رَوْمَا 8:3 - الكتاب المقدس بالعربي الدارجي هنا تشاد

³ شُرُوطْ التَّوْرَاةْ أَبَداً مَا قِدْرَوْا يِنَجُّوا النَّاسْ أَشَانْ ضُعُفْ طَبِيعَةْ الْإِنْسَانْ دَحَرَاهُمْ. وَ اللّٰهْ ذَاتَهْ سَوَّى الشَّيّءْ الشُّرُوطْ التَّوْرَاةْ مَا قِدْرَوْا يِسَوُّوهْ. هُو رَسَّلْ إِبْنَهْ الْوَاحِدْ لِيَبْقَى إِنْسَانْ فِي جِسِمْ مِثِلْ جِسِمْ الْمُذْنِبْ. وَ وَكِتْ هُو فِي جِسْمَهْ الْإِنْسَانِي دَا، اللّٰهْ حَاكَمْ فِي الذَّنِبْ مَرَّةْ وَاحِدْ.

رَوْمَا 8:3 Referenca të Kryqëzuara

أعمال الرُسُل 13:39

وَ لَاكِنْ كُلَّ النَّاسْ الْيِآمُنُوا بِعِيسَى، اللّٰهْ يِحَرِّرْهُمْ مِنْ ذُنُوبْهُمْ.

غَلاطِية 3:13

لَاكِنْ الْمَسِيحْ فَدَانَا مِنْ اللَّعَنَةْ الْجَايَةْ مِنْ التَّوْرَاةْ. هُو ذَاتَهْ بِقِي مَلْعُونْ فِي شَانَّا. أَشَانْ الْكِتَابْ بُقُولْ: <أَيِّ نَادُمْ الْمُعَلَّقْ فَوْق فِي الْحَطَبْ، هُو مَلْعُونْ.>

2 كُرُنْتُس 5:21

وَ الْمَسِيحْ الْأَبَداً مَا أَذْنَبْ، اللّٰهْ جَعَلَهْ ضَحِيَّةْ فِي شَانْ ذُنُوبْنَا أَشَانْ أَنِحْنَ نَبْقَوْا بَيَّهْ شَعَبْ اللّٰهْ الصَّالِحِينْ.

عِبْرَانِيِّين 10:14

أَشَانْ الْمَسِيحْ قَدَّمْ ضَحِيَّةْ وَاحِدَةْ بَسْ وَ بَيْهَا هُو كَمَّلْ مَرَّةْ وَاحِدْ طِهَارَةْ النَّاسْ الْيَبْقَوْا خَاصِّيْن لِلّٰهْ.

1 بُطْرُس 2:24

وَ فِي الصَّلِيبْ، هُو بِنَفْسَهْ حَمَلْ ذُنُوبْنَا فِي جِسْمَهْ أَشَانْ نِخَلُّوا الذُّنُوبْ مَرَّةْ وَاحِدْ وَ نِعِيشُوا بِحَالْ صَالْحَةْ. وَ بِوَاسِطَةْ جِرَاحَهْ، إِنْتُو لِقِيتُوا الشِّفَاءْ.

رَوْمَا 6:6

نَعَرْفُوا كَدَرْ جِسِمْنَا الْإِنْسَانِي الْقَدِيمْ مَاتْ مَعَ الْمَسِيحْ فِي الصَّلِيبْ وَ بَيْدَا، الْجِسِمْ الْمُذْنِبْ أَدَّمَّرْ. وَ أَنِحْنَ مَا نَبْقَوْا بَتَّانْ عَبِيدْ لِلذَّنِبْ

غَلاطِية 3:21

التَّوْرَاةْ يِخَالِفْ وَعَدْ اللّٰهْ وَلَّا؟ لَا، أَبَداً. كَنْ أَوَّلْ النَّاسْ يَقْدَرَوْا يَلْقَوْا الْحَيَاةْ الْأَبَدِيَّةْ بِطَبِّقِينْ شُرُوطْ التَّوْرَاةْ الْاللّٰهْ أَنْطَاهُمْ، خَلَاصْ هُمَّنْ يَبْقَوْا صَالِحِينْ بِالشُّرُوطْ دَوْل.

رَوْمَا 8:32

اللّٰهْ مَا أَبَى مَا يَنْطِينَا إِبْنَهْ الْوَاحِدْ، لَاكِنْ سَلَّمَهْ لِلْمَوْت فِي شَانَّا كُلِّنَا. وَ هُو الْأَنْطَانَا إِبْنَهْ مَا يَنْطِينَا كُلَّ شَيّءْ مَعَ إِبْنَهْ وَلَّا؟

رَوْمَا 3:20

أَشَانْ مَا فِي إِنْسَانْ يَبْقَى صَالِحْ قِدَّامْ اللّٰهْ بِطَبِّقِينْ شُرُوطْ التَّوْرَاةْ. بِالْعَكْس، الشُّرُوطْ قَاعِدِينْ أَشَانْ بَيْهُمْ الذَّنِبْ يِنْعَرِفْ.

