رَوْمَا 9:2 - الكتاب المقدس بالعربي الدارجي هنا تشاد

² أَنَا حَزْنَانْ بِلْحَيْن وَ قَلْبِي دَايْماً بَوْجَعْنِي.

رَوْمَا 9:2 Referenca të Kryqëzuara

فِلِبِّي 3:18

وَ قُلْت الْكَلَامْ دَا أَشَانْ فِي نَاسْ كَتِيرِينْ يِسَوُّوا نُفُوسْهُمْ عَدُو لِصَلِيبْ الْمَسِيحْ مِثِلْ أَوْرَيْتكُو بَيَّهْ عِدَّةْ مَرَّاتْ. وَ بَتَّانْ نِأَوْرِيكُو بَيَّهْ بِحِزِنْ شَدِيدْ وَ دُمُوعْ.

مَراثِي إرْمِيا 3:51

وَ مَا نَقْدَرْ نِشِيفْ الشَّيّءْ الْكَانْ لِبَنَاتْ مَدِينْتِي.

إرْمِيا 13:17

وَ كَنْ مَا تَسْمَعَوْا الْكَلَامْ دَا، أَنَا نَحْزَنْ فِي قَلْبِي دَاخَلْ بِسَبَبْ إِسْتِكْبَارْكُو. وَ نَبْكِي دَايْماً وَ دُمُوعِي يِسِيلُوا أَشَانْ غَنَمْ اللّٰهْ الْهُمَّنْ بَنِي إِسْرَائِيلْ كَرَبَوْهُمْ مَسَاجِينْ.»

زَبُور 119:136

مِنْ عُيُونِي، دُمُوعِي نَزَلَوْا مِثِلْ وُدْيَانْ أَشَانْ النَّاسْ مَا حَفَضَوْا تَوْرَاتَكْ.

رَوْمَا 10:1

يَا أَخْوَانِي فِي الْمَسِيحْ، نِتْمَنَّى بِكُلَّ قَلْبِي كَدَرْ أَخْوَانِي الْيَهُودْ يَنْجَوْا وَ دَا الشَّيّءْ الْأَنَا دَايْماً نَطُلْبَهْ مِنْ اللّٰهْ.

حِزْقِيال 9:4

وَ اللّٰهْ قَالْ لَيَّهْ: «أَمْشِي فِي أُسْط مَدِينَةْ الْقُدُسْ وَ سَوِّي عَلَامَةْ فِي جَبْهَاتْ النَّاسْ الْقَاعِدِينْ يَقُنْتُوا وَ يَشْكُوا بِسَبَبْ كُلَّ الْمُحَرَّمَاتْ الْقَاعِدِينْ يِسَوُّوهُمْ فِي لُبَّهَا.»

إرْمِيا 9:1

خَلِّي رَاسِي يَبْقَى خَزَّانْ هَنَا دُمُوعْ وَ دُمُوعْ عُيُونِي يِسِيلُوا مِثِلْ عُيُونْ أَلْمِي أَشَانْ نَبْكِي لَيْل وَ نَهَارْ لِضَحَايَا أُمَّتِي الْمِثِلْ بِنْت أَمِّي.

مَراثِي إرْمِيا 1:12

وَ لَيْكُو إِنْتُو كُلُّكُو التِّعَدُّوا بِالدَّرِبْ دَا، أَسْمَعَوْا وَ شِيفُوا! فِيَّهْ تَعَبْ زِيَادَةْ مِنْ تَعَبِي الْأَنَا عَايْشَةْ بَيَّهْ؟ وَ دَا التَّعَبْ الْجَابَهْ اللّٰهْ فِي يَوْم غَضَبَهْ الْمُحْرِقْ.

إشَعْيا 66:10

«أَفْرَحَوْا مَعَ مَدِينَةْ الْقُدُسْ وَ أَنْبَسْطُوا بَيْهَا، إِنْتُو كُلُّكُو التِّحِبُّوهَا! أَفْرَحَوْا مَعَاهَا بِسُرُورْ، إِنْتُو كُلُّكُو الْحِزِنْتُوا فِي شَانْهَا.

1 صَمُوِيل 15:35

وَ صَمُوِيلْ حِزِنْ بِلْحَيْن مِنْ شَاوُولْ وَ مَا مَشَى شَافَهْ لَحَدِّي مَاتْ. وَ اللّٰهْ نِدِمْ أَشَانْ دَرَّجْ شَاوُولْ مَلِكْ فِي بَنِي إِسْرَائِيلْ.

رُؤية 11:3

وَ فِي الْمُدَّةْ دِي، نَنْطِي قُدْرَةْ لِشُهُودِي الْإِتْنَيْن أَشَانْ يِتْنَبَّأَوْا لَيْهُمْ فِي مُدَّةْ هَنَا 1 260 يَوْم. وَ لَابْسِينْ خُلْقَانْ هَنَا حِزِنْ.»

رَوْمَا 9:1

نُقُولْ لَيْكُو الْحَقّ بِأُسُمْ الْمَسِيحْ وَ كَلَامِي مَا كِدِبْ. وَ قَلْبِي يَشْهَدْ لَيِّ مَعَ الرُّوحْ الْقُدُّوسْ كَدَرْ كَلَامِي صَحِيحْ.

رَوْمَا 9:3

أَنَا نِتْمَنَّى اللّٰهْ يَلْعَنِّي وَ يَفْرُقْنِي أَنَا ذَاتِي مِنْ الْمَسِيحْ، كَنْ بَيْدَا نَاسْ قَبِيلْتِي يَنْجَوْا أَشَانْ هُمَّنْ أَخْوَانِي.