رَوْمَا 8:5 - الكتاب المقدس بالعربي الدارجي هنا تشاد

⁵ أَيْوَى، النَّاسْ الْعَايْشِينْ بِقُدْرَةْ الْإِنْسَانْ يُخُطُّوا فِكِرْهُمْ فِي الشَّيّءْ الْبُخُصّ الْإِنْسَانْ. لَاكِنْ الْعَايْشِينْ بِقُدْرَةْ الرُّوحْ الْقُدُّوسْ يُخُطُّوا فِكِرْهُمْ فِي الشَّيّءْ الْبُخُصّ الرُّوحْ الْقُدُّوسْ.

رَوْمَا 8:5 Referenca të Kryqëzuara

1 كُرُنْتُس 2:14

وَ الْإِنْسَانِي الطَّبِيعِي مَا يَقْبَلْ كَلَامْ هَنَا رُوحْ اللّٰهْ. فِي فِكْرَهْ، كَلَامْ الرُّوحْ الْقُدُّوسْ بَاطِلْ وَ هُو مَا يَفْهَمَهْ. أَشَانْ نَادُمْ مَا يَفْهَمَهْ إِلَّا بِقُدْرَةْ الرُّوحْ الْقُدُّوسْ.

يُوحَنَّا 3:6

الْمَوْلُودْ مِنْ إِنْسَانْ، هُو إِنْسَانْ وَ لَاكِنْ الْمَوْلُودْ مِنْ الرُّوحْ، هُو رُوحْ.

رَوْمَا 8:9

لَاكِنْ إِنْتُو مَا عَايْشِينْ حَسَبْ طَبِيعَةْ الْإِنْسَانْ. إِنْتُو عَايْشِينْ حَسَبْ الرُّوحْ الْقُدُّوسْ أَشَانْ رُوحْ اللّٰهْ سَاكِنْ فِيكُو. وَ كَنْ نَادُمْ مَا عِنْدَهْ رُوحْ الْمَسِيحْ، هُو مَا هَنَا الْمَسِيحْ.

مَرْخُوس 8:33

وَ عِيسَى أَنْلَفَتْ وَ شَافْ تَلَامِيذَهْ وَ هَرَجْ بُطْرُسْ وَ قَالْ: «يَا شَيْطَانْ، كِسّ مِنْ قِدَّامِي! كَلَامَكْ دَا مَا فِكِرْ اللّٰهْ. دَا فِكِرْ النَّاسْ.»

2 كُرُنْتُس 10:3

صَحِيحْ، أَنِحْنَ عَايْشِينْ فِي الدُّنْيَا لَاكِنْ مَا نِحَارُبُوا مِثِلْ نَاسْ الدُّنْيَا.

2 بُطْرُس 2:10

وَ مِثِلْ دَا، أَكِيدْ يِعَاقِبْ النَّاسْ الْيِتَابُعُوا شَهْوَاتْهُمْ الْخَبِيثَةْ التِّنَجِّسْهُمْ وَ يَحْقُرُوا سُلْطَةْ الرَّبّ. هُمَّنْ مُسْتَكْبِرِينْ وَ مُتَمَرِّدِينْ وَ هَيِّنْ لَيْهُمْ يُقُولُوا كَلَامْ فَسِلْ فِي سُكَّانْ الْمَجْد.

أفَسُس 5:9

أَشَانْ نُورْ اللّٰهْ يِجِيبْ نَتِيجَةْ فِي قُلُوبْ النَّاسْ وَ النَّتِيجَةْ دِي، هِي الْخَيْر وَ الْعَدَالَةْ وَ الْحَقّ.

1 كُرُنْتُس 15:48

وَ آدَمْ هُو إِنْسَانْ هَنَا التُّرَابْ وَ بَنِي آدَم هُمَّنْ كُلَ نَاسْ هَنَا التُّرَابْ مِثْلَهْ هُو. وَ الْمَسِيحْ هُو إِنْسَانْ هَنَا السَّمَاءْ وَ نَاسْ هَنَا الْمَسِيحْ كُلَ نَاسْ هَنَا السَّمَاءْ مِثْلَهْ هُو.

غَلاطِية 5:17

أَشَانْ الشَّيّءْ الْيِرِيدَهْ قَلِبْ الْإِنْسَانْ شِقْ مِنْ الْيِرِيدَهْ الرُّوحْ الْقُدُّوسْ. وَ الشَّيّءْ الْيِرِيدَهْ الرُّوحْ الْقُدُّوسْ شِقْ مِنْ الْيِرِيدَهْ قَلِبْ الْإِنْسَانْ. الْإِتْنَيْن دَوْل يِدَّاوَسَوْا أَمْبَيْنَاتْهُمْ أَشَانْ يَدْحَرَوْكُو مِنْ الشَّيّءْ التِّدَوْرُوا تِسَوُّوهْ.