عِبْرَانِيِّين 2:14

الْعِيَالْ دَوْل كُلُّهُمْ إِنْسَانْ وَ أَشَانْ دَا، عِيسَى كُلَ بِقِي إِنْسَانْ مِثِلْهُمْ. وَ بِقِي مِثِلْهُمْ أَشَانْ بِمَوْتَهْ، هُو دَمَّرْ قُدْرَةْ إِبْلِيسْ الْعِنْدَهْ قُدْرَةْ فِي الْمَوْت.

فِلِبِّي 2:7

بِالْعَكْس، هُو خَلَّى مِنَّهْ كُلَّ شَيّءْ وَ سَوَّى نَفْسَهْ مِثِلْ عَبِدْ وَ قَصَّدْ يَلْدَوْه وَ يَبْقَى إِنْسَانْ.

عِبْرَانِيِّين 10:12

لَاكِنْ عِيسَى الْمَسِيحْ قَدَّمْ ضَحِيَّةْ وَاحِدَةْ بَسْ لِكُلَّ الذُّنُوبْ وَ بَعَدْ دَا، هُو قَعَدْ جَنْب اللّٰهْ إِلَى الْأَبَدْ فِي نُصَّهْ الزَّيْنَايْ.

عِبْرَانِيِّين 4:15

رَاجِلْ الدِّينْ هَنَانَا دَا يَعَرِفْ ضُعُفْنَا أَشَانْ هُو كُلَ، جَرَّبَوْه بِكُلَّ التَّجْرِبَةْ مِثِلْنَا لَاكِنْ هُو أَبَداً مَا سَوَّى ذَنِبْ.

عِبْرَانِيِّين 2:17

وَ بِسَبَبْ دَا، لَابُدَّ يَبْقَى مِثِلْ أَخْوَانَهْ فِي كُلَّ شَيّءْ وَ يَبْقَى لَيْهُمْ كَبِيرْ رُجَالْ الدِّينْ، الرَّحِيمْ وَ الْأَمِينْ، وَ يَخْدِمْ لِلّٰهْ وَ يِسَوِّي كَفَّارَةْ لِذُنُوبْ الشَّعَبْ.

رَوْمَا 9:3

أَنَا نِتْمَنَّى اللّٰهْ يَلْعَنِّي وَ يَفْرُقْنِي أَنَا ذَاتِي مِنْ الْمَسِيحْ، كَنْ بَيْدَا نَاسْ قَبِيلْتِي يَنْجَوْا أَشَانْ هُمَّنْ أَخْوَانِي.

يُوحَنَّا 1:14

وَ الْكَلِمَةْ بِقَتْ إِنْسَانْ وَ هُو سَكَنْ فِي أُسُطْنَا. وَ شِفْنَا قُدُرْتَهْ الْمَجِيدَةْ. وَ قُدُرْتَهْ هِي مَجِيدَةْ بِلْحَيْن وَ مُوَافْقَةْ لِلْإِبْن الْوَاحِدْ الْجَايِ مِنْ اللّٰهْ أَبُوهْ. وَ هُو مَلَانْ بِالرَّحْمَةْ وَ الْحَقّ.

يُوحَنَّا 9:24

وَ مَرَّةْ تَانِيَةْ، نَادَوْا الْعَمْيَانْ الْفَتَحَوْه وَ قَالَوْا: «أَحْلِفْ بِاللّٰهْ! أَنِحْنَ نَعَرْفُوا كَدَرْ النَّادُمْ دَا مُذْنِبْ.»

مَرْخُوس 15:27

وَ طَقَّوْا جَنْبَهْ مُجْرِمِينْ إِتْنَيْن، الْوَاحِدْ فِي صَلِيبْ بِنُصَّهْ الزَّيْنَايْ وَ الْآخَرْ فِي صَلِيبْ بِنُصَّهْ الْإِسْرَايْ.

عَدد 28:22

وَ بَتَّانْ تِقَدُّمُوا تَيْس ضَحِيَّةْ لِكَفَّارَةْ الذَّنِبْ وَ دِي تَبْقَى لَيْكُو كَفَّارَةْ.

رَوْمَا 7:18

نَعَرِفْ مَا فِي شَيّءْ عَدِيلْ قَاعِدْ فَوْقِي، يَعْنِي فِي طَبِيعْتِي الْإِنْسَانِيَّةْ. عِنْدِي نِيَّةْ نِسَوِّي الْخَيْر لَاكِنْ مَا نَقْدَرْ.

عَدد 21:9

وَ خَلَاصْ، مُوسَى صَنَعْ دَابِي هَنَا نَحَاسْ وَ رَفَعَهْ فَوْق فِي عُودْ. وَ وَكِتْ دَابِي يِعَضِّي نَادُمْ، كَنْ النَّادُمْ دَا شَافْ الدَّابِي هَنَا النَّحَاسْ دَا بَتَّانْ مَا يُمُوتْ.