رَوْمَا 9:3 - الكتاب المقدس بالعربي الدارجي هنا تشاد

³ أَنَا نِتْمَنَّى اللّٰهْ يَلْعَنِّي وَ يَفْرُقْنِي أَنَا ذَاتِي مِنْ الْمَسِيحْ، كَنْ بَيْدَا نَاسْ قَبِيلْتِي يَنْجَوْا أَشَانْ هُمَّنْ أَخْوَانِي.

رَوْمَا 9:3 Referenca të Kryqëzuara

خُروج 32:32

يَا رَبّ، أَغْفِرْ لَيْهُمْ ذَنِبْهُمْ! أَوْ قُشّ أُسْمِي مِنْ كِتَابَكْ الْإِنْتَ كَتَبْتَهْ.»

أسْتِير 8:6

وَ كِكَّيْف نَقْدَرْ نَحْمَلْ وَ نِشِيفْ الْفَسَالَةْ التَّلْحَقْ شَعَبِي؟ وَ كِكَّيْف نَقْدَرْ نَحْمَلْ وَ نِشِيفْ دَمَارْ أَهَلِي؟»

رَوْمَا 11:14

أَشَانْ أَكُونْ نِسَوِّي أَخْوَانِي الْيَهُودْ يَحْسُدُوكُو وَ أَكُونْ بِمِثِلْ دَا، نِنَجِّي وَاحِدِينْ مِنْهُمْ.

غَلاطِية 3:10

وَ كُلَّ النَّاسْ الْأَنْكَرَبَوْا فِي طَبِّقِينْ شُرُوطْ التَّوْرَاةْ، اللَّعَنَةْ قَاعِدَةْ فَوْقهُمْ. أَشَانْ مَكْتُوبْ فِي الْكِتَابْ كَدَرْ أَيِّ نَادُمْ الْمَا يِتَابِعْ الْكَلَامْ الْمَكْتُوبْ فِي التَّوْرَاةْ كُلَّ كَيْ وَ مَا يِطَبِّقَهْ تَمَامْ، هُو مَلْعُونْ.

1 كُرُنْتُس 16:22

كَنْ أَيِّ نَادُمْ مَا يِحِبّ رَبِّنَا عِيسَى، خَلِّي اللّٰهْ يَلْعَنَهْ. يَا رَبِّنَا، تَعَالْ!

غَلاطِية 3:13

لَاكِنْ الْمَسِيحْ فَدَانَا مِنْ اللَّعَنَةْ الْجَايَةْ مِنْ التَّوْرَاةْ. هُو ذَاتَهْ بِقِي مَلْعُونْ فِي شَانَّا. أَشَانْ الْكِتَابْ بُقُولْ: <أَيِّ نَادُمْ الْمُعَلَّقْ فَوْق فِي الْحَطَبْ، هُو مَلْعُونْ.>

غَلاطِية 1:8

وَ لَاكِنْ كَنْ أَيِّ نَادُمْ مِنِّنَا وَلَّا مَلَكْ مِنْ مَلَائِكَةْ اللّٰهْ يَجِي يِبَلِّغْ لَيْكُو بِشَارَةْ بِالْمَسِيحْ شِقْ مِنْ الْبِشَارَةْ الْبَلَّغْنَاهَا لَيْكُو دِي، خَلِّي اللّٰهْ يَلْعَنَهْ.

1 كُرُنْتُس 12:3

أَشَانْ دَا، نِدَوْر إِنْتُو تَفْهَمَوْا عَدِيلْ كَدَرْ النَّادُمْ الْيِحَجِّي بِقُدْرَةْ رُوحْ اللّٰهْ أَبَداً مَا يُقُولْ: «عِيسَى مَلْعُونْ.» وَ لَاكِنْ إِلَّا بِقُدْرَةْ الرُّوحْ الْقُدُّوسْ بَسْ، نَادُمْ يَقْدَرْ يُقُولْ: «عِيسَى هُو الرَّبّ».

رَوْمَا 11:1

وَ أَشَانْ دَا، أَنَا نَسْأَلْ سُؤَالْ. اللّٰهْ أَبَى شَعَبَهْ بَنِي إِسْرَائِيلْ مَرَّةْ وَاحِدْ وَلَّا؟ لَا، أَبَداً. أَنَا ذَاتِي مِنْ بَنِي إِسْرَائِيلْ وَ مِنْ ذُرِّيَّةْ إِبْرَاهِيمْ وَ مِنْ قَبِيلَةْ بَنْيَامِينْ.

أعمال الرُسُل 13:26

وَ بُولُسْ قَالْ: «يَا الْأَخْوَانْ، يَا عِيَالْ جِدِّنَا إِبْرَاهِيمْ وَ كُلَّ النَّاسْ اللَّامِّينْ مَعَانَا وَ خَايْفِينْ مِنْ اللّٰهْ، هُو رَسَّلْ خَبَرْ النَّجَاةْ دِي لَيْنَا كُلِّنَا.

1 صَمُوِيل 14:44

وَ شَاوُولْ قَالْ: «خَلِّي الرَّبّ يِعَاقِبْنِي عِقَابْ شَدِيدْ كَنْ إِنْتَ مَا مُتّْ، يَا يُونَتَانْ!»

1 صَمُوِيل 14:24

وَ رُجَالْ بَنِي إِسْرَائِيلْ تِعِبَوْا فِي الْيَوْم دَا أَشَانْ شَاوُولْ حَلَّفَاهُمْ وَ قَالْ: «مَلْعُونْ النَّادُمْ الْيَاكُلْ قُبَّالْ الْعَشِيَّةْ، قَبُلْ مَا نِنَّصِرْ فِي عَدُويِ!» وَ فِي الْيَوْم دَا، كُلَّ رُجَالْ بَنِي إِسْرَائِيلْ مَا أَكَلَوْا شَيّءْ.

تَثْنِية 21:23

خَلَاصْ مَا تِخَلُّوا جَنَازْتَهْ مُعَلَّقَةْ فِي الشَّدَرَةْ طُولْ اللَّيْل. وَ لَاكِنْ أَدْفُنُوهَا فِي نَفْس الْيَوْم أَشَانْ الْجَنَازَةْ الْمُعَلَّقَةْ فِي الشَّدَرَةْ تِجِيبْ لَعَنَةْ اللّٰهْ فِي الْبَلَدْ. وَ مَا وَاجِبْ تِنَجُّسُوا بَلَدْكُو الْاللّٰهْ إِلٰـهْكُو يَنْطِيهَا لَيْكُو وَرَثَةْ.

تكوين 29:14

وَ لَابَانْ قَالْ: «أَكِيدْ إِنْتَ دَا، وِلَيْد بِنْت أَمِّي! إِنْتَ مِنْ دَمِّي وَ لَحَمِي!» وَ يَعْقُوبْ قَعَدْ مَعَ لَابَانْ مُدَّةْ شَهَرْ.

2 صَمُوِيل 18:33

وَ خَلَاصْ، الْمَلِكْ بَرْجَلْ وَ طَلَعْ فِي الْقَصِرْ الْقَاعِدْ فِي خَشُمْ بَابْ الْحِلَّةْ وَ دَخَلْ فِي غُرْفَةْ وَ قَمَّ يَبْكِي. وَ يُرُوغْ وَ يُقُولْ: «يَا وِلَيْدِي أَبْشَلُومْ! هَايْ وِلَيْدِي! يَا وِلَيْدِي أَبْشَلُومْ، مَالَا أَنَا مَا مُتّْ فِي بَدَلَكْ! هَايْ وِلَيْدِي أَبْشَلُومْ، يَا وِلَيْدِي!»

أعمال الرُسُل 22:5

وَ كَلَامِي دَا صَحِيحْ وَ كَنْ مَا تِصَدُّقُونِي، أَسْأَلَوْا كَبِيرْ رُجَالْ الدِّينْ وَ مَجْلَسْ الْكُبَارَاتْ. هُمَّنْ ذَاتْهُمْ أَنْطَوْنِي جَوَابَاتْ لِأَخْوَانْهُمْ فِي مَدِينَةْ دِمَشْق. وَ أَنَا مَشَيْت أَشَانْ نَكْرُبْ نَاسْ هَنَا عِيسَى الْقَاعِدِينْ هِنَاكْ وَ دَوَّرْت نَرْبُطْهُمْ وَ نِقَبِّلْ بَيْهُمْ فِي مَدِينَةْ الْقُدُسْ أَشَانْ يِعَاقُبُوهُمْ هِنِي.

أعمال الرُسُل 28:21

وَ الْيَهُودْ قَالَوْا لَيَّهْ: «مَا لِقِينَا فَوْقَكْ جَوَابْ مِنْ دَارْ الْيَهُودِيَّةْ. وَ الْأَخْوَانْ الْجَوْا مِنْ هِنَاكْ كُلَ، نَادُمْ وَاحِدْ مَا جَابْ لَيْنَا خَبَرْ فَوْقَكْ وَ مَا سِمِعْنَا فَوْقَكْ شَيّءْ فَسِلْ.

رَوْمَا 1:3

وَ الْبِشَارَةْ دِي تِحَجِّي بِإِبْنَهْ الْبِقِي إِنْسَانْ مِنْ ذُرِّيَّةْ الْمَلِكْ دَاوُدْ

رَوْمَا 9:2

أَنَا حَزْنَانْ بِلْحَيْن وَ قَلْبِي دَايْماً بَوْجَعْنِي.

رَوْمَا 16:7

وَ سَلُّمُوا أَهَلِي أَنْدَرُونِكِي وَ يُونِيَةْ الْقَعَدْنَا سَوَا مَعَاهُمْ فِي السِّجِنْ. كُلَّ الرُّسُلْ يَعَرْفُوهُمْ وَ يِكَرُّمُوهُمْ. هُمَّنْ مُؤمِنِينْ بِالْمَسِيحْ قُبَّالِي أَنَا.

رَوْمَا 16:11

وَ سَلُّمُوا أَخُويِ هِرُودِيُنْ. وَ سَلُّمُوا نَاسْ رَبِّنَا الْقَاعِدِينْ فِي بَيْت نَرْكِيسْ.

رَوْمَا 16:21

وَ أَخُويِ تِمُوتَاوُسْ الْيَخْدِمْ مَعَايِ سَوَا يِسَلِّمْكُو. وَ أَهَلِي لُوكِيُسْ وَ يَاسُونْ وَ سُوبَاتَرْ كُلَ يِسَلُّمُوكُو.

2 كُرُنْتُس 12:15

وَ فِي شَانْكُو إِنْتُو، نَنْطِي بِفَرَحْ كُلَّ شَيّءْ الْعِنْدِي وَ نَنْطِي نَفْسِي فِي شَانْكُو بَتَّانْ. كَنْ نِحِبُّكُو كَتِيرْ، هَلْ إِنْتُو تِحِبُّونِي شِيَّةْ وَلَّا؟

غَلاطِية 1:9

أَوَّلْ قُلْنَاهْ وَ هَسَّعْ أَنَا نُقُولَهْ بَتَّانْ، كَنْ نَادُمْ يِبَلِّغْ لَيْكُو بِالْمَسِيحْ بِشَارَةْ شِقْ مِنْ الْبِشَارَةْ الْأَوَّلْ سِمِعْتُوهَا دِي، خَلِّي اللّٰهْ يَلْعَنْ النَّادُمْ دَا.

أفَسُس 6:5

أَسْمَعَوْا، يَا الْعَبِيدْ، تَابُعُوا كَلَامْ النَّاسْ الْفِي الدُّنْيَا دِي هُمَّنْ سِيَادْكُو. أَيْوَى، كَرُّمُوهُمْ وَ أَخَافَوْا مِنْهُمْ. أَخْدُمُوا لَيْهُمْ بِنِيَّةْ وَاحِدَةْ مِثِلْ إِنْتُو قَاعِدِينْ تَخْدُمُوا لِلْمَسِيحْ.