رَوْمَا 8:2 - الكتاب المقدس بالعربي الدارجي هنا تشاد

² وَ قُدْرَةْ الرُّوحْ الْقُدُّوسْ التَّنْطِي الْحَيَاةْ فِي عِيسَى الْمَسِيحْ حَرَّرَتْنِي مِنْ قُدْرَةْ الشُّرُوطْ الْقَدِيمِينْ الْوَدَّوْنِي لِلذَّنِبْ وَ الْمَوْت.

رَوْمَا 8:2 Referenca të Kryqëzuara

رَوْمَا 6:14

خَلَاصْ، الذَّنِبْ مَا عِنْدَهْ قُدْرَةْ فَوْقكُو بَتَّانْ أَشَانْ هَسَّعْ إِنْتُو مَا تِحِتْ شُرُوطْ التَّوْرَاةْ لَاكِنْ إِنْتُو تِحِتْ رَحْمَةْ اللّٰهْ.

2 كُرُنْتُس 3:17

وَ فِي الْكَلَامْ دَا، الرَّبّ هُو الرُّوحْ الْقُدُّوسْ. وَ أَيِّ بَكَانْ الرُّوحْ الْقُدُّوسْ هَنَا الرَّبّ قَاعِدْ فَوْقَهْ، الْحُرِّيَّةْ كُلَ قَاعِدَةْ فَوْقَهْ.

رَوْمَا 6:18

إِنْتُو حُرِّينْ مِنْ الذَّنِبْ وَ بِقِيتُوا عَبِيدْ اللّٰهْ الصَّالِحِينْ.

2 كُرُنْتُس 3:6

أَيْوَى، هُو أَنْطَانَا الْقُدْرَةْ لِنَبْقَوْا خَدَّامِينْ وَ نَخْدُمُوا لِلّٰهْ فِي الْمُعَاهَدَةْ الْجَدِيدَةْ. وَ الْمُعَاهَدَةْ الْجَدِيدَةْ دِي مَا هَنَا شُرُوطْ مَكْتُوبِينْ وَ لَاكِنْ هَنَا رُوحْ اللّٰهْ. أَشَانْ مُعَاهَدَةْ الشُّرُوطْ الْمَكْتُوبِينْ تِجِيبْ الْمَوْت وَ لَاكِنْ رُوحْ اللّٰهْ يِجِيبْ الْحَيَاةْ.

1 كُرُنْتُس 15:45

وَ أَشَانْ دَا، مِثِلْ مَكْتُوبْ فِي الْكِتَابْ: <آدَمْ الْإِنْسَانْ الْأَوَّلْ بِقِي حَيّ.> وَ آدَمْ الْأَخِيرْ هُو الْمَسِيحْ وَ هُو بِقِي إِنْسَانْ هَنَا الرُّوحْ الْيَنْطِي الْحَيَاةْ.

يُوحَنَّا 8:36

وَ كَنْ إِبْن اللّٰهْ يِحَرِّرْكُو مِنْ الْعُبُودِيَّةْ، إِنْتُو تَبْقَوْا حُرِّينْ مَرَّةْ وَاحِدْ.

يُوحَنَّا 8:32

وَ مِثِلْ دَا، تَعَرْفُوا الْحَقّ وَ الْحَقّ يِحَرِّرْكُو مِنْ الْعُبُودِيَّةْ.»

رَوْمَا 7:4

يَا أَخْوَانِي، إِنْتُو كُلَ بِقِي لَيْكُو مِثِلْ دَا. وَكِتْ كَتَلَوْا الْمَسِيحْ، إِنْتُو مُتُّوا مَعَايَهْ فِي جِسْمَهْ وَ بِقِيتُوا حُرِّينْ مِنْ شُرُوطْ التَّوْرَاةْ. وَ بَيْدَا، تَبْقَوْا هَنَا سَيِّدْ آخَرْ وَ هُو النَّادُمْ الْبَعَثْ مِنْ أُسْط الْمَيْتِينْ. وَ خَلَاصْ، كُلِّنَا نِسَوُّوا الْخَيْر الْاللّٰهْ يِدَوْرَهْ.

رَوْمَا 6:22

لَاكِنْ هَسَّعْ إِنْتُو حُرِّينْ مِنْ الذَّنِبْ وَ بِقِيتُوا عَبِيدْ اللّٰهْ. وَ النَّتِيجَةْ التَّلْقَوْهَا، هِي الْحَالْ الصَّالْحَةْ وَ هِي تِوَدِّي النَّاسْ لِلْحَيَاةْ الْأَبَدِيَّةْ.

يُوحَنَّا 6:63

رُوحْ اللّٰهْ يَنْطِي الْحَيَاةْ. وَ الْقُدْرَةْ الْإِنْسَانِيَّةْ مَا عِنْدَهَا فَايْدَةْ. الْكَلَامْ الْقُلْتَهْ لَيْكُو جَايِ مِنْ الرُّوحْ وَ يَنْطِيكُو الْحَيَاةْ.

يُوحَنَّا 4:14

لَاكِنْ أَيِّ نَادُمْ الْيَشْرَبْ مِنْ الْأَلْمِي الْأَنَا نَنْطِيهْ أَبَداً كَيْ الْعَطَشْ مَا يَكُرْبَهْ. الْأَلْمِي الْأَنَا نَنْطِيهْ يَبْقَى فِي قَلْبَهْ مِثِلْ عَيْن هَنَا أَلْمِي جَارِي وَ يَنْطِيهْ الْحَيَاةْ الْأَبَدِيَّةْ.»

يُوحَنَّا 4:10

وَ عِيسَى رَدَّ لَيْهَا وَ قَالْ: «كَنْ أَوَّلْ عِرِفْتِ عَطِيَّةْ اللّٰهْ وَ يَاتُو النَّادُمْ الْقَاعِدْ يَسْأَلْكِ أَلْمِي، إِنْتِ تَسْأَلَيْه وَ هُو يَنْطِيكِ أَلْمِي الْحَيَاةْ.»

غَلاطِية 5:1

الْمَسِيحْ سَوَّانَا نَاسْ حُرِّينْ أَشَانْ نِعِيشُوا فِي الْحُرِّيَّةْ. أَقْعُدُوا ثَابْتِينْ فِي الْحُرِّيَّةْ وَ آبَوْا مَا تَبْقَوْا بَتَّانْ عَبِيدْ.

غَلاطِية 2:19

التَّوْرَاةْ سَوَّى فَوْقِي عَمَلَهْ وَ خَلَاصْ، فِي الشَّيّءْ الْبُخُصّ شُرُوطْ التَّوْرَاةْ، أَنَا مَيِّتْ. وَ أَنَا مُتّْ لِشُرُوطَهْ أَشَانْ نُقُمّ نِعِيشْ لِلّٰهْ. أَنَا مُتّْ مَعَ الْمَسِيحْ فِي صَلِيبَهْ.

رَوْمَا 5:21

وَ بَيْدَا، مِثِلْ الْمَوْت مَلَكْ فِي النَّاسْ بِسَبَبْ الذَّنِبْ، مِثِلْ دَا رَحْمَةْ اللّٰهْ كُلَ تَمْلُكْ فِي النَّاسْ وَ تِسَوِّيهُمْ صَالِحِينْ وَ تِوَدِّيهُمْ فِي الْحَيَاةْ الْأَبَدِيَّةْ بِعِيسَى الْمَسِيحْ رَبِّنَا.

رَوْمَا 7:21

وَ خَلَاصْ، دَاهُو الشَّيّءْ الدَّايْماً بِقِي لَيِّ. كَنْ نِدَوْر نِسَوِّي الْخَيْر، الْفَسَالَةْ بَسْ تَجِي لَيِّ.

زَبُور 51:12

أَنْطِينِي فَرَحْ نَجَاتَكْ وَ قَوِّينِي بِرُوحْ كَرِيمَةْ.

رُؤية 22:1

وَ فِي الْبَكَانْ دَا، الْمَلَكْ وَصَّفَانِي بَحَرْ هَنَا أَلْمِي الْحَيَاةْ. وَ الْبَحَرْ هَنَا أَلْمِي صَافِي الْبِرَارِي وَ مَارِقْ مِنْ عَرْش هَنَا اللّٰهْ وَ الْحَمَلْ.

رَوْمَا 3:27

وَ كَنْ بِقِي مِثِلْ دَا، الْإِنْسَانْ عِنْدَهْ حَقّ يِسْتَكْبَرْ وَلَّا؟ لَا، مَا عِنْدَهْ حَقّ وَاحِدْ كُلَ. مَالَا مَا يَقْدَرْ يِسْتَكْبَرْ؟ أَشَانْ هُو مَا يَبْقَى صَالِحْ بِعَمَلَهْ، إِلَّا بِإِيمَانَهْ.

رُؤية 11:11

وَ بَعَدْ تَلَاتَةْ يَوْم وَ نُصّ، اللّٰهْ رَسَّلْ رُوحْ الْحَيَاةْ فِي جَنَازَاتْهُمْ وَ هُمَّنْ قَمَّوْا وَ وَقَفَوْا فَوْق. وَ خَوْف شَدِيدْ دَخَلْ لِكُلَّ النَّاسْ الشَّافَوْهُمْ.

رَوْمَا 7:23

لَاكِنْ نِحِسّ فِي نَفْسِي شَيّءْ آخَرْ الْقَاعِدْ فِي جِسْمِي الْيِدَوْر يَمْلُكْنِي وَ هُو يِدَاوِسْ مَعَ فِكْرِي. وَ خَلَاصْ، أَنَا بِقِيتْ مَسْجُونْ تِحِتْ مُلُكْ الذَّنِبْ الْقَاعِدْ فِي جِسْمِي.

رَوْمَا 8:1

وَ هَسَّعْ خَلَاصْ، مَا فِي أَبَداً هَلَاكْ لِلنَّاسْ الْقَاعِدِينْ فِي عِيسَى الْمَسِيحْ.

رَوْمَا 16:3

وَ سَلُّمُوا بِرِسْكِيلَةْ وَ أَكِيلَا الْخَدَمَوْا مَعَايِ سَوَا لِلْمَسِيحْ عِيسَى.

غَلاطِية 6:2

وَ فِي وَكِتْ التَّعَبْ، أَسَّاعَدَوْا أَمْبَيْنَاتْكُو. وَ مِثِلْ دَا، تِطَبُّقُوا وَصَايَا الْمَسِيحْ.

يَعْقُوب 1:25

وَ لَاكِنْ كَنْ نَادُمْ يُخُطّ بَالَهْ عَدِيلْ فِي وَصَايَا اللّٰهْ الْكَامِلِينْ الْيَنْطُونَا الْحُرِّيَّةْ وَ يِنْكَرِبْ فَوْقهُمْ وَ مَا يَسْمَعْهُمْ لِيَنْسَاهُمْ وَ يِطَبِّقْهُمْ، خَلَاصْ النَّادُمْ دَا، اللّٰهْ يِبَارِكَهْ فِي كُلِّ شَيّءْ الْيِسَوِّيهْ.

حِزْقِيال 1:21

وَ وَكِتْ الْمَخْلُوقِينْ يَمْشُوا، الْعَجَلَاتْ كُلَ يَمْشُوا وَ وَكِتْ يَقِيفُوا، الْعَجَلَاتْ كُلَ يَقِيفُوا وَ وَكِتْ يِنْرَفْعُوا مِنْ الْأَرْض، الْعَجَلَاتْ كُلَ يِنْرَفْعُوا مَعَاهُمْ أَشَانْ رُوحْ الْمَخْلُوقِينْ دَوْل قَاعِدَةْ فِي الْعَجَلَاتْ.