِيلَةْ يَهُوذَا.

مِيخا 5:2

وَ اللّٰهْ قَالْ: «إِنْتِ، يَا بَيْت لَحَمْ أَفْرَاتَةْ، إِنْتِ صَغَيْرَةْ لِتِنْحَسْبِي أَمْبَيْن عَايِلَاتْ يَهُوذَا. وَ لَاكِنْ نَادُمْ وَاحِدْ يَمْرُقْ مِنْكِ الْيَحْكِمْ بِأُسْمِي فِي بَنِي إِسْرَائِيلْ. وَ قَعَرَهْ جَايِ مِنْ بَعِيدْ مِنْ الزَّمَنْ الْقَدِيمْ.»

1 أخبار 2:51

وَ سَلْمَا هُو الْبَنَى حِلَّةْ بَيْت لَحَمْ وَ حَرِيفْ هُو الْبَنَى حِلَّةْ بَيْت قَدِيرْ.

1 أخبار 2:54

وَ ذُرِّيَّةْ سَلْمَا هُمَّنْ نَاسْ بَيْت لَحَمْ وَ حِلَّةْ نَطُوفَا وَ عَطَرُوتْ بَيْت يُوَابْ وَ نُصّ سُكَّانْ مَنَاحَتْ وَ الصُّورْعِيِّينْ